ಕೇರಳ ನೀಟ್ ಪರೀಕ್ಷೆ ವಿವಾದ; ಘಟನೆ ಕಾಲ್ಪನಿಕ ಎಂದು ಹೇಳಿದ ಪರೀಕ್ಷಾಧಿಕಾರಿ

ವೈದ್ಯಕೀಯ ಪ್ರವೇಶ ಪರೀಕ್ಷೆ ನೀಟ್ಗೆ ಹಾಜರಗುವ ಮುನ್ನ ಕೇರಳದ ಯುವತಿಯೊಬ್ಬಳಿಗೆ ಒಳಉಡುಪು ಬಿಚ್ಚಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಘಟನೆಯು ಕಾಲ್ಪನಿಕ ಹಾಗೂ ದುರುದ್ದೇಶದಿಂದ ಇದನ್ನೆಲ್ಲಾ ಮಾಡಲಾಗಿದೆ ಎಂದು ಪರೀಕ್ಷಾ ಕೇಂದ್ರದ ಅಧೀಕ್ಷಕ ರಾಷ್ಟ್ರೀಯ ಪರೀಕ್ಷಾ ಏಜನ್ಸಿ(NTA)ಗೆ ತಿಳಿಸಿದ್ದಾರೆ.

ಈ ಕುರಿತು ಪ್ರತಿಕ್ರಿಯಿಸಿರುವ ರಾಷ್ಟ್ರೀಯ ಪರೀಕ್ಷಾ ಏಜನ್ಸಿಯ ಅಧಿಕಾರಿಗಳು ಘಟನೆ ಸಂಬಂಧ ತಮ್ಮ ಬಳಿ ಯಾವುದೇ ದೂರು ದಾಖಲಾಗಿಲ್ಲ ಎಂದು ಹೇಳಿದ್ದಾರೆ.

ಘಟನೆ ಕುರಿತು ಪೊಲೀಸ್ ಪ್ರಕರಣವನ್ನ ದಾಖಲಿಸಿರುವ ಬಾಲಕಿಯ ಪೋಷಕರು ಮಾನವ ಹಕ್ಕು ಆಯೋಗಕ್ಕು ದೂರು ಸಲ್ಲಿಸುವುದಾಗಿ ತಿಳಿಸಿದ್ದಾರೆ. ತಮ್ಮ ಮಗಳು ನೀಟ್ ಬುಲೆಟಿನ್ನಲ್ಲಿ ಉಲ್ಲೇಖಿಸಲಾಗಿದ್ದ ಸಮವಸ್ತ್ರವನ್ನ ಧರಿಸಿ ಪರೀಕ್ಷೆಗೆ ಹಾಜರಾಗಿದ್ದಳು.

ಭದ್ರತಾ ತಪಾಸಣೆಯ ಸಮಯದಲ್ಲಿ ಒಳಉಡುಪಿನಲ್ಲಿ ಬರುವ ಲೋಹದ ಕೊಕ್ಕೆಗಳು ಬೀಪ್ ಸೌಂಡ್ ಮಾಡುತ್ತದೆ ಎಂಬ ಕಾರಣದಿಂದ ಅವರನ್ನು ಪರೀಕ್ಷೆಗೆ ಅನುವು ಮಾಡಿ ಕೊಡದೆ ಭದ್ರತಾ ಸಿಬ್ಬಂದಿಗಳು ತಡೆದಿದ್ದಾರೆ, ಪರೀಕ್ಷೆ ಬರೆಯುವ ಮೊದಲು ಬಲವಂತವಾಗಿ ಒಳುಡುಪುಗಳನ್ನುಕಳಚುವಂತೆ ಮಾಡಲಾಗಿದೆ ಎಂದು ಯುವತಿಯ ಪೋಷಕರು ದೂರಿದ್ದಾರೆ.