ಕೋಲ್ಕತ್ತಾ : ಟಿ20 ವಿಶ್ವಕಪ್ ಪಂದ್ಯದಲ್ಲಿ ಇಟಲಿ ವಿರುದ್ಧ 24 ರನ್ಗಳ ಪ್ರಯಾಸದ ಗೆಲುವನ್ನು ದಾಖಲಿಸಿದೆ. ಈ ಮೂಲಕ ವಿಶ್ವಕಪ್ನಲ್ಲಿ ತನ್ನ ಆಸೆಯನ್ನು ಇನ್ನಷ್ಟು ಜೀವಂತವಾಗಿರಿಸಿಕೊಂಡಿದೆ. ಭರವಸೆಯ ಆಟಗಾರ ವಿಲ್ ಜಾಕ್ಸ್ ಅರ್ಧಶತಕ ಹಾಗೂ ಜೆಮಿ ಓವರ್ಟನ್ ಅವರ ಬಿಗುವಿನ ದಾಳಿಯ ನೆರವಿನಿಂದ ಇಂಗ್ಲೆಂಡ್ ತಂಡ ಟಿ20 ವಿಶ್ವಕಪ್ನ ಲೀಗ್ನಲ್ಲಿ ಗೆಲ್ಲುವಂತಾಗಿದೆ.
ಟಾಸ್ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಇಂಗ್ಲೆಂಡ್ ಆರಂಭದಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡಿತ್ತು. ಸ್ಫೋಟಕ ಬ್ಯಾಟರ್ ಜೋಸ್ ಬಟ್ಲರ್ 3 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದರು. ಆರಂಭಿಕ ಆಟಗಾರ ಫಿಲ್ ಸಾಲ್ಟ್ 28 ರನ್ಗಳಿಗೆ ಪೆವಿಲಿಯನ್ ಸೇರಿದರು. ಮಧ್ಯಮ ಕ್ರಮಾಂಕದ ಭರವಸೆಯ ಬ್ಯಾಟರ್ ಜಾಕಬ್ ಬೆಥೆಲ್ 23 ರನ್ ಸಿಡಿಸಿ ಔಟ್ ಆದರು.
ಇದನ್ನೂ ಓದಿ : Darshan Thoogudeepa: ‘ಮತ್ತೆ ಖುಷಿಯ ದಿನ ಬರಲಿ’–ದರ್ಶನ್ ಹುಟ್ಟುಹಬ್ಬಕ್ಕೆ ಸೆಲೆಬ್ರೆಟಿಗಳ ವಿಶೇಷ ವಿಶ್
ಇನ್ನೂ ಈ ಹಿಂದಿನ ಪಂದ್ಯದಲ್ಲಿ ಉತ್ತಮ ಬ್ಯಾಟಿಂಗ್ ಮಾಡಿದ್ದ ಟ್ಯಾಮ್ ಬಾಟಮ್ 30 ರನ್ ಗಳಿಸಿದರು. ನಾಯಕ ಹ್ಯಾರಿ ಬ್ರೂಕ್ 14 ರನ್ ಬಾರಿಸಿ ನಿರಾಸೆ ಮೂಡಿಸಿದರು. ಆಲ್ರೌಂಡರ್ ಸ್ಯಾಮ್ ಕರನ್ 25 ರನ್ ಪಡೆದರೂ ಕೂಡ ದೊಡ್ಡ ಇನಿಂಗ್ಸ್ಗೆ ಎಳೆಯಲಿಲ್ಲ. ಏಳನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಿದ ವಿಲ್ ಜಾಕ್ಸ್ ಅಮೋಘ ಬ್ಯಾಟಿಂಗ್ ಮಾಡಿದರು. ಇವರು 240ರ ಸ್ಟ್ರೈಕ್ ರೇಟ್ನಲ್ಲಿ ರನ್ ಕಲೆ ಹಾಕಿ, ಜಾಕ್ಸ್ 3 ಬೌಂಡರಿ, 4 ಸಿಕ್ಸರ್ ಸಹಾಯದಿಂದ 53 ರನ್ ಬಾರಿಸಿದರು. ಇವರು ಕ್ಲಾಸ್ ಆಟದ ನೆರವಿನಿಂದ ಇಂಗ್ಲೆಂಡ್ 20 ಓವರ್ಗಳಲ್ಲಿ 7 ವಿಕೆಟ್ಗೆ 202 ರನ್ ಸೇರಿಸಿತು.
ಅಲ್ಲದೆ ಇಂಗ್ಲೆಂಡ್ಗೆ ಟಕ್ಕರ್ ನೀಡುವ ನಿಟ್ಟಿನಲ್ಲಿ ಇಟಲಿ ತಂಡವೂ ಪ್ರಯತ್ನ ಪಟ್ಟಿದೆ, ಆದರೆ ಅದು ಕೈಗೂಡಲಿಲ್ಲ. ಇಂಗ್ಲೆಂಡ್ ನೀಡಿದ್ದ ಗುರಿಯನ್ನು ಬೆನ್ನಟ್ಟಿದ ಇಟಲಿ ತಂಡದ ಆರಂಭಿಕ ಆಟಗಾರ ಜಸ್ಟಿನ್ ಮೊಸ್ಕಾ ಒಳ್ಳೆಯ ಆಟವಾಡಿದರು.
ನಾಲ್ಕನೇ ವಿಕೆಟ್ಗೆ ಬೆನ್ ಮಾನೆಂಟಿ ಜೊತೆಯಾಟದಲ್ಲಿ 48 ಎಸೆತಗಳಲ್ಲಿ 92 ರನ್ ಬಾರಿಸಿದರು. ಬೆನ್ ಮಾನೆಂಟಿ 4 ಬೌಂಡರಿ, 5 ಸಿಕ್ಸರ್ ನೆರವಿನಿಂದ 60 ರನ್ ಬಾರಿಸಿ ಇಂಗ್ಲೆಂಡ್ ಬಲಿಷ್ಠ ಬೌಲಿಂಗ್ ಪಡೆಗೆ ಸವಾಲು ಹಾಕಿದರು. ಮಧ್ಯಮ ಕ್ರಮಾಂಕದಲ್ಲಿ ಗ್ರಾಂಟ್ ಸ್ಟೀವರ್ಟ್ 45 ರನ್ ಗಳಿಸಿ ಸೋಲಿನ ಅಂತರವನ್ನು ಇಳಿಕೆ ಮಾಡಿದರು. ಆದರೆ ಕೊನೆಯ ಹಂತದಲ್ಲಿ ಇಟಲಿ 178 ರನ್ಗಳಿಗೆ ಸಂಪೂರ್ಣ ಹೀನಾಯವಾಗಿ ಪತನಗೊಂಡಿತು. ಹೀಗಾಗಿ ಈ ಪ್ರಯಾಸದ ಗೆಲುವಿನ ಮೂಲಕ ಇಂಗ್ಲೆಂಡ್ ಆಡಿದ 4 ಪಂದ್ಯಗಳಲ್ಲಿ 3 ಜಯ, 1 ಸೋಲು ಕಂಡಿದ್ದು, 6 ಅಂಕವನ್ನು ಕಲೆ ಹಾಕಿದ್ದು, ಮುಂದಿನ ಹಂತಕ್ಕೆ ಒಂದು ಕಾಲು ಇಟ್ಟಿದೆ.
