ಆಡಳಿತಾರೂಢ ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ. ರವಿ ಅವರ 55 ನೇ ಹುಟ್ಟುಹಬ್ಬದಂದು ಬೆಂಗಳೂರಿನಲ್ಲಿ ಹಾಕಿದ್ದ ಅಕ್ರಮ ಫ್ಲೆಕ್ಸ್ ಹೋರ್ಡಿಂಗ್ಗಳನ್ನು ಕಾಂಗ್ರೆಸ್ ಕಾರ್ಯಕರ್ತೆ ಬಿಂದು ಗೌಡ ಎಂಬುವವರು ಹರಿದು ಹಾಕಿರುವ ವಿಡಿಯೋ ಸೋಮವಾರ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
Prevention of Disfigurement Act ಪ್ರಕಾರ, ಕರ್ನಾಟಕ ಸಾರ್ವಜನಿಕ ಸ್ಥಳಗಳಲ್ಲಿ ವಾಣಿಜ್ಯ ಉದ್ದೇಶಗಳಿಗಾಗಿ ಬಳಸುವ ಹೋರ್ಡಿಂಗ್ಗಳನ್ನು ಮತ್ತು ಎಲ್ಲಾ ರೀತಿಯ ಫ್ಲೆಕ್ಸ್, ಬ್ಯಾನರ್ಗಳನ್ನು ನಿಷೇಧಿಸಿದೆ. ಬೆಂಗಳೂರಿನ ವಿಧಾನಸೌಧದ ಸುತ್ತ ಮುತ್ತ ಒಂದು ಕಿಲೋಮೀಟರ್ ವ್ಯಾಪ್ತಿಯಲ್ಲಿ ಎಲ್ಲಾ ರೀತಿಯ ಫ್ಲೆಕ್ಸ್, ಬ್ಯಾನರ್ಗಳನ್ನು ನಿಷೇಧಿಸಿದೆ. ಆದರೆ ನಿನ್ನೆ ಸಿ.ಟಿ ರವಿ ಹುಟ್ಟು ಹಬ್ಬದ ಪ್ರಯುಕ್ತ ವಿಧಾನಸೌಧದ ಮುಂಭಾಗ ಮತ್ತು ಕರ್ನಾಟಕ ಹೈಕೋರ್ಟ್ ಎದುರೇ ಫ್ಲೆಕ್ಸ್ ಹೋರ್ಡಿಂಗಳನ್ನು ಅಳವಡಿಸಿದ್ದು, ಕಾಂಗ್ರೆಸ್ ಕಾರ್ಯಕರ್ತೆಯ ಕೆಂಗಣ್ಣಿಗೆ ಗುರಿಯಾಗಿದೆ.
ಸೋಮವಾರ ನಗರದಾದ್ಯಂತ ಇಂತಹ ಹಲವಾರು ಕಡೆ ಇಂತಹ ದೃಶ್ಯಗಳು ಕಂಡುಬಂದಿದ್ದು, ಬೆಂಗಳೂರು ನಾಗರಿಕರನ್ನು ಕೆರಳಿಸಿದೆ.
ಬೆಳಗಾವಿಯ ಕಾಂಗ್ರೆಸ್ನ ಕರ್ನಾಟಕ ಘಟಕದ ಸಾಮಾಜಿಕ ಮಾಧ್ಯಮ ಮುಖ್ಯಸ್ಥ ಗುಲಾಬ್ ಬಾಳೇಕುಂದ್ರಿ ಅವರು, ಬಿಂದುಗೌಡ ಅವರು ವಿಧಾನಸೌಧದ ಮುಂದೆ ಹಾಕಿದ್ದ ಬ್ಯಾನರ್ ಅನ್ನು ದಿಟ್ಟತನದಿಂದ ಹರಿದು ಹಾಕಿದ್ದಾರೆ’ ಎಂದು ಟ್ವೀಟ್ರ್ ನಲ್ಲಿ ಬರೆದುಕೊಂಡಿದ್ದಾರೆ.
ವಿಧಾನಸೌಧದ ಹೊರಗಡೆ ಹಿಂದಿಯಲ್ಲಿ ಮಾತನಾಡುವ ವ್ಯಕ್ತಿಯೊಬ್ಬ, ‘ಹೋರ್ಡಿಂಗ್ ಕಿತ್ತು ಹಾಕುವ ಹಕ್ಕು ನಿಮಗಿಲ್ಲ, ಬದಲಿಗೆ ದೂರು ನೀಡಬೇಕಿತ್ತು’ ಎಂಬ ಬಿಂದು ಗೌಡರಿಗೆ ಹೇಳಿದಾಗ. ಅದಕ್ಕೆ ಅವರು, “ನಾವು ಈಗಾಗಲೇ ದೂರು ನೀಡಿದ್ದೇವೆ ಮತ್ತು ಏನು ಮಾಡಬೇಕೆಂದು ನಮಗೆ ತಿಳಿದಿದೆ, ನೀವು ಕನ್ನಡಿಗ ಅಲ್ಲದ ಕಾರಣ ಈ ವಿಷಯದ ಬಗ್ಗೆ ಮಾತನಾಡುವ ಹಕ್ಕು ನಿಮಗೆ ಇಲ್ಲ, ಮೊದಲು ಕನ್ನಡ ಕಲಿಯಿರಿ ಮತ್ತು ನಂತರ ನನ್ನೊಂದಿಗೆ ಮಾತನಾಡಿ. ” ಎಂದು ಹೇಳಿದ್ದಾರೆ.
ಸಿಟಿ ರವಿ ಅವರಿಗೆ ಶುಭ ಕೋರಿರುವ ಅನೇಕ ಬ್ಯಾನರ್ಗಳು, ಪೋಸ್ಟರ್ಗಳು ಮತ್ತು ಫ್ಲೆಕ್ಸ್ಗಳು ಬೆಂಗಳೂರು ನರದಾದ್ಯಂತೆ ಹಾಕಲಾಗಿದ್ದು ಅದರ ಕೆಲವು ಚಿತ್ರಣಗಳನ್ನು ಬೆಂಗಳೂರಿನ ನಾಗರೀಕರು ಟ್ವೀಟರ್ ನಲ್ಲಿ ಹಂಚಿಕೊಂಡಿದ್ದಾರೆ.
