ನಕಲಿ ಖಾತೆಗಳ ಲೆಕ್ಕ ನೀಡುವವರೆಗೂ ಟ್ವಿಟರ್‌ ಖಾತೆ ಖರೀದಿಸುವುದಿಲ್ಲ ಎಂದು ವಿಶ್ವದ ಶ್ರೀಮಂತ ಟೆಲ್ಸಾ ಕಂಪನಿ ಮಾಲೀಕ ಎಲಾನ್‌ ಮಸ್ಕ್‌ ಪಟ್ಟು ಹಿಡಿದಿದ್ದಾರೆ.
ಟ್ವಿಟರ್‌ ನಲ್ಲಿ ಶೇ.20ರಷ್ಟು ನಕಲಿ ಖಾತೆಗಳಿವೆ ಎಂದು ಎಲಾನ್‌ ಮಸ್ಕ್‌ ಗಂಭೀರ ಆರೋಪ ಮಾಡಿದ್ದು, ಇದಕ್ಕೆ ಪ್ರತಿಕ್ರಿಯಿಸಿದ ಟ್ವಿಟರ್‌ ಸಿಇಒ ಪರಾಗ್‌ ಅಗರ್‌ ವಾಲ್‌, ನಕಲಿ ಖಾತೆಗಳ ಸಂಖ್ಯೆ ಶೇ.5 ಮೀರುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ಟ್ವಿಟರ್‌ ಸ್ಪಷ್ಟನೆ ನಂತರವೂ ಎಲಾನ್‌ ಮಸ್ಕ್‌ ನಕಲಿ ಖಾತೆಗಳ ವಿವರ ನೀಡದೇ ಖರೀದಿ ಪ್ರಕ್ರಿಯೆ ಮುಂದುವರಿಸುವುದಿಲ್ಲ ಎಂದು ಪುನರುಚ್ಚರಿಸಿದ್ದಾರೆ. ಅಲ್ಲದೇ ಟ್ವಿಟರ್‌ ಖರೀದಿಗೆ ಬದ್ಧವಾಗಿದ್ದು, ಸರಿಯಾದ ಅಂಕಿ ಅಂಶ ನೀಡಿದರೆ ಮುಂದುವರಿಯುವುದಾಗಿ ಸ್ಪಷ್ಟಪಡಿಸಿದ್ದಾರೆ.
