ಕೋವಿಡ್ -19ಗೆ ಸಂಭಂದಿಸಿದ ಉಪಕರಣಗಳನ್ನು ಖರೀದಿಸಲು ಸಹಾಯ ಕೋರಿ ಬಾಲಿವುಡ್ ತಾರೆ ಸೋನು ಸೂದ್ ಅವರಿಗೆ ಜೈಸಲ್ಮೇರ್ನಲ್ಲಿ ಬೀಡುಬಿಟ್ಟಿರುವ ಕಾಲಾಳುಪಡೆ ಬೆಟಾಲಿಯನ್ನ ಕಮಾಂಡಿಂಗ್ ಆಫೀಸರ್ ಬರೆದ ಪತ್ರವೊಂದು ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಇದರ ಪರಿಣಾಮವಾಗಿ ಸೇನೆಯ ಹಿರಿಯ ಅಧಿಕಾರಿ ಈ ನಡೆಯನ್ನು ವಿರೋಧಿಸಿದ್ದಾರೆ.
ಮೇ 13 ರ ದಿನಾಂಕದ ಪತ್ರವೊಂದರಲ್ಲಿ, ಕೋವಿಡ್ ಸಾಂಕ್ರಾಮಿಕ ರೋಗದಲ್ಲಿ ಜನರಿಗೆ ಸಹಾಯ ಮಾಡುವಲ್ಲಿ ಮುಂಚೂಣಿಯಲ್ಲಿರುವ ಚಲನಚಿತ್ರ ತಾರೆಯನ್ನು ಬೆಟಾಲಿಯನ್ ಕಮಾಂಡಿಗ್ ಆಫಿಸರ್ ಸೂಚಿಸಿ ಜೈಸಲ್ಮೇರ್ ಮಿಲಿಟರಿ ನಿಲ್ದಾಣದಲ್ಲಿ ಸೈನ್ಯವು 200 ಹಾಸಿಗೆಗಳ ಕೋವಿಡ್ ಆರೈಕೆ ಕೇಂದ್ರ ಸೌಲಭ್ಯವನ್ನು ಸ್ಥಾಪಿಸುತ್ತಿದೆ ಎಂದು ತಿಳಿಸಿದ್ದಾರೆ.
ನಾಲ್ಕು ಐಸಿಯು ಹಾಸಿಗೆಗಳು, ಹತ್ತು ಆಮ್ಲಜನಕ ಸಾಂದ್ರಕಗಳು, ಹತ್ತು ಜಂಬೊ ಆಮ್ಲಜನಕ ಸಿಲಿಂಡರ್ಗಳು, ಒಂದು ಎಕ್ಸ್-ರೇ ಯಂತ್ರ ಮತ್ತು ಎರಡು 15 ಕೆವಿಎ ಜನರೇಟರ್ ಸೆಟ್ಗಳು ಸೇರಿದಂತೆ ಆಸ್ಪತ್ರೆಗೆ ಅಗತ್ಯವಿರುವ ಕೆಲವು ಉಪಕರಣಗಳನ್ನು ಅವರು ಹೈಲೈಟ್ ಮಾಡಿದ್ದಾರೆ.
“ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿ” ಯ ಭಾಗವಾಗಿ ಉಪಕರಣಗಳನ್ನು ಒದಗಿಸಲು ಸೂದ್ಗೆ ವಿನಂತಿಸುತ್ತಾ, ಪತ್ರದಲ್ಲಿ ಅವರ ಸಾಮಾಜಿಕ ಕೆಲಸವನ್ನು ಎಂದಿಗೂ ನೆನಪಿಸಿಕೊಳ್ಳಲಾಗುವುದು ಎಂದು ಬರೆದಿದ್ದಾರೆ.
ಈ ಪತ್ರವು ಸಾಮಾಜಿಕ ತಾಣದಾದ್ಯಂತ ವೈರಲ್ ಆಗುತ್ತಿರುವಂತೆಯೇ ಸೇನಾಧಿಕಾರಿಗಳು, ನಿವೃತ್ತ ಮತ್ತು ಸೇವೆ ಸಲ್ಲಿಸುತ್ತಿರುವ ಕಮಾಂಡರ್ ಗಳು ಬೆಂಬಲ ವ್ಯಕ್ತಪಡಿಸಿದರೆ, ಇನ್ನು ಕೆಲವರು ಈ ನಡೆಗೆ ವಿರೋಧ ವ್ಯಕ್ತಪಡಿಸಿದ್ದಾರೆ.
ಸೇನಾಧಿಕಾರಿ ಒಬ್ಬರು ವೈದ್ಯಕೀಯ ಸವಲತ್ತುಗಳಿಗಾಗಿ ಚಿತ್ರ ನಟನ ಸಹಾಯ ಕೇಳುತ್ತಾರೆ ಎಂದರೆ ಪ್ರಧಾನಿ ಮೋದಿ ನೇತೃತ್ವದ ಸರ್ಕಾರದ ವೈಫಲ್ಯ ಎಷ್ಟಿದೆ ಎಂದು ಅರ್ಥ ಮಾಡಿಕೊಳ್ಳುಬಹುದು. ದೇಶದ ಜನರು ಸರ್ಕಾರದ ಬಗ್ಗೆ ಸಂಪೂರ್ಣ ನಂಬಿಕೆ ಕಳೆದುಕೊಂಡು ಜಗತ್ತಿನ ಮುಂದೆ ಬೆತ್ತಲಾಗಿರುವ ಸುಳ್ಳಿನ “ಟೂಲ್ ಕಿಟ್” ರಾಜಕಾರಣಕ್ಕಿಳಿದದ್ದು ಹಾಸ್ಯಾಸ್ಪದ ಎಂದು ಕಾಂಗ್ರೆಸ್ ಮತ್ತೊಂದು ಟ್ವೀಟ್ ಮಾಡಿದೆ.
ಇನ್ನೂ ಸಾಮಾಜಿಕ ಜಾಲತಾಣದಲ್ಲಿ, ಸಾಮಾನ್ಯ ಜನರಲ್ಲದೆ ಈಗ ಸೇನಾ ವ್ಯವಸ್ಥೆ ಕೂಡ ಮೋದಿ ನಾಯಕತ್ವದ ಮೇಲಿನ ನಂಬಿಕೆಯನ್ನು ಕಳೆದುಕೊಂಡಿದೆ ಎಂದು ಬರೆದುಕೊಂಡಿದ್ದಾರೆ.
