ಈ ಸಲ ಬೆಳಗಾವಿ ಮಹಾನಗರ ಪಾಲಿಕೆ ಚುನಾವಣೆಗೆ ಐತಿಹಾಸಿಕ ಮಹತ್ವವಿದೆ. ಪಾಲಿಕೆ ಹುಟ್ಟಿದಾಗಿನಿಂದಿಲ್ಲಿ ಭಾಷಿಕ ನೆಲೆಯಲ್ಲಿ ಚುನಾವಣೆಗಳು ನಡೆದಿದ್ದವು.ಪಕ್ಷಗಳು ತಮ್ಮ ಅಭ್ಯರ್ಥಿಗಳನ್ನು ಪಕ್ಷೇತರರಾಗಿಯೇ ನಿಲ್ಲಿಸುತ್ತಿದ್ದವು.
ಚುನಾವಣೆ ನಂತರ ಎಂಇಎಸ್ ವಿಜೇತ ಮರಾಠಿ ಅಭ್ಯರ್ಥಿಗಳನ್ನು ಭಾಷೆ ಮತ್ತು ಸಮುದಾಯಗಳ ಆಧಾರದಲ್ಲಿ ತನ್ನ ಕಡೆ ಸೆಳೆದುಕೊಳ್ಳುತ್ತಿತ್ತು. ಅಂತಿಮವಾಗಿ ಅದು ಅದು ಪಾಲಿಕೆ ಆಡಳಿತದಲ್ಲಿ ಮೇಯರ್, ಉಪ ಮೇಯರ್ ಪಡೆಯುವುದು ಸಾಮಾನ್ಯವಾಗಿತ್ತು.
ಈ ಸಲ ಬಿಜೆಪಿ, ಕಾಂಗ್ರೆಸ್, ಜೆಡಿಎಸ್, ಆಮ್ ಆದ್ಮಿ ಮುಂತಾದ ಪಕ್ಷಗಳು ತಮ್ಮ ಸಿಂಬಲ್ ಮೇಲೆ ಚುನಾವಣೆಗೆ ಅಭ್ಯರ್ಥಿಗಳನ್ನು ಕಣಕ್ಕೆ ಇಳಿಸಿವೆ. ಎಂಇಎಸ್ ರಾಜಕೀಯ ಪಕ್ಷವೇ ಅಲ್ಲ. ಅದು ಚುನಾವಣಾ ಆಯೋಗದಿಂದ ರೆಕಗ್ನೈಸ್ ಆದ ಪಕ್ಷವಲ್ಲ.
ವಿವಿಧ ಪಕ್ಷಗಳು ಕನ್ನಡ-ಮರಾಠಿ-ಉರ್ದು ಭಾಷಿಕರಿಗೆ ಟಿಕೆಟ್ ನೀಡಿವೆ. ಮುಂದೆ ವಿಜೇತ ಮರಾಠಿ ಅಭ್ಯರ್ಥಿಗಳನ್ನು ಪಕ್ಷಗಳಿಂದ ಸೆಳೆಯುವುದು ಎಂಇಎಸ್ಗೆ ಅಸಾಧ್ಯ. ಪಕ್ಷಾಂತರ ನಿಷೇಧ ಕಾಯ್ದೆ ಕಾರಣಕ್ಕೆ ಪಕ್ಷಗಳಿಂದ ಗೆದ್ದ ಮರಾಠಿ ಕಾರ್ಪೋರೇಟ್ಗಳು ಎಂಇಎಸ್ ಸೇರುವ ದುಸ್ಸಾಹಸ ಮಾಡಲಾರರು.
200ಕ್ಕೂ ಹೆಚ್ಚು ಪಕ್ಷೇತರ ಅಭ್ಯರ್ಥಿಗಳಿದ್ದರೂ, ಪಕ್ಷಗಳ ಅಬ್ಬರದಲ್ಲಿ ಅವರ ಪ್ರಭಾವ ಕಡಿಮೆಯಾಗಿದೆ. ಬೆಳಗಾವಿ ಜಿಲ್ಲೆಯಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಎಂಇಎಸ್ ಬೆಂಬಲಿತ ಅಭ್ಯರ್ಥಿಗಳಿಗೆ ಗೆಲ್ಲುವುದು ಕಷ್ಟವಾಗಿ. ನಿಧಾನಕ್ಕೆ ಮರಾಠಿಗರಿಗೂ ಎಂಇಎಸ್ ಗುಂಪಿನ ಸ್ವಾರ್ಥ ಅರಿವಾಗತೊಡಗಿದೆ.
4 ನೆವಾರ್ಡಿನಲ್ಲಿ 19, 37ರಲ್ಲಿ 13, 21 ಮತ್ತು 22ನೆ ಬಾರ್ಡುಗಳಲ್ಲಿ ಕೇವಲ ಇಬ್ಬರು ಅಭ್ಯರ್ಥಿಗಳಿದ್ದಾರೆ.
ಓಠ್ಠೂಗ 58 ವಾರ್ಡುಗಳಲ್ಲಿ ಕಾಂಗ್ರೆಸ್ 45, ಬಿಜೆಪಿ 53, ಜೆಡಿಎಸ್ 11, ಆಮ್ ಆದ್ಮಿ 27 ವಾರ್ಡುಗಳಲ್ಲಿ ಸ್ಪರ್ಧೆ ನಡೆಸಿವೆ. ಎಐಎಂಐಎಂ ಮತ್ತು ಎಸ್ಡಿಪಿಐ ತಲಾ ಒಂದರಲ್ಲಿ, ಪಕ್ಷೇತರರು 238 ಕಡೆ ಸ್ಪರ್ಧೆಯಲ್ಲಿದ್ದಾರೆ.
ಬೆಳಗಾವಿ ಪಾಲಿಕೆ ವ್ಯಾಪ್ತಿಯಲ್ಲಿ ಕಾಂಗ್ರೆಸ್ ಮತ್ತು ಬಿಜೆಪಿ ತಲಾ ಇಬ್ಬರು ಶಾಸಕರನ್ನು ಹೊಂದಿವೆ. ಪ್ರಗತಿಪರ ಮತ್ತು ಕನ್ನಡ ಪರ ಹೋರಾಟಗಳ್ಲಿದ್ದ ಕೆಲವರು ಪಕ್ಷಗಳ ಟಿಕೆ್ನಿಂದ ಸ್ಪರ್ಈಸುತ್ತಿದ್ದಾರೆ.
90 ರ ದಶಕದಿಂದ ನೀಧಾನವಾಗಿ ಹಿನ್ನಡೆ ಅನುಭವಿಸುತ್ತ ಬಂದ ಎಂಇಎಸ್ಗೆ ಈ ವರ್ಷ ಪಾರ್ಟಿ ಆಧಾರದಲ್ಲಿ ಚುಮಾವಣೆ ನಡೆಯುತ್ತಿರುವುದು ಕಗ್ಗಂಟಾಗಬಹುದು ಎನ್ನುತ್ತಾರೆ ವಿಶ್ಲೇಷಕರು. ಸೆ. 3 ರಂದು ಚುನಾವಣೆಯಿದ್ದು ಸೆ. 6ಕ್ಕೆ ಫಲಿತಾಂಶ ಪ್ರಕಟವಾಗಲಿದೆ.
