ಬೆಂಗಳೂರು : ವಿವಾಹಿತ ಮಹಿಳೆಯರನ್ನೇ ಟಾರ್ಗೆಟ್ ಮಾಡಿ ವಂಚಿಸುತ್ತಿದ್ದ ಕಾಮುಕನ ಬಂಧನವಾಗಿದೆ. ರಾಜರಾಜೇಶ್ವರಿ ನಗರದ ಪೊಲೀಸರಿಂದ ಹನಿಯೂರು ಚಂದ್ರೇಗೌಡ ಎಂಬ ವಿಕೃತ ಕಾಮಿಯ ಕೈಗೆ ಕೊನೆಗೂ ಕೋಳ ಬಿದ್ದಿದೆ.
ಮಹಿಳೆಯರೊಂದಿಗೆ ಬಣ್ಣ ಬಣ್ಣದ ಮಾತುಗಳನ್ನಾಡಿ ಈತ ವಿವಾಹಿತ ಮಹಿಳೆಯರನ್ನ ಬಲೆಗೆ ಬೀಳಿಸಿಕೊಳ್ಳುತ್ತಿದ್ದ. ನಂತರ ಅವರ ಜೊತೆ ದೈಹಿಕ ಸಂಪರ್ಕ ಬೆಳೆಸಿ ವಿಡಿಯೋ ಚಿತ್ರೀಕರಣ ಮಾಡಿಕೊಂಡು ಬ್ಲಾಕ್ಮೇಲ್ ಮಾಡುತ್ತಿದ್ದ. ತಾನು ಚಿತ್ರೀಕರಿಸಿದ ವಿಡಿಯೋ, ಸೆರೆಹಿಡಿದಿದ್ದ ಪೋಟೋಗಳನ್ನು ಇಟ್ಕೊಂಡು ಮಹಿಳೆಯರಿಗೆ ಹೆದರಿಸುತ್ತಿದ್ದ. ಇದೇ ರೀತಿಯಾಗಿ ಹಲವು ಮಹಿಳೆಯರಿಗೆ ವಂಚಕ ಚಂದ್ರೇಗೌಡ ಮೋಸ ಮಾಡಿದ್ದಾನೆ.
ಸೀರಿಯಲ್ ಆರ್ಟಿಸ್ಟ್, ಮೇಕಪ್ ಆರ್ಟಿಸ್ಟ್, ಪೊಲೀಸ್ ಅಧಿಕಾರಿ ಹಾಗೂ ಆರ್ ಟಿ ಐ ಕಾರ್ಯಕರ್ತನ ಸೋಗಿನಲ್ಲಿ ಹಲವು ಮಹಿಳೆಯರಿಗೆ ವಂಚಸಿದ್ದ ಈತನ ವಿರುದ್ಧ ಮೋಸಹೋದ ಮಹಿಳೆಯಿಂದ ಆರ್ ಆರ್ ನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು.
ಇದನ್ನೂ ಓದಿ : ಆಧಿಪತ್ಯದ ಪರಂಪರೆಯಿಂದ ಒಳಗೊಳ್ಳುವ ಸಂಸ್ಕೃತಿಯೆಡೆಗೆ
ಮೇಕಪ್ ಆರ್ಟಿಸ್ಟ್ ಆಗಿದ್ದ ಮಹಿಳೆಯೊಂದಿಗೆ ತಾನೊಬ್ಬ ಸೀರಿಯಲ್ ಆರ್ಟಿಸ್ಟ್ ಎಂದು ಆರೋಪಿ ಪರಿಚಯ ಮಾಡಿಕೊಂಡಿದ್ದ. ಅಲ್ಲದೆ ತಾನೊಬ್ಬ ಲೆಕ್ಚರರ್ ಎಂದು ಹೇಳಿ ಮಹಿಳೆಗೆ ಹತ್ತಿರವಾಗಿದ್ದ. ಕೈತುಂಬ ಸಂಬಳ ಬರುತ್ತದೆ ಎಂಬೆಲ್ಲ ಟೊಳ್ಳು ಮಾತಿನಲ್ಲಿ ಮಹಿಳೆಗೆ ನಂಬಿಸಿ ಮೋಸ ಮಾಡಿದ್ದ. ನಂತರ ಆಕೆಯನ್ನ ದೈಹಿಕವಾಗಿ ಬಳಸಿಕೊಂಡು ವಿಡಿಯೋ ಹಾಗೂ ಫೋಟೋಗಳನ್ನ ತೆಗೆದುಕೊಂಡಿದ್ದನು ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
ನಾನು ಹೇಳಿದ ಹಾಗೆ ಕೇಳದೆ ಹೋದರೆ ಸೆರೆ ಹಿಡಿದಿರುವ ವಿಡಿಯೋ ಶೇರ್ ಮಾಡುವುದಾಗಿ ಹೆದರಿಸಿ ಮಹಿಳೆಯಿಂದ ಲಕ್ಷಾಂತರ ರೂಪಾಯಿ ಹಣವನ್ನು ವಂಚಕ ಚಂದ್ರೇಗೌಡ ಪೀಕಿದ್ದಾನೆ. ಹಲವು ಮಹಿಳೆಯರ ಖಾಸಗಿ ವಿಡಿಯೋ ಹಾಗೂ ಫೋಟೋ ಇಟ್ಕೊಂಡು ಬ್ಲಾಕ್ಮೇಲ್ ಮಾಡುತ್ತಿದ್ದಾನೆ ಈತನ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿ ಮಹಿಳೆಯು ಪೊಲೀಸರಿಗೆ ದೂರು ನೀಡಿದ್ದರು. ಪ್ರಕರಣದ ದಾಖಲಿಸಿಕೊಂಡಿದ್ದ ವಂಚಕನನ್ನು ಬಲೆಗೆ ಬೀಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
