ಜಾರ್ಖಂಡ್ನ ಗರ್ವಾ ಜಿಲ್ಲೆಯಲ್ಲಿ, ಗ್ರಾಮದ ಮುಖ್ಯಸ್ಥರು ಮತ್ತು ಅವರ ಜನರು ದುರ್ಗಾ ವಿಗ್ರಹದ ಛಾಯಾಚಿತ್ರವನ್ನು ತೆಗೆದ ವ್ಯಕ್ತಿ ಸೇರಿದಂತೆ ಐವರು ಆದಿವಾಸಿಗಳನ್ನು ಥಳಿಸಿದ್ದಾರೆ. ಸೋಮವಾರ ಪೊಲೀಸರು ಈ ಮಾಹಿತಿ ನೀಡಿದ್ದಾರೆ. ಫೋಟೋ ತೆಗೆದವರ ತಲೆಯನ್ನೂ ಬೋಳಿಸಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಜಾರ್ಖಂಡ್ ರಾಜಧಾನಿ ರಾಂಚಿಯಿಂದ ಸುಮಾರು 210 ಕಿ.ಮೀ ದೂರದಲ್ಲಿರುವ ಪಾಲ್ಹೆ ಗ್ರಾಮದಲ್ಲಿ ಅಕ್ಟೋಬರ್ 6 ರಂದು ಈ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆ ಸಂಬಂಧಿಸಿದಂತೆ ಬೀಟಾ ಪಂಚಾಯತ್ನ ‘ಮುಖಿಯಾ’ ಸೇರಿದಂತೆ ಎಂಟು ಜನರ ವಿರುದ್ಧ ಪೊಲೀಸ್ ದೂರು ದಾಖಲಿಸಿದ್ದಾರೆ.
“ಸಂತ್ರಸ್ತರು ಬೇಟಾ ಪಂಚಾಯತ್ನ ಮುಖಿಯಾದ ರಾಮೇಶ್ವರ್ ಸಿಂಗ್ ಮತ್ತು ಇತರ ಏಳು ಮಂದಿ ವಿರುದ್ಧ ದೂರು ದಾಖಲಿಸಿದ್ದಾರೆ. ಆರೋಪಿಗಳ ಪತ್ತೆಗಾಗಿ ಶೋಧ ಕಾರ್ಯಾಚರಣೆ ನಡೆಯುತ್ತಿದೆ” ಎಂದು ಚಿನಿಯಾ ಪೊಲೀಸ್ ಠಾಣೆಯ ಪ್ರಭಾರಿ ಬೀರೇಂದ್ರ ಹನ್ಸ್ಡಾ ಹೇಳಿದ್ದಾರೆ.
ಚಿನಿಯಾ ಪೊಲೀಸ್ ಠಾಣೆಯ ಪ್ರಭಾರಿ ಬಿರೇಂದ್ರ ಹನ್ಸ್ಡಾ ಮಾತನಾಡಿ, ‘ಸಂತ್ರಸ್ತರು ಬೀಟಾ ಪಂಚಾಯತ್ ಮುಖ್ಯಸ್ಥ ರಾಮೇಶ್ವರ್ ಸಿಂಗ್ ಮತ್ತು ಇತರ ಏಳು ಮಂದಿ ವಿರುದ್ಧ ದೂರು ದಾಖಲಿಸಿದ್ದಾರೆ. ಆರೋಪಿಗಳ ಪತ್ತೆಗೆ ಶೋಧ ಕಾರ್ಯ ಮುಂದುವರಿದಿದೆ’ ಎಂದರು.
ತಲೆ ಬೋಳಿಸಿಕೊಂಡ ವಿನೋದ್ ಕೊರ್ವಾ, “ನಿಮಜ್ಜನದ ದಿನದಂದು ನಾನು ದುರ್ಗಾ ಮೂರ್ತಿಯ ಚಿತ್ರ ತೆಗೆಯುತ್ತಿದ್ದಾಗ, ನಾನು ಕೊರವ ಜಾತಿಗೆ ಸೇರಿದವನು ಎಂದು ಹೇಳಿ ನನ್ನನ್ನು ಪೂಜಾ ಮಂಟಪದಿಂದ ಹೊರಗೆ ಎಸೆಯಲಾಯಿತು. ಇದಾದ ನಂತರ ಅದೇ ಗ್ರಾಮದ ಗಂಗಾ ಕೊರ್ವ, ರೂಪೇಶ್ ಕೊರ್ವ, ಗಂಗಾ ಕೊರ್ವ ಮತ್ತು ಅಜಯ್ ಕೊರ್ವಾ ನನ್ನ ರಕ್ಷಣೆಗೆ ಬಂದರು. ಆದರೆ ಅವರನ್ನು ನಿಂದಿಸಲಾಗಿದೆ ಮತ್ತು ಥಳಿಸಲಾಗಿದೆ.” ಎಂದು ತಿಳಿಸಿದ್ದಾರೆ.
“ಮರುದಿನ ‘ಮುಖೀಯ’ ಮತ್ತು ಇತರ ಮೂವರು ಸಂಧಾನದ ನೆಪದಲ್ಲಿ ಕರೆದರು, ನಂತರ, ನಮ್ಮನ್ನು ಹಗ್ಗಕ್ಕೆ ಕಟ್ಟಿ ಥಳಿಸಲಾಗಿದೆ. ನನ್ನ ತಲೆ ಬೋಳಿಸಿ ವಿಡಿಯೋ ಕೂಡ ಮಾಡಿದ್ದಾರೆ” ಎಂದು ವಿನೋದ್ ಹೇಳಿದ್ದಾರೆ.
ಘಟನೆ ದುರದೃಷ್ಟಕರ ಎಂದು ಬಣ್ಣಿಸಿರುವ ಆದಿಮ್ ಬುಡಕಟ್ಟು ಪರಿಷತ್ ಜಿಲ್ಲಾಧ್ಯಕ್ಷ ನನ್ಹೇಶ್ವರ್ ಕೊರ್ವಾ, ಆರೋಪಿಗಳನ್ನು ಕೂಡಲೇ ಬಂಧಿಸುವಂತೆ ಒತ್ತಾಯಿಸಿದ್ದಾರೆ.
