ಇಂಡಿಯಾವನ್ನೇ ಛಿದ್ರ ಮಾಡಲು ಮುಂದಾಗಿದ್ದಾರಾ ಪ್ರಧಾನಿ ನರೇಂದ್ರ ಮೋದಿ..?

ಪ್ರಧಾನಿ ನರೇಂದ್ರ ಮೋದಿ ಜಿ-20 ಶೃಂಗಸಭೆಯ ಆಹ್ವಾನ ಪತ್ರದಲ್ಲಿ ರಿಪಬ್ಲಿಕ್​ ಆಫ್​ ಇಂಡಿಯಾ ಬದಲು ಭಾರತ್​ ರಿಪಬ್ಲಿಕ್​ ಎಂದು ಬಳಸುವ ಮೂಲಕ ಇಂಡಿಯಾ ಶಬ್ಧವನ್ನು ಕೈಬಿಡಲಾಗುತ್ತದೆ. ಭಾರತ್​ ಮಾತ್ರ ಉಳಿಸಿಕೊಳ್ಳಲಾಗುತ್ತದೆ ಎನ್ನುವ ಚರ್ಚೆ ಶುರುವಾಗಿತ್ತು. ಭಾರತ ಹಾಗು ಇಂಡಿಯಾ ಎರಡೂ ಸಮಾನ ಗೌರವ ಹೊಂದಿರುವ ಹೆಸರುಗಳು, ಇದರಲ್ಲಿ ರಾಜಕೀಯ ಬೇಡ. ಕಾಂಗ್ರೆಸ್​ ನೇತೃತ್ವದಲ್ಲಿ ವಿರೋಧ ಪಕ್ಷಗಳು ಒಕ್ಕೂಟ ರಚನೆ ಮಾಡಿಕೊಂಡು I.N.D.I.A ಎಂದು ನಾಮಕರಣ ಮಾಡಿರುವ ಕಾರಣದಿಂದಲೇ ಭಾರತ್​ ಎನ್ನುವ ಹೆಸರಿಗೆ ಮೇಲ್ಪಂಕ್ತಿ ಹಾಕುತ್ತಾ ಇಂಡಿಯಾ ಎನ್ನುವ ಹೆಸರನ್ನು ಕೈಬಿಡುವ ಕೆಲಸ ಮಾಡಲಾಗ್ತಿದೆ. ಕಾಂಗ್ರೆಸ್​ ನೇತೃತ್ವದ ಇಂಡಿಯಾ ಒಕ್ಕೂಟದ ಒಗ್ಗಟ್ಟಿನಿಂದ ಭಾರತೀಯ ಜನತಾ ಪಾರ್ಟಿ ಕಂಗಾಲಾಗಿರುವುದು ಕಾಣಿಸುತ್ತಿದೆ ಎಂದು ಕಾಂಗ್ರೆಸ್​ ಟೀಕಿಸಿತ್ತು.

ADVERTISEMENT

ದೇಶವನ್ನು ವಿಭಜನೆ ಮಾಡಲು ಬಿಜೆಪಿ ತಂತ್ರಗಾರಿಕೆ..!

ಭಾರತ – ಇಂಡಿಯಾ ಎನ್ನುವ ಹೆಸರಲ್ಲಿ ಬೇಧ ಭಾವ ಹುಡುಕುತ್ತಿರುವ ಬಿಜೆಪಿ ದೇಶವನ್ನು ವಿಭಜನೆ ಮಾಡಲು ಮೂಮದಾಗಿದೆ. ಮುಂದೊಂದು ದಿನ ಭಾರತವನ್ನು ವಿಭಜನೆಯ ಸಂಚು ಮಾಡಲಾಗಿದೆ ಎಂದು ಕಾಂಗ್ರೆಸ್​ ಆರೋಪ ಮಾಡಿತ್ತು. ಆದರೆ ದೇಶವನ್ನು ವಿಭಜನೆ ಮಾಡುವ ಉದ್ದೇಶ ಭಾರತೀಯ ಜನತಾ ಪಾರ್ಟಿಗೆ ಇದೆಯೋ ಇಲ್ಲವೋ ಆದರೆ ಇಂಡಿಯಾವನ್ನು ವಿಭಜನೆ ಮಾಡುವ ತಂತ್ರಗಾರಿಕೆಯನ್ನು ಬಿಜೆಪಿ ಮಾಡಿದೆ ಎನ್ನುವುದು ಸ್ಪಷ್ಟವಾಗಿದೆ. ಜಿ-20 ಶೃಂಗಸಭೆಯಲ್ಲಿ ಭಾಗಿಯಾಗುತ್ತಲೇ ಬಿಜೆಪಿ ರಾಜಕೀಯ ಮಾಡಿದೆ ಎನ್ನುವುದು ಭಾನುವಾರ ಸಂಜೆ ರಾಷ್ಟ್ರಪತಿ ಭವನದಲ್ಲಿ ನಡೆದ ಔತಣಕೂಟದಲ್ಲಿ ಬಯಲಾಗಿದೆ. ರಾಷ್ಟ್ರ ಚಿಂತನೆ ಜೊತೆಗೆ ಪಕ್ಷದ ಬಗ್ಗೆಯೂ ಲೆಕ್ಕಾಚಾರ ಮಾಡಿದ್ದಾರೆ ಎನಿಸುತ್ತಿದೆ.

ಪ್ರತಿಪಕ್ಷದ ನಾಯಕನಿಗೆ ಆಹ್ವಾನ ಕೊಡದೆ ತಂತ್ರಗಾರಿಕೆ..!

ಜಿ-20 ಶೃಂಗಸಭೆಯಲ್ಲಿ ಅಧಿಕೃತ ವಿರೋಧ ಪಕ್ಷದ ನಾಯಕನಿಗೆ ಆಹ್ವಾನ ಕೊಡಬೇಕಿತ್ತು. ಲೋಕಸಭೆಯಲ್ಲಿ ಅಧಿಕೃತ ವಿರೋಧ ಪಕ್ಷದ ನಾಯಕರಿಲ್ಲ. ಆದರೆ ರಾಜ್ಯಸಭೆಯಲ್ಲಿ ಅಧಿಕೃತ ವಿರೋಧ ಪಕ್ಷದ ನಾಯಕರಿದ್ದಾರೆ. ಎಐಸಿಸಿ ಅಧ್ಯಕ್ಷರೂ ಆಗಿರುವ ಕರ್ನಾಟಕದ ಮಲ್ಲಿಕಾರ್ಜುನ ಖರ್ಗೆ ಅವರನ್ನು ಕೇಂದ್ರ ಸರ್ಕಾರ ಆಹ್ವಾನಿಸಬೇಕಿತ್ತು. ಜಿ-20 ಶೃಂಗಸಭೆಯ ಕೆಲವೊಂದು ಕಾರ್ಯಕ್ರಮಗಳಲ್ಲಿ ಮಲ್ಲಿಕಾರ್ಜುನ ಖರ್ಗೆ ಅವರು ಪಾಲ್ಗೊಳ್ಳಬೇಕಿತ್ತು. ಕೇಂದ್ರ ಸರ್ಕಾರ ಖರ್ಗೆ ಅವರನ್ನು ಆಹ್ವಾನವನ್ನೇ ಮಾಡಿರಲಿಲ್ಲ. ಇದನ್ನು ಕಾಂಗ್ರೆಸ್​ ಕಟುವಾಗಿ ಟೀಕಿಸಿತ್ತು. ಆದರೆ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ ನಡ್ಡಾ ಅವರನ್ನು ಆಹ್ವಾನ ಮಾಡಿರಲಿಲ್ಲ. ಹಾಗಾಗಿ ಕಾಂಗ್ರೆಸ್​ ಅಧ್ಯಕ್ಷರನ್ನು ಆಹ್ವಾನ ಮಾಡಿಲ್ಲ ಎಂದು ಕೇಂದ್ರ ತೇಪೆ ಹಾಕುವ ಪ್ರಯತ್ನ ಮಾಡಿದೆ.

ಆಹ್ವಾನದಲ್ಲಿ ಚಾಣಕ್ಷ್ಯತನ ಮೆರೆದ ಭಾರತೀಯ ಜನತಾ ಪಾರ್ಟಿ..!

ಇಂಡಿಯಾ ಒಕ್ಕೂಟದಲ್ಲಿ ಮುಂದಾಳು ಆಗಿರುವ ಕಾಂಗ್ರೆಸ್​ ನಾಯಕರನ್ನು ಆಹ್ವಾನ ಮಾಡದ ಕೇಂದ್ರ ಬಿಜೆಪಿ, ಆಹ್ವಾನ ವಿಚಾರದಲ್ಲಿ ರಾಜಕೀಯ ಚಾಣಕ್ಷ್ಯತನ ಮೆರೆದಿದೆ. ಇಂಡಿಯಾ ಮೈತ್ರಿಕೂಟ ಭಾಗ ಆಗಿರುವ ಕೆಲವು ರಾಜ್ಯಗಳ ಮುಖ್ಯಮಂತ್ರಿಗಳನ್ನು ಕೇಂದ್ರ ಸರ್ಕಾರ ಆಹ್ವಾನ ಮಾಡಿತ್ತು. ಬಿಹಾರ ಸಿಎಂ ನಿತೀಶ್​ ಕುಮಾರ್​, ಜಾರ್ಖಂಡ್​ ಸಿಎಂ ಹೇಮಂತ್​ ಸುರೇನ್​, ತಮಿಳುನಾಡು ಸಿಎಂ ಎಂ.ಕೆ ಸ್ಟಾಲಿನ್​​ ಅವರನ್ನು ರಾಷ್ಟ್ರಪತಿ ಅವರು ಆಯೋಜನೆ ಮಾಡಿದ್ದ ಔತಣಕೂಟಕ್ಕೆ ಆಹ್ವಾನ ಮಾಡಿತ್ತು. ನಿತೀಶ್​ ಕುಮಾರ್​ ಹಾಗು ಹೇಮಂತ್​ ಸುರೇನ್​ ಅವರನ್ನು ಸ್ವತಃ ಪ್ರಧಾನಿ ನರೇಂದ್ರ ಮೋದಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್​ಗೆ ಪರಿಚಯ ಮಾಡಿಸುವ ಮೂಲಕ ತಂತ್ರಗಾರಿಕೆ ಮೆರೆದಿದ್ದಾರೆ. ಮುಂದಿನ ದಿನಗಳಲ್ಲಿ ಇಂಡಿಯಾ ಒಕ್ಕೂಟದಲ್ಲಿ ಬಿರುಕು ಮೂಡಿಸಿ, ಬಿಜೆಪಿ ನೇತೃತ್ವದ ಒಕ್ಕೂಟಕ್ಕೆ ಸೆಳೆಯುವ ಮುನ್ಸೂಚನೆ ಕೊಟ್ಟಿದ್ದಾರೆ. ಇಂಡಿಯಾ ಇಬ್ಭಾಗ ಮಾಡದೆ ರಾಜಕೀಯ ಮಾಡಿದರೆ ಸಂಕಷ್ಟ ಎನ್ನುವುದನ್ನು ಬಿಜೆಪಿ ಈ ಮೂಲಕ ತೋರಿಸುತ್ತಿದೆ ಎನ್ನಬಹುದು.