ಬೆಂಗಳೂರು: ರಾಜ್ಯದ ಕಬ್ಬು ಬೆಳೆಗಾರರ ಹಿತರಕ್ಷಣೆ ಮತ್ತು ಅವರ ಶ್ರಮಕ್ಕೆ ತಕ್ಕ ನ್ಯಾಯಯುತ ಬೆಲೆ ಕೊಡಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ತಕ್ಷಣ ಮಧ್ಯಪ್ರವೇಶಿಸಬೇಕು ಎಂದು ಆಗ್ರಹಿಸಿ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ (D.K. Shivakumar) ಅವರು ಪ್ರಧಾನಿ ನರೇಂದ್ರ ಮೋದಿ (PM Modi) ಅವರಿಗೆ ಪತ್ರ ಬರೆದಿದ್ದಾರೆ.
ಕಬ್ಬು ಅರೆಯುವ ಹಂಗಾಮು ಆರಂಭವಾಗುವುದು ವಿಳಂಬವಾಗಿರುವ ಹಿನ್ನೆಲೆಯಲ್ಲಿ ಉತ್ತರ ಕರ್ನಾಟಕ ಭಾಗದ ಸಾವಿರಾರು ರೈತ ಕುಟುಂಬಗಳು ಸಂಕಷ್ಟಕ್ಕೆ ಸಿಲುಕಿದ್ದು, ಈ ಬಿಕ್ಕಟ್ಟನ್ನು ಶೀಘ್ರವಾಗಿ ಬಗೆಹರಿಸುವಂತೆ ಅವರು ಕೇಂದ್ರವನ್ನು ಒತ್ತಾಯಿಸಿದ್ದಾರೆ.
ಉತ್ತರ ಕರ್ನಾಟಕದ ರೈತರ ಆತಂಕ ಮತ್ತು ಕಿತ್ತೂರು ಭೇಟಿ
ಇತ್ತೀಚೆಗೆ ಕಿತ್ತೂರಿಗೆ ಭೇಟಿ ನೀಡಿದ್ದ ವೇಳೆ ಪ್ರತಿಭಟನಾನಿರತ ರೈತರನ್ನು ಖುದ್ದು ಭೇಟಿಯಾಗಿ ಅವರ ಅಳಲನ್ನು ಆಲಿಸಿರುವುದಾಗಿ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ತಿಳಿಸಿದ್ದಾರೆ. ಕಟಾವಿಗೆ ಬಂದಿರುವ ಕಬ್ಬು ಗದ್ದೆಗಳಲ್ಲೇ ನಿಂತಿದ್ದು, ಪ್ರತಿ ದಿನವೂ ತೂಕ ಹಾಗೂ ಸಕ್ಕರೆ ಇಳುವರಿ ಕಡಿಮೆಯಾಗುವ ಭೀತಿ ರೈತರನ್ನು ಕಾಡುತ್ತಿದೆ. ತಿಂಗಳುಗಟ್ಟಲೆ ಬೆವರು ಸುರಿಸಿ ಬೆಳೆದ ಬೆಳೆ ನಷ್ಟವಾಗುತ್ತಿರುವುದನ್ನು ತಡೆಯಲು ಕೇಂದ್ರ ಸರ್ಕಾರ ತನ್ನ ವ್ಯಾಪ್ತಿಗೆ ಬರುವ ನಿರ್ಧಾರಗಳನ್ನು ಕಾಲಮಿತಿಯೊಳಗೆ ಕೈಗೊಳ್ಳಬೇಕಾದ ತುರ್ತು ಅಗತ್ಯವಿದೆ ಎಂದು ಅವರು ಪ್ರಧಾನಿ ಗಮನಕ್ಕೆ ತಂದಿದ್ದಾರೆ.
Our sugarcane farmers deserve fair prices for their hard work and the assurance that their livelihoods are protected.
In North Karnataka, the delay in the commencement of the crushing season has created uncertainty for thousands of farming families, with mature sugarcane still standing in their fields. Every passing day can mean a loss in cane weight and sugar content, directly affecting the income of farmers who have worked hard for months to bring their crop to harvest.
During my recent visit to Kittur, I met the protesting farmers and heard their concerns firsthand. I understand their distress and the need for a timely resolution that safeguards their livelihoods. I have written to Hon’ble Prime Minister Shri @narendramodi, urging the Union Government to intervene and take early decisions on the key demands that fall within its purview.
The five key requests are:
1. Revise the Minimum Selling Price of sugar, unchanged at ₹31 per kg since 2019, to reflect rising sugarcane costs and enable mills to pay farmers fairly.
2. Introduce separate MSPs for domestic and commercial sugar to protect household consumers while ensuring fair prices for bulk buyers.
3. Review the exclusion of ethanol produced from sugarcane juice, sugar syrup and B-heavy molasses from procurement tenders and ensure fair allocation based on installed capacity.
4. Increase the prices of cane-based ethanol, unchanged since 2022–23, to reflect rising sugarcane costs and support sugar mills.
5. Restore the FRP base recovery rate to 9.50% to ensure farmers in low-recovery regions receive fair remuneration despite variations in soil, climate and crushing conditions.Our government has taken steps within its powers to improve transparency in cane weighment, strengthen sugar recovery testing and provide additional financial support to farmers. I have also welcomed the Union Government’s committee examining issues in the sugar sector. However, with the crushing season already delayed, these pressing concerns require timely decisions even as the committee continues its work.
The livelihoods of lakhs of sugarcane farmers and the well-being of their families are at stake. We must ensure that their hard work is recognised and that they receive fair remuneration for their produce. I urge the Union Government to respond positively to these demands so that the concerns of our farmers can be addressed and the crushing season can begin without further delay. The interests of our farmers and the welfare of the people of Karnataka remain our foremost priority.
@PMOIndia
— DK Shivakumar (@DKShivakumar) October 19, 2026
ಸಕ್ಕರೆ ಬೆಲೆ ಏರಿಕೆ ಮತ್ತು ದ್ವಿಮುಖ ಮಾರಾಟ ದರ ವ್ಯವಸ್ಥೆಗೆ ಬೇಡಿಕೆ
ರೈತರಿಗೆ ನ್ಯಾಯ ಒದಗಿಸಲು ಕೇಂದ್ರದ ಮುಂದಿಟ್ಟಿರುವ ಪ್ರಮುಖ ಬೇಡಿಕೆಗಳಲ್ಲಿ ಸಕ್ಕರೆಯ ಕನಿಷ್ಠ ಮಾರಾಟ ದರ (MSP) ಪರಿಷ್ಕರಣೆ ಅಗ್ರಸ್ಥಾನದಲ್ಲಿದೆ. 2019 ರಿಂದ ಪ್ರತಿ ಕೆ.ಜಿ.ಗೆ ₹31 ರಷ್ಟೇ ಇರುವ ಸಕ್ಕರೆಯ ಕನಿಷ್ಠ ಮಾರಾಟ ದರವನ್ನು ಪ್ರಸ್ತುತ ಕಬ್ಬು ಉತ್ಪಾದನಾ ವೆಚ್ಚಕ್ಕೆ ಅನುಗುಣವಾಗಿ ಹೆಚ್ಚಿಸಬೇಕು, ಇದರಿಂದ ಸಕ್ಕರೆ ಕಾರ್ಖಾನೆಗಳು ರೈತರಿಗೆ ಬಾಕಿ ಪಾವತಿಸಲು ಸಾಧ್ಯವಾಗುತ್ತದೆ ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ. ಇದರ ಜೊತೆಗೆ ಸಾಮಾನ್ಯ ಮನೆಬಳಕೆದಾರರಿಗೆ ಹೊರೆಯಾಗದಂತೆ ರಕ್ಷಣೆ ನೀಡುತ್ತಲೇ, ಬೃಹತ್ ವಾಣಿಜ್ಯ ಖರೀದಿದಾರರಿಗೆ ಪ್ರತ್ಯೇಕ ಎಂಎಸ್‌ಪಿ ನಿಗದಿಪಡಿಸುವ ದ್ವಿಮುಖ ಬೆಲೆ ವ್ಯವಸ್ಥೆಯನ್ನು ಜಾರಿಗೆ ತರಬೇಕು ಎಂದು ಸಲಹೆ ನೀಡಿದ್ದಾರೆ.
ಎಥೆನಾಲ್ ನೀತಿ ಪರಾಮರ್ಶೆ ಹಾಗೂ ಬೆಲೆ ಏರಿಕೆಯ ತುರ್ತು
ಕಬ್ಬಿನ ರಸ, ಸಕ್ಕರೆ ಪಾಕ ಮತ್ತು ಬಿ-ಹೆವಿ ಮೊಲಾಸಸ್‌ನಿಂದ ಉತ್ಪಾದಿಸುವ ಎಥೆನಾಲ್ ಅನ್ನು ಟೆಂಡರ್ ಪ್ರಕ್ರಿಯೆಯಿಂದ ಹೊರಗಿಟ್ಟಿರುವುದನ್ನು ಮರುಪರಿಶೀಲಿಸಬೇಕು ಎಂದು ಅವರು ಕೋರಿದ್ದಾರೆ. ಕಾರ್ಖಾನೆಗಳ ಉತ್ಪಾದನಾ ಸಾಮರ್ಥ್ಯಕ್ಕೆ ತಕ್ಕಂತೆ ನ್ಯಾಯಯುತ ಹಂಚಿಕೆ ಮಾಡುವುದರ ಜೊತೆಗೆ, 2022-23 ರಿಂದ ಯಾವುದೇ ಬದಲಾವಣೆ ಕಾಣದ ಕಬ್ಬು ಆಧಾರಿತ ಎಥೆನಾಲ್ ದರವನ್ನು ಹೆಚ್ಚಿಸಬೇಕು. ಇದರಿಂದ ಆರ್ಥಿಕ ಸಂಕಷ್ಟದಲ್ಲಿರುವ ಸಕ್ಕರೆ ಕಾರ್ಖಾನೆಗಳಿಗೆ ನೆರವಾಗಲಿದ್ದು, ರೈತರಿಗೆ ಸಕಾಲದಲ್ಲಿ ಹಣ ಸಂದಾಯ ಮಾಡಲು ದಾರಿಯಾಗುತ್ತದೆ ಎಂದು ವಿವರಿಸಿದ್ದಾರೆ.
ಎಫ್‌ಆರ್‌ಪಿ ಮೂಲ ಇಳುವರಿ ದರ ಮರುಸ್ಥಾಪನೆಗೆ ಆಗ್ರಹ
ಮಣ್ಣು, ಹವಾಮಾನ ಮತ್ತು ಅರೆಯುವ ಪರಿಸ್ಥಿತಿಗಳಲ್ಲಿ ವ್ಯತ್ಯಾಸಗಳಿದ್ದರೂ ಕಡಿಮೆ ಇಳುವರಿ ಬರುವ ಪ್ರದೇಶಗಳ ರೈತರಿಗೆ ಅನ್ಯಾಯವಾಗದಂತೆ ನೋಡಿಕೊಳ್ಳಲು, ನ್ಯಾಯಯುತ ಮತ್ತು ಲಾಭದಾಯಕ ಬೆಲೆಯ (FRP) ಮೂಲ ಇಳುವರಿ ದರವನ್ನು ಹಿಂದಿನಂತೆ ಶೇ. 9.50 ಕ್ಕೆ ಮರುಸ್ಥಾಪಿಸಬೇಕು ಎಂದು ಪತ್ರದಲ್ಲಿ ಮನವಿ ಮಾಡಿದ್ದಾರೆ.
ರಾಜ್ಯ ಸರ್ಕಾರದ ಕ್ರಮಗಳು ಮತ್ತು ಕೇಂದ್ರಕ್ಕೆ ಮನವಿ
ಕಬ್ಬಿನ ತೂಕದಲ್ಲಿ ಪಾರದರ್ಶಕತೆ, ಸಕ್ಕರೆ ಇಳುವರಿ ಪರೀಕ್ಷೆ ಬಲಪಡಿಸುವಿಕೆ ಹಾಗೂ ಬೆಳೆಗಾರರಿಗೆ ಹೆಚ್ಚುವರಿ ಆರ್ಥಿಕ ನೆರವು ನೀಡುವ ನಿಟ್ಟಿನಲ್ಲಿ ರಾಜ್ಯ ಸರ್ಕಾರ ತನ್ನ ಅಧಿಕಾರ ವ್ಯಾಪ್ತಿಯಲ್ಲಿ ಈಗಾಗಲೇ ಸೂಕ್ತ ಕ್ರಮಗಳನ್ನು ಕೈಗೊಂಡಿದೆ. ಸಕ್ಕರೆ ಕ್ಷೇತ್ರದ ಸಮಸ್ಯೆಗಳ ಅಧ್ಯಯನಕ್ಕೆ ಕೇಂದ್ರ ರಚಿಸಿರುವ ಸಮಿತಿಯನ್ನು ಸ್ವಾಗತಿಸುತ್ತಲೇ, ಆ ಸಮಿತಿಯ ಪ್ರಕ್ರಿಯೆಗಳು ನಡೆಯುತ್ತಿರುವ ನಡುವೆಯೇ ತಕ್ಷಣವೇ ನಿರ್ಧಾರಗಳನ್ನು ಪ್ರಕಟಿಸಬೇಕು ಎಂದು ಅವರು ಮನವಿ ಮಾಡಿದ್ದಾರೆ. ಲಕ್ಷಾಂತರ ರೈತ ಕುಟುಂಬಗಳ ಭವಿಷ್ಯ ಅಡಗಿರುವ ಕಾರಣ, ಕಬ್ಬು ಅರೆಯುವ ಹಂಗಾಮು ತಡವಿಲ್ಲದೆ ಆರಂಭವಾಗಲು ಕೇಂದ್ರವು ಸಕಾರಾತ್ಮಕವಾಗಿ ಸ್ಪಂದಿಸಬೇಕೆಂದು ಅವರು ಕೋರಿದ್ದಾರೆ.
ಚೇತರಿಸಿಕೊಂಡ ಬಿಜೆಪಿ ಹಿರಿಯ ನಾಯಕ ಎಲ್.ಕೆ. ಅಡ್ವಾಣಿ: ದೆಹಲಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್
