ಎದೆಹಾಲಿನ ಕೊರತೆ ಹಿನ್ನೆಲೆಯಲ್ಲಿ ಅಮೆರಿಕ ಮೂಲದ ಮಹಿಳೆಯೊಬ್ಬರು 118 ಲೀಟರ್ ಎದೆಹಾಲು ಮಾರಾಟ ಮಾಡಿ ಸುದ್ದಿ ಮಾಡಿದ್ದಾರೆ.
ಉಥ್ ಮೂಲದ ಅಲೈಸಾ ಚೆಟ್ಟಿ ಎಂಬ ಮಹಿಳೆ ಎದೆಹಾಲು ಕೊರತೆ ಎದುರಿಸುತ್ತಿರುವ ಮಕ್ಕಳಿಗೆ ನೆರವಾಗಲು ಈ ಹಾದಿ ಕಂಡು ಕೊಂಡಿದ್ದು, ಎದೆಹಾಲು ಸಂಗ್ರಹಕ್ಕಾಗಿಯೇ ಮನೆಯಲ್ಲಿ ಮೂರು ಫ್ರಿಜರ್ ಇಟ್ಟುಕೊಂಡಿದ್ದಾರೆ.
ಟೀವಿ ಸಂದರ್ಶನವೊಂದರಲ್ಲಿ ಈ ವಿಷಯ ಬಹಿರಂಗಪಡಿಸಿರುವ ಆಲೈಸಾ ಚೆಟ್ಟಿ, ಮನೆಯಿಂದ ಹೊರಗೆ ಹೋದಾಗ ಈ ಸಮಸ್ಯೆಗಳನ್ನು ನೋಡಿ ಕಾಡತೊಡಗಿತು. ನಾನು ಇದುವರೆಗೆ ೩೦೦೦ ಔನ್ಸ್ ಗಳಿಸಿದ್ದೇನೆ. ಅವರ ಮನೆ ಬಾಗಿಲಿಗೆ ತಲುಪಿಸಲು ಸಾವಿರಾರು ಮೆಟ್ಟಿಲು ಏರಿದ್ದೇನೆ ಎಂದು ವಿವರಿಸಿದ್ದಾರೆ.
ಹಾಲಿನ ಡೈರಿಗೆ ನಾನು ಎದೆಹಾಲು ನೀಡಲು ಬಯಸಿದ್ದೆ. ಆದರೆ ಇದು ತುಂಬಾ ದೀರ್ಘ ಪ್ರಕ್ರಿಯೆ ಆಗಿದೆ. ಹಾಗಾಗಿ ನಾನೇ ಒಂದು ಡಾಲರ್ ಗೆ ಹಾಲು ಮಾರುತ್ತಿದ್ದೇನೆ. ಹಾಲು ನೀಡುವ ಮುನ್ನ ಹೆತ್ತವರ ಬಳಿ ಸಮಸ್ಯೆ ಕೇಳುತ್ತೇನೆ. ಮಕ್ಕಳಿಗೆ ಎದೆಹಾಲು ನೀಡಲು ಆಗದೇ ಇರುವ ಸಮಸ್ಯೆ ಮನದಟ್ಟಾದರೆ ಮಾತ್ರ ನೀಡುತ್ತೇನೆ ಎಂದು ಅಲೈಸಾ ಹೇಳಿದ್ದಾರೆ.
ಮಕ್ಕಳಿಗೆ ಎದೆಹಾಲು ಕೂಡ ನಿರ್ದಿಷ್ಟವಾಗಿರಬೇಕು. ಇಲ್ಲದಿದ್ದರೆ ಹೊಟ್ಟೆ ನೋವು ಕಾಣಿಸಿಕೊಳ್ಳುತ್ತದೆ. ಬೇರೆವರ ಬಗ್ಗೆ ಯಾಕೆ ನನ್ನ ಮಗಳಿಗೆ ನನ್ನ ಎದೆಹಾಲಿನಿಂದ ಕೆಲವೊಮ್ಮೆ ಸಮಸ್ಯೆ ಆಗುತ್ತದೆ ಎಂದು ವಿವರಿಸಿದರು.
