ಲಂಡನ್(London): ಬ್ರಿಟನ್ ಪ್ರಧಾನಿ ರಿಷಿ ಸುನಕ್(Rishi Sunak) ಅವರು ಏಕಾಏಕಿ ಚುನಾವಣೆ ಘೋಷಿಸಿದ್ದಾರೆ.
2025ರ ಜನವರಿ ಬದಲು ಇದೇ ಜುಲೈ 4ಕ್ಕೆ ಬ್ರಿಟನ್(Britain) ಚುನಾವಣೆ ನಡೆಯಲಿದೆ ಎಂದು ಅವರು ಘೋಷಿಸಿದ್ದಾರೆ. ಈ ಮೂಲಕ ಅವಧಿಪೂರ್ವ ಚುನಾವಣೆ(Election) ಬಗ್ಗೆ ಎದ್ದಿದ್ದ ಎಲ್ಲ ವದಂತಿಗಳಿಗೆ(Rumor) ಅವರು ತೆರೆ ಎಳೆದಿದ್ದಾರೆ.
ಸುನಕ್ ಕನ್ಸರ್ವೇಟಿವ್ ಪಕ್ಷದ ನಾಯಕರಾಗಿದ್ದಾರೆ. ಸುನಕ್ ಅವರು ಇತ್ತೀಚೆಗೆ ಬ್ರಿಟನ್ ಆರ್ಥಿಕ ಹಿಂಜರಿತದ ಕಾರಣ ಆಡಳಿತ ವಿರೋಧಿ ಅಲೆ ಎದುರಿಸುತ್ತಿದ್ದರು. ಲೇಬರ್ ಪಕ್ಷವು ಅವರನ್ನು ಸೋಲಿಸುವುದಕ್ಕಾಗಿ ಇದನ್ನೇ ಅಜೆಂಡಾ ಆಗಿ ಇಟ್ಟುಕೊಂಡಿದೆ. ಆದರೆ, ಸೋಮವಾರ ಬಿಡುಗಡೆ ಆದ ಅಂಕಿ ಅಂಶಗಳು ದೇಶದ ಆರ್ಥಿಕ ಸ್ಥಿತಿ ಸುಧಾರಣೆ ಕಂಡಿದೆ ಎಂದು ಹೇಳಿದ್ದವು. ಇದರಿಂದ ಆತ್ಮವಿಶ್ವಾಸದಲ್ಲಿ ಬೀಗುತ್ತಿರುವ ಸುನಕ್ ಚುನಾವಣೆ ಘೋಷಿಸಿದ್ದಾರೆ.
ರಿಷಿ ಸುನಕ್ ಕರ್ನಾಟಕದ ಇಸ್ಫೋಸಿಸ್ ಕಂಪನಿ ಸಂಸ್ಥಾಪಕ ಎನ್. ಆರ್. ನಾರಾಯಣಮೂರ್ತಿ ಅವರ ಅಳಿಯ. ಹಿಂದಿನ ಪ್ರಧಾನಿ ಲಿಜ್ ಟ್ರಸ್ ರಾಜೀನಾಮೆ ನೀಡಿದ ನಂತರ 2022ರಲ್ಲಿ ಬ್ರಿಟನ್ ಪ್ರಧಾನಿಯಾಗಿದ್ದಾರೆ. ಸುನಕ್ ಅದಿಕಾರವಧಿಯಲ್ಲಿ ಬ್ರಿಟನ್ ಆರ್ಥಿಕತೆ ಸಾಕಷ್ಟು ಏರಿಳಿತ ಕಂಡಿದೆ.
