ಕೂದಲು ಉದ್ದವಾಗಿ ದಟ್ಟವಾಗಿ ಬೆಳೆಯಬೇಕು ಅಂದ್ರೆ ಕೂದಲನ್ನು ಆರೋಗ್ಯವಾಗಿ ಇಡಬೇಕು,ಪ್ರತಿದಿನ ಕಾಳಜಿಯನ್ನ ವಹಿಸುವುದು ಕೂಡ ಪ್ರಮುಖ ಪಾತ್ರವಾಗಿರುತ್ತದೆ. ಅನೇಕ ಬಾರಿ ಕೂದಲನ್ನು ಸರಿಯಾಗಿ ಆರೈಕೆ ಮಾಡದೆ ನಿರ್ಲಕ್ಷಿಸಿದಾಗ ಕೂದಲು ಡ್ರೈ ಆಗುವುದು ,ಸುಕ್ಕುಗಟ್ಟುವುದು ,ಡ್ಯಾಮೇಜ್ ಆಗೋದು ,ಹಾಗೂ ಸ್ಪ್ಲಿಟ್ ಅಂಡ್ ಹೆಚ್ಚಾಗುತ್ತದೆ. ನಮ್ಮ ಕೈಯಾರೆ ಕೂದಲನ್ನ ಹಾಳು ಮಾಡಿಕೊಂಡಂತಾಗುತ್ತದೆ.ಹಾಗೂ ಹೆಚ್ಚು ಜನಕ್ಕೆ ಇರುವಂತಹ ಸಮಸ್ಯೆ ಅಂದ್ರೆ ಕೂದಲು ಉದುರುವುದು..ಇದೆಕ್ಕೆ ಪ್ರಮುಖ ಕಾರಣಗಳೇನು ಗೊತ್ತಾ.
ಹಾರ್ಮೋನ್ ಅಸಮತೋಲನ
ದೇಹದಲ್ಲಿ ನಾನಾ ಕಾರಣಗಳಿಂದ ಹಾರ್ಮೋನ್ ಗಳು ಅಸಮತೋಲನವಾಗ್ತ ಇರುತ್ತವೆ. ಅದರಲ್ಲೂ ಕೂಡ ಹಾರ್ಮೋನ್ ಬದಲಾದಾಗ ಕೆಲವೊಂದು ಆರೋಗ್ಯ ಸಮಸ್ಯೆಗಳು ಎದುರಾಗುವುದು ಖಂಡಿತ ಹಾಗೂ ಕೂದಲು ಕೂಡ ಉದುರುತ್ತದೆ ವಿಶೇಷವಾಗಿ ಆಂಡ್ರೋಜೆನ್ಗಳು ಕೂದಲು ಉದುರುವಿಕೆಗೆ ಕಾರಣವಾಗಬಹುದು.
ಸ್ಟ್ರೆಸ್
ಫಿಸಿಕಲ್ ಅಥವಾ ಮೆಂಟಲ್ ಸ್ಟ್ರೆಸ್ ಆದಾಗ ಸಾಕಷ್ಟು ಸಮಸ್ಯೆಗಳು ಎದುರಾಗುತ್ತದೆ.ಹಾಗೂ ಇದು ಅತಿಯಾದ ಉದುರುವಿಕೆಗೆ ಕಾರಣವಾಗುತ್ತದೆ.
ಆಹಾರ ಪದ್ಧತಿ
ನಮ್ಮ ಆರೋಗ್ಯ ಚೆನ್ನಾಗಿರಲು ನಾವು ಸೇವಿಸುವ ಆಹಾರ ಅತ್ಯಗತ್ಯ ಸರಿಯಾದ ರೀತಿಯಲ್ಲಿ ಪೋಷಕಾಂಶಗಳು ನಮ್ಮ ದೇಹಕ್ಕೆ ದೊರಕದಿದ್ದಾಗ ಒಂದಿಷ್ಟು ಸಮಸ್ಯೆಗಳು ಎದುರಾಗುವುದು ಖಂಡಿತ ಹಾಗೂಕಬ್ಬಿಣ, ಸತು ಅಥವಾ ಬಯೋಟಿನ್ನಂತಹ ಅಗತ್ಯ ಪೋಷಕಾಂಶಗಳ ಕೊರತೆಯು ಕೂದಲು ಉದುರುವಿಕೆಗೆ ಕಾರಣವಾಗಬಹುದು.
ಮೆಡಿಕೇಶನ್
ದೀರ್ಘಕಾಲದ ಅನಾರೋಗ್ಯ ಸಮಸ್ಯೆಯಿಂದಾಗಿ ನಾವು ತೆಗೆದುಕೊಳ್ಳುವ ಮಾತ್ರೆ ಅಥವಾ ಔಷಧೀಯ ಪರಿಣಾಮವಾಗಿಯು ಕೂಡ ಕೂದಲು ಉದುರುತ್ತದೆ.
ಶಾಂಪೂ ಬಳಕೆ
ಪ್ರತಿದಿನ ತಲೆಗೆ ಸ್ನಾನ ಮಾಡುವುದು , ಆಗಾಗ ಶಾಂಪೂವನ್ನು ಬದಲಾಯಿಸುವುದರಿಂದ ಕೂದಲು ಒರಟಾಗಿ ಡ್ಯಾಂಡ್ರಫ್ ಹೆಚ್ಚಾಗಿ ಕೂದಲು ಉದುರುವ ಸಮಸ್ಯೆ ಶುರುವಾಗುತ್ತದೆ.
ಹೇರ್ ಸ್ಟೈಲ್
ಹೆಚ್ಚು ಜನ ನ್ಯಾಚುರಲ್ ಕೂದಲನ್ನ ಇಷ್ಟಪಡುವುದಿಲ್ಲ. ಬದಲಿಗೆ ಸ್ಟ್ರೈಟ್ ಹೇರ್, ಕರ್ಲಿ ಹೇರ್ ಅಂತ ಹೇರ್ ಸ್ಟೈಲ್ ಚೇಂಜ್ ಮಾಡ್ತಾನೆ ಇರ್ತಾರೆ. ಹಾಗೂ ಹೇರ್ ಡ್ರೈಯರ್ ನ ಅತಿಯಾಗಿ ಬಳಸುವುದರಿಂದ ಕೂದಲು ಸ್ಟ್ರೆಂತ್ ಕಳೆದುಕೊಳ್ಳುತ್ತದೆ. ಇದರಿಂದ ಹೇರ್ ಫಾಲ್ ಹೆಚ್ಚಾಗುತ್ತದೆ.