ಕೊನೆಯ ಚುನಾವಣೆಯಲ್ಲಿ ದೇವೇಗೌಡರ ಸೋಲಿಗೆ ಅವರ ಕುಟುಂಬಸ್ಥರೇ ಕಾರಣ : ಪ್ರೀತಂ ಗೌಡ

ಹಾಸನ : ಪ್ರಚಾರದ ಭರದಲ್ಲಿ ಹೆಚ್ಡಿ ದೇವೇಗೌಡರಿಗೆ ಶಾಸಕ ಪ್ರೀತಂ ಗೌಡ ಅಗೌರವ ತೋರಿದ್ದಾರೆ ಎಂಬ ಭವಾನಿ ರೇವಣ್ಣ ಆರೋಪಕ್ಕೆ ಸ್ವತಃ ಪ್ರೀತಂ ಗೌಡ ತಿರುಗೇಟು ನೀಡಿದ್ದಾರೆ. ಹಾಸನದಲ್ಲಿ ಇಂದು ಅಬ್ಬರದ ಪ್ರಚಾರ ನಡೆಸಿ ಮಾತನಾಡಿದ ಪ್ರೀತಂ ಗೌಡ, ಹೆಚ್ಡಿ ದೇವೇಗೌಡ ಕುಟುಂಬದವರು ಅವರಿಗೆ ತೋರುವ ಗೌರವಕ್ಕಿಂತಲೂ ಹೆಚ್ಚಿನ ಗೌರವ ನನಗಿದೆ ಎಂದಿದ್ದಾರೆ .

ಇಂದು ಬೀರನಹಳ್ಳಿ, ಹೊಯ್ಸಳ ನಗರ, ಕೆ.ಆರ್.ಪುರಂ ಪ್ರದೇಶದಲ್ಲಿ ಅಬ್ಬರದ ಪ್ರಚಾರ ನಡೆಸಿದ ಪ್ರೀತಂ ಗೌಡ, ದೇವೇಗೌಡ ಮನೆಯವರು ಅವರನ್ನು ಕೊನೆಯ ಚುನಾವಣೆಗೆ ತುಮಕೂರಿಗೆ ಕಳಿಸಿಬಿಟ್ರು. ಅಲ್ಲಿ ಅವರು ಸೋಲನ್ನು ಅನುಭವಿಸುವಂತಾಯ್ತು.

ಆದರೆ ಹಾಸನದಲ್ಲಿ ದೇವಗೌಡರನ್ನು ಕೊನೆಯ ಚುನಾವಣೆಯಲ್ಲಿ ಗೆಲ್ಲಿಸಬೇಕು ಅನ್ನೋದು ಪಕ್ಷದ ಕಾರ್ಯಕರ್ತರ ಆಶಯವಾಗಿತ್ತು. ಸುದೀರ್ಘ ರಾಜಕಾರಣ ಜೀವನ ನೋಡಿರುವ ದೇವೇಗೌಡರು ಕೊನೆಯ ಚುನಾವಣೆ ಸೋಲಲು ಅವರ ಕುಟುಂಬದವರೇ ಕಾರಣ ಎಂದು ಪರೋಕ್ಷವಾಗಿ ಹೇಳಿದ್ದಾರೆ.