ಭಾರತದ ಅತ್ಯಂತ ಶ್ರೀಮಂತ ಹಾಗು ಕೆಲ ತಿಂಗಳುಗಳ ಹಿಂದೆ ಜಗತ್ತಿನ ಅತ್ಯಂತ ಶ್ರೀಮಂತ ಉದ್ಯಮಿಗಳ ಪಟ್ಟಿಯಲ್ಲಿದ್ದ ಗೌತಮ್ ಅದಾನಿಯ ಉದ್ಯಮ ಅಷ್ಟೊಂದು ಕ್ಷೀಪ್ರಗತಿಯಲ್ಲಿ ಮೇಲೇರಿದ್ದರ ಹಿಂದಿನ ಕರಾಳ ಅವ್ಯವಹಾರಗಳ ಕುರಿತು ಲಭ್ಯವಿರುವ ದಾಖಲೆಗಳು ತಾಜಾ ಒಳನೋಟವನ್ನು ಒದಗಿಸುತ್ತವೆ ಎನ್ನುವ ಕುರಿತು ಲೇಖಕರಾದ ಆನಂದ್ ಮಂಗ್ನಾಲೆ, ರವಿ ನಾಯರ್ ಮತ್ತು ಎನ್ ಬಿ ಆರ್ ಆರ್ಕಾಡಿಯೊ ಅವರು ಕೈಕೊಂಡ ತನಿಖಾ ಲೇಖನವನ್ನು ಜೇಮ್ಸ್ ಒ’ಬ್ರಿಯೆನ್/OCCRP ವೆಬ್ ಜರ್ನಲ್ ಇದೇ ಆಗಸ್ಟ್ ೩೧ˌ ೨೦೨೩ ರಂದು ಪ್ರಕಟಿಸಿದೆ. ಬೃಹತ್ ಉದ್ಯಮ ಸಮೂಹದಲ್ಲಿ ರಹಸ್ಯವಾಗಿ ಹೂಡಿಕೆ ಮಾಡಿದ ಇಬ್ಬರು ವ್ಯಕ್ತಿಗಳು ಅದರ ಬಹುಪಾಲು ಮಾಲೀಕರಾದ ಅದಾನಿ ಕುಟುಂಬದೊಂದಿಗೆ ನಿಕಟ ಸಂಬಂಧವನ್ನು ಹೊಂದಿದ್ದು ಈಗ ಅವರು ಅದಾನಿಯಿಂದ ದೇಶದ ಕಾನೂನಿನ ಉಲ್ಲಂಘನೆಯ ಬಗ್ಗೆ ಎತ್ತಿರುವ ಪ್ರಶ್ನೆಗಳು ಹಾಗು ಒಟ್ಟಾರೆ ಈ ಆರ್ಥಿಕ ಹಗರಣದ ಕುರಿತು ಲೇಖಕರು ಒಂದು ಸವಿಸ್ತಾರ ತನಿಖಾ ವರದಿಯನ್ನು ಪ್ರಸ್ತುತಪಡಿಸಿದ್ದು ಅದರ ಪ್ರಮುಖ ಅಂಶಗಳು ಈ ಕೆಳಗಿನಂತಿವೆ:
೧. ಭಾರತದ ಷೇರು ಮಾರುಕಟ್ಟೆ ನಿಯಂತ್ರಕರಾಗಲಿ ಅಥವಾ ಉನ್ನತ ಮಟ್ಟದ ತಜ್ಞರ ಸಮಿತಿಯಾಗಲಿ ಅನೇಕರ ಮನಸ್ಸಿನಲ್ಲಿರುವ ಅನುಮಾನವನ್ನು ದೂರಗೊಳಿಸಲು ಸಾಧ್ಯವಾಗಲಿಲ್ಲ: ಅದೇನೆಂದರೆˌ ಸಾರ್ವಜನಿಕವಾಗಿ ಪಟ್ಟಿ ಮಾಡಲಾದ ಅದಾನಿ ಗ್ರೂಪ್ ಸ್ಟಾಕ್‌ನ ಕೆಲವು ವಿದೇಶಿ ಮಾಲೀಕರು, ವಾಸ್ತವವಾಗಿ, ಅದರ ಬಹುಪಾಲು ಮಾಲೀಕರಾಗಿದ್ದಾರೆ.
೨. ಅಮೇರಿಕೆಯ ಹಿಂಡೆನ್ಬರ್ಗ್ ಈ ಜನವರಿಯಲ್ಲಿ ಪ್ರಸಾರಮಾಡಿದ ಹೊಸ ಆರೋಪಗಳು ಸಂಘಟಿತ ವ್ಯಾಪಾರಿಗಳನ್ನು ಬೆಚ್ಚಿಬೀಳಿಸಿವೆ, ಆದರೆ ಕಡಲಾಚೆಯ ರಹಸ್ಯಗಳು ಇಂತಹ ವಹಿವಾಟುಗಳನ್ನು ಪತ್ತೆಹಚ್ಚುವುದು ಕಷ್ಟಕರವಾಗಿಸಿದೆ.
೩. ಅಧಿಕೃತ ತನಿಖಾಧಿಕಾರಿಗಳು ಒಂದು ವರದಿಯಲ್ಲಿ ಅಕ್ಷರಗಳಲ್ಲಿ “ಗೋಡೆಗೆ ಹೊಡೆದಿದ್ದಾರೆ.”
೪. ಈಗ, ಈ ವರದಿಗಾರರಿಗೆ ಲಭ್ಯವಿರುವ ಹೊಸ ದಾಖಲೆಗಳು ಅನೇಕ ವರ್ಷಗಳಿಂದ ಅದಾನಿ ಗ್ರೂಪ್‌ನ ನೂರಾರು ಮಿಲಿಯನ್ ಡಾಲರ್‌ಗಳ ಮೌಲ್ಯದ ಸ್ಟಾಕ್‌ನ ವ್ಯಾಪಾರದಲ್ಲಿ ತೊಡಗಿಸಿಕೊಂಡಿರುವ ಇಬ್ಬರು ವ್ಯಕ್ತಿಗಳನ್ನು ಬಹಿರಂಗಪಡಿಸಿವೆ. ಇವರೇ ನಾಸರ್ ಅಲಿ ಶಾಬಾನ್ ಅಹ್ಲಿ ಮತ್ತು ಚಾಂಗ್ ಚುಂಗ್-ಲಿಂಗ್.
೫. ಸಂಯೋಜಿತ ಕಂಪನಿಗಳಲ್ಲಿ ನಿರ್ದೇಶಕರು ಮತ್ತು ಷೇರುದಾರರಾಗಿ ಕಾಣಿಸಿಕೊಳ್ಳುವುದು ಸೇರಿದಂತೆ ಇವರಿಬ್ಬರೂ ಅದಾನಿ ಕುಟುಂಬದೊಂದಿಗೆ ನಿಕಟ ಸಂಬಂಧವನ್ನು ಹೊಂದಿದ್ದಾರೆ.
೬. ಅವರು ಅದಾನಿ ಗ್ರೂಪ್ ಸ್ಟಾಕ್‌ನಲ್ಲಿ ವ್ಯಾಪಾರ ಮಾಡಲು ಬಳಸಿದ ಹೂಡಿಕೆ ನಿಧಿಗಳು ಅದಾನಿ ಕುಟುಂಬದ ಹಿರಿಯ ಸದಸ್ಯರಿಂದ ನಿಯಂತ್ರಿಸಲ್ಪಡುವ ಕಂಪನಿಯಿಂದ ಸೂಚನೆಗಳನ್ನು ಪಡೆದಿವೆ ಎಂದು ದಾಖಲೆಗಳು ತೋರಿಸುತ್ತವೆ.
ಇದು ಆಧುನಿಕ ಭಾರತದ ಇತಿಹಾಸದಲ್ಲಿ ಅತಿದೊಡ್ಡ ಆರ್ಥಿಕ ಹಗರಣಗಳಲ್ಲಿ ಒಂದಾಗಿದ್ದು: ವಿಮಾನ ನಿಲ್ದಾಣಗಳಿಂದ ಹಿಡಿದು ದೂರದರ್ಶನ ಕೇಂದ್ರಗಳವರೆಗೆ ಎಲ್ಲದರಲ್ಲೂ ಆಸಕ್ತಿ ಹೊಂದಿರುವ ಬೃಹತ್ ಸಂಘಟಿತ ಸಂಸ್ಥೆಯಾಗಿರುವ ಅದಾನಿ ಗ್ರೂಪ್, ಲಜ್ಜೆಗೆಟ್ಟ ಸ್ಟಾಕ್ ಮ್ಯಾನಿಪ್ಯುಲೇಷನ್ ಆರೋಪವನ್ನು ಎದುರಿಸುತ್ತಿದೆ. ನ್ಯೂಯಾರ್ಕ್ ಮೂಲದ ಹಿಂಡೆನ್ಬರ್ಗ್ ನಿಂದ ಇದೇ ಜನವರಿಯಲ್ಲಿ ಮಾಡಲಾದ ಗಂಭೀರ ಆರೋಪವು ಅದಾನಿ ಸಾಮ್ರಾಜ್ಯದ ಸ್ಟಾಕ್ ಮಾರುಕಟ್ಟೆ ಕುಸಿಯಲು ಕಾರಣವಾಗಿತ್ತು. ಈ ಆರೋಪದಿಂದ ಅನೇಕ ಪ್ರತಿಭಟನೆಗಳನ್ನು ಪ್ರಚೋದಿಸಿತು ಮತ್ತು ಭಾರತದ ಸುಪ್ರೀಂ ಕೋರ್ಟ್‌ನಿಂದ ತನಿಖೆಗೆ ಪ್ರೇರೇಪಿಸಿತು. ಆದರೆ ನ್ಯಾಯಾಲಯವು ನೇಮಿಸಿದ್ದ ತಜ್ಞರ ಸಮಿತಿಗೆ ಹಗರಣದ ಮೂಲವನ್ನು ಪತ್ತೆಹಚ್ಚಲು ಸಾಧ್ಯವಾಗಲಿಲ್ಲ. ಏಕೆಂದರೆ ಇದರಿಂದ ಗಂಭೀರ ರಾಜಕೀಯ ಪರಿಣಾಮಗಳನ್ನು ಎದುರಿಸಬೇಕಾಗುತ್ತಿತ್ತು. ಏಕೆಂದರೆ ಈ ಉದ್ಯಮ ಗುಂಪು ಪ್ರಧಾನಿ ನರೇಂದ್ರ ಮೋದಿಯವರೊಂದಿಗೆ ಹೊಂದಿರುವ ಹತ್ತಿರದ ಸಂಬಂಧ ಎನ್ನುತ್ತದೆ ಈ ವರದಿ.
ಅಷ್ಟೇ ಅಲ್ಲದೆ ದೇಶದ ಅಭಿವೃದ್ಧಿಯಲ್ಲಿ ಈ ಕಂಪನಿಯ ಪ್ರಮುಖ ಪಾತ್ರವಿದೆ ಎಂಬ ಕಲ್ಪಿತ ನಂಬಿಕೆಯೂ ಸಮರ್ಪಕ ತನಿಖೆಯ ಹಾದಿಯನ್ನು ತಪ್ಪಿಸಿದೆ ಎನ್ನಲಾಗುತ್ತಿದೆ. ಅದಾನಿ ಗ್ರೂಪ್‌ನ ಕೆಲವು ಪ್ರಮುಖ “ಸಾರ್ವಜನಿಕ” ಹೂಡಿಕೆದಾರರು ವಾಸ್ತವವಾಗಿ ಅದಾನಿಯ ಒಳಗಿನ ಜನರಾಗಿದ್ದು, ಇದು ಭಾರತೀಯ ಸೆಕ್ಯುರಿಟೀಸ್ ಕಾನೂನಿನ ಸಂಭವನೀಯ ಉಲ್ಲಂಘನೆಯಾಗಿದೆ ಎಂಬುದು ಆರೋಪಗಳ ಸಾರವಾಗಿದೆ. ಆದರೆ ಸಮಿತಿಯು ಸಂಪರ್ಕಿಸಿದ ಯಾವುದೇ ಏಜೆನ್ಸಿಗಳು ಆ ಹೂಡಿಕೆದಾರರನ್ನು ಗುರುತಿಸಲು ಸಾಧ್ಯವಾಗಲಿಲ್ಲ, ಏಕೆಂದರೆ ಅವರನ್ನು ರಹಸ್ಯವಾಗಿ ಕಡಲಾಚೆಯ ರಚನೆಗಳ ಹಿಂದೆ ಮರೆಮಾಡಲಾಗಿದೆ ಎನ್ನುತ್ತವೆ ಮೂಲಗಳು. ಈಗ, OCCRP ಯಿಂದ ಪಡೆದ ಹಾಗು ದಿ ಗಾರ್ಡಿಯನ್ ಮತ್ತು ಫೈನಾನ್ಶಿಯಲ್ ಟೈಮ್ಸ್‌ನೊಂದಿಗೆ ಹಂಚಿಕೊಂಡಿರುವ ವಿಶೇಷ ದಾಖಲೆಗಳುˌ ಬಹು ತೆರಿಗೆ ಸ್ವರ್ಗಗಳ ಫೈಲ್‌ಗಳು, ಬ್ಯಾಂಕ್ ದಾಖಲೆಗಳು ಮತ್ತು ಅದಾನಿ ಗ್ರೂಪ್ ನ ಆಂತರಿಕ ಇಮೇಲ್‌ಗಳು ಆ ವಿಷಯದ ಮೇಲೆ ಹೆಚ್ಚಿನ ಬೆಳಕು ಚೆಲ್ಲಿವೆ ಎನ್ನುತ್ತವೆ ತನಿಖಾ ವರದಿಗಳು.
ಅದಾನಿ ಗ್ರೂಪ್‌ನ ವ್ಯವಹಾರ ಮತ್ತು ಅನೇಕ ದೇಶಗಳ ಸಾರ್ವಜನಿಕ ದಾಖಲೆಗಳ ನೇರ ಜ್ಞಾನ ಹೊಂದಿರುವ ಜನರು ದೃಢೀಕರಿಸಿದ ಈ ದಾಖಲೆಗಳು, ದ್ವೀಪ ರಾಷ್ಟ್ರವಾದ ಮಾರಿಷಸ್ ಮೂಲದ ಅಪಾರದರ್ಶಕ ಹೂಡಿಕೆ ನಿಧಿಗಳ ಮೂಲಕ ಸಾರ್ವಜನಿಕವಾಗಿ ವ್ಯಾಪಾರ ಮಾಡುವ ಅದಾನಿ ಷೇರುಗಳಲ್ಲಿ ನೂರಾರು ಮಿಲಿಯನ್ ಡಾಲರ್‌ಗಳನ್ನು ಹೇಗೆ ಹೂಡಿಕೆ ಮಾಡಲಾಯಿತು ಎಂಬುದನ್ನು ತೋರಿಸುತ್ತದೆ. ಕನಿಷ್ಠ ಎರಡು ಸಂದರ್ಭಗಳಲ್ಲಿ ಒಂದು ಹಂತದಲ್ಲಿ ಅದಾನಿ ಸ್ಟಾಕ್ ಹೋಲ್ಡಿಂಗ್‌ಗಳು $ ೪೩೦ ಮಿಲಿಯನ್ ತಲುಪಿದ್ದವು. ಆಗ ಈ ನಿಗೂಢ ಹೂಡಿಕೆದಾರರು ಕಂಪನಿಯ ಬಹುಪಾಲು ಷೇರುದಾರರಾದ ಅದಾನಿ ಕುಟುಂಬದೊಂದಿಗೆ ವ್ಯಾಪಕವಾಗಿ ವರದಿ ಮಾಡಿದ್ದರು. ನಾಸರ್ ಅಲಿ ಶಬಾನ್ ಅಹ್ಲಿ ಮತ್ತು ಚಾಂಗ್ ಚುಂಗ್-ಲಿಂಗ್, ಅದಾನಿ ಕುಟುಂಬದೊಂದಿಗೆ ದೀರ್ಘಕಾಲದ ವ್ಯಾಪಾರ ಸಂಬಂಧವನ್ನು ಹೊಂದಿದ್ದಾರೆ ಮತ್ತು ಅದಾನಿ ಗ್ರೂಪ್ ಕಂಪನಿಗಳು ಹಾಗು ವಿನೋದ್ ಅದಾನಿ ಅವರ ಒಡೆತನದ ಕಂಪನಿಗಳಲ್ಲಿ ನಿರ್ದೇಶಕ ಮತ್ತು ಷೇರುದಾರರಾಗಿ ಸೇವೆ ಸಲ್ಲಿಸಿದ್ದಾರೆ ಎನ್ನುತ್ತವೆ ವರದಿಗಳು.
ಮಾರಿಷಸ್ ನಿಧಿಗಳ ಮೂಲಕ, ಈ ನಿಘೂಡ ವ್ಯಕ್ತಿಗಳು ಸುಮಾರು ವರ್ಷಗಳಿಂದ ತಮ್ಮ ಒಳಗೊಳ್ಳುವಿಕೆಯನ್ನು ಮರೆಮಾಚುವ ಕಡಲಾಚೆಯ ರಚನೆಗಳ ಮೂಲಕ ಅದಾನಿ ಷೇರುಗಳನ್ನು ಖರೀದಿಸಿ ಮತ್ತು ಮಾರಾಟ ಮಾಡಿ ಗಣನೀಯ ಲಾಭವನ್ನು ಗಳಿಸಿರುವ ಬಗ್ಗೆ ದಾಖಲೆಗಳು ತೋರಿಸುತ್ತವೆ. ತಾವು ಹೂಡಿಕೆ ಮಾಡಿರುವ ಮ್ಯಾನೇಜ್‌ಮೆಂಟ್ ಕಂಪನಿಯು ತಮ್ಮ ಹೂಡಿಕೆಗೆ ಸಲಹೆ ನೀಡಲು ವಿನೋದ್ ಅದಾನಿ ಕಂಪನಿಗೆ ಹಣ ಪಾವತಿಸಿರುವುದು ಬೆಳಕಿಗೆ ಬಂದಿದೆ ಎನ್ನುತ್ತವಂತೆ ದಾಖಲೆಗಳು. ಈ ವ್ಯವಸ್ಥೆಯು ಕಾನೂನಿನ ಉಲ್ಲಂಘನೆಯಾಗಿದೆಯೇ ಎಂಬ ಪ್ರಶ್ನೆಯು ಅಹ್ಲಿ ಮತ್ತು ಚಾಂಗ್ ಅವರು ಅದಾನಿಯ ಪರವಾಗಿ “ಪ್ರವರ್ತಕರಾಗಿ” ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಪರಿಗಣಿಸಬೇಕೇ ಎಂಬುದರ ಮೇಲೆ ನಿಂತಿದೆ. ಅಂದರೆ ಈ ಪ್ರವರ್ತಕರು ಪದವು ಭಾರತದಲ್ಲಿ ವ್ಯಾಪಾರದ ಹಿಡುವಳಿ ಮತ್ತು ಅದರ ಅಂಗಸಂಸ್ಥೆಯ ಬಹುಪಾಲು ಮಾಲೀಕರನ್ನು ಉಲ್ಲೇಖಿಸಲು ಬಳಸಲ್ಪಡುತ್ತದೆ. ಹಾಗಾಗಿˌ ಈ ನಿಘೂಡ ಹೂಡಿಕೆದಾರರ ಹೆಸರುಗಳನ್ನು ಮರೆಮಾಚಿದ್ದು ಏಕೆ ಎಂದು ವರದಿಗಳು ಪ್ರಶ್ನಿಸುತ್ತವೆ.
ಹಾಗಿದ್ದಲ್ಲಿ, ಅದಾನಿ ಗ್ರೂಪ್‌ನಲ್ಲಿನ ಅವರ ಪಾಲನ್ನು ಒಳಗಿನವರೆಂತಲು ಹಾಗು ಒಟ್ಟಾರೆಯಾಗಿ ಕಾನೂನಿನಿಂದ ಅನುಮತಿಸಲಾದ ೭೫ ಪ್ರತಿಶತಕ್ಕಿಂತ ಹೆಚ್ಚಿನ ಮಾಲೀಕತ್ವವನ್ನು ಹೊಂದಿದ್ದಾರೆ ಎಂದರ್ಥ. “ಕಂಪನಿಯು ತನ್ನ ಸ್ವಂತ ಷೇರುಗಳನ್ನು ೭೫ ಪ್ರತಿಶತಕ್ಕಿಂತ ಹೆಚ್ಚು ಖರೀದಿಸಿದಾಗ ಅದು ಕಾನೂನುಬಾಹಿರ ಮಾತ್ರವಲ್ಲವೆ ಇದು ಷೇರು ಬೆಲೆಯ ತಿರುಚುವಿಕೆಯನ್ನು ಸಾಂಕೇತಿಸುತ್ತದೆ” ಎಂದು ಭಾರತೀಯ ಮಾರುಕಟ್ಟೆ ತಜ್ಞ ಮತ್ತು ಪಾರದರ್ಶಕತೆ ವಕೀಲರಾದ ಅರುಣ್ ಅಗರ್ವಾಲ್ ಹೇಳುತ್ತಾರೆ. “ಈ ರೀತಿಯಲ್ಲಿ ಕಂಪನಿಯು ಕೃತಕ ಕೊರತೆಯನ್ನು ಸೃಷ್ಟಿಸಿ ಅದರ ಷೇರು ಮೌಲ್ಯವನ್ನು ಹೆಚ್ಚಿಸುತ್ತದಲ್ಲದೆ ಮತ್ತು ಕಂಪನಿಯ ಸ್ವಂತ ಮಾರುಕಟ್ಟೆ ಬಂಡವಾಳೀಕರಣ ವೃದ್ಧಿಸಿಕೊಳ್ಳುತ್ತದೆ. ಇದು ಆ ಕಂಪನಿಯು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ ಎನ್ನುವ ಇಮೇಜ್ ಅನ್ನು ಹೆಚ್ಚಿಸಲು ಸಹಾಯ ಮಾಡುವುದಲ್ಲದೆ ಅವರಿಗೆ ಇನ್ನೂ ಹೆಚ್ಚಿನ ಮಟ್ಟದ ಸಾಲವನ್ನು ಪಡೆಯಲು ಸಹಾಯ ಮಾಡುತ್ತದೆ.”
“ಈ ರೀತಿಯ ತಿರುಚುವಿಕೆಯಿಂದ ಅವರ ಕಂಪನಿಗಳ ಮೌಲ್ಯಮಾಪನಗಳನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಬಹುದು ಮತ್ತು ಅದರ ಆಧಾರದ ಮೇಲೆ ಮತ್ತಷ್ಟು ಹೊಸ ಹೊಸ ಕಂಪನಿಗಳನ್ನು ಸ್ಥಾಪಿಸಲು ಸಹಾಯವಾಗುತ್ತದೆ” ಎಂದು ಅಗರ್ವಾಲ್ ಅವರು ಹೇಳಿದ ಕುರಿತು ತನಿಖಾ ವರದಿಗಳು ಸ್ಪಷ್ಟಪಡಿಸಿವೆ. ಈ ವರದಿಯ ಕುರಿತು ಪ್ರತಿಕ್ರೀಯೆಗಾಗಿ ವಿನಂತಿಸಿದಾಗ, ಅದಾನಿ ಗ್ರೂಪ್‌ನ ಪ್ರತಿನಿಧಿಯೊಬ್ಬರು ಈ ತನಿಖಾ ವರದಿಯಲ್ಲಿ ಮಾರಿಷಸ್ ನಿಧಿಗಳ ಕುರಿತು ಈಗಾಗಲೇ “ಹಿಂಡೆನ್ಬರ್ಗ್ ವರದಿ” ಯಲ್ಲಿ ಉಲ್ಲೇಖಿಸಲಾಗಿದೆ ಎಂದಿದ್ದಾರೆ. ಆದರೆ ಹಿಂಡೆನ್ಬರ್ಗ್ ವರದಿಯಲ್ಲಿ ಕಡಲಾಚೆಯ ಕಂಪನಿಗಳ ಹೆಸರುಗಳಿವೆ, ಆದರೆ ಅದಾನಿ ಸ್ಟಾಕ್‌ನಲ್ಲಿ ಹೂಡಿಕೆ ಮಾಡಲು ಯಾರನ್ನು ಬಳಸಿದ್ದಾರೆನ್ನುವುದು ಬಹಿರಂಗಪಡಿಸಿಲ್ಲ ಎನ್ನುತ್ತವೆ ಪ್ರಸ್ತುತ ವರದಿಗಳು. ಆ ಪ್ರತಿನಿಧಿಯು ಮುಂದುವರೆದು ಸುಪ್ರೀಂ ಕೋರ್ಟ್‌ನ ತಜ್ಞರ ಸಮಿತಿಯ ವರದಿ ಉಲ್ಲೇಖಿಸಿˌ ಇದು ಹಣಕಾಸಿನ ನಿಯಂತ್ರಕರು ಯಾರು ಎನ್ನುವ ಸಂಗತಿಯ ಮೂಲವು ರುಜುವಾತಾಗಿಲ್ಲ ಎನ್ನುವುದನ್ನು ಈ ವರದಿಗಳು ವಿವರಿಸಿವೆ.
ಮುಂದುವರೆಯುವುದು…
