ಬೆಸ್ಕಾಂ, ನಾಡಕಚೇರಿ ಭಾನುವಾರವೂ ಓಪನ್​ : ಇದರ ಹಿಂದಿದೆ ಈ ಕಾರಣ

ಭಾನುವಾರ ಅಂದರೆ ಸರ್ಕಾರಿ ಕಚೇರಿಗಳು ಬಂದ್​ ಇರೋದು ಸರ್ವೇ ಸಾಮಾನ್ಯ, ಆದರೆ ಇಂದು ಬೆಸ್ಕಾಂ ಹಾಗೂ ನಾಡಕಚೇರಿ ಓಪನ್​ ಇರಲಿದೆ. ಗ್ಯಾರಂಟಿ ಯೋಜನೆಗಳಲ್ಲಿ ಒಂದಾದ ಗೃಹಜ್ಯೋತಿ ಯೋಜನೆಗೆ ಇಂದಿನಿಂದ ಅರ್ಜಿ ಸಲ್ಲಿಕೆ ಆರಂಭಗೊಂಡಿದೆ. ಹೀಗಾಗಿ ಸಾರ್ವಜನಿಕರಿಗೆ ಅನುಕೂಲವಾಗಲಿ ಎಂದು ಬೆಸ್ಕಾಂ ಹಾಗೂ ನಾಡಕಚೇರಿ ಓಪನ್​ ಮಾಡಲು ರಾಜ್ಯ ಸರ್ಕಾರ ಸೂಚನೆ ನೀಡಿದೆ. ಹೀಗಾಗಿ ಬೆಸ್ಕಾಂ ಹಾಗೂ ನಾಡಕಚೇರಿ ಸಿಬ್ಬಂದಿಗೆ ಈ ದಿನವೂ ಕರ್ತವ್ಯ ನಿರ್ವಹಿಸಲಿದೆ.

ADVERTISEMENT

ಬೆಳಗ್ಗೆ 11 ಗಂಟೆಯಿಂದ ರಾಜ್ಯಾದ್ಯಂತ ಗೃಹಜ್ಯೋತಿ ಯೋಜನೆಗೆ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಆರಂಭಗೊಳ್ಳಲಿದೆ. ಈ ಕಚೇರಿಗೆ ಬಂದು ಜನತೆ ಫ್ರೀ ವಿದ್ಯುತ್​ಗೆ ಅರ್ಜಿ ಸಲ್ಲಿಸಬಹುದಾಗಿದೆ.

ಉಚಿತ ವಿದ್ಯುತ್​​ ಸೌಕರ್ಯಕ್ಕೆ ನೋಂದಣಿ ಮಾಡಲು ಅನುಕೂಲವಾಗಲಿ ಎಂಬ ನಿಟ್ಟಿನಲ್ಲಿ ಎಂಜಿ ರಸ್ತೆಯ ಬೆಸ್ಕಾಂ ಪ್ರಾದೇಶಿಕ ಕಚೇರಿಯಲ್ಲಿ ಎರಡು ಕೌಂಟರ್ಗಳನ್ನು ತೆರೆಯಲಾಗಿದೆ.