ತನ್ನ ಗೂಢಾಚಾರಿ ಸಾಫ್ಟ್‌ವೇರ್ ಪೆಗಾಸಸ್‌ನ ವಿವಾದದ ಮಧ್ಯೆ, ಇಸ್ರೇಲಿ ಸೈಬರ್ ಸೆಕ್ಯುರಿಟಿ ಕಂಪನಿಯಾದ ಎನ್ಎಸ್ಒ ಗ್ರೂಪ್ ತನ್ನ ಗುಪ್ತಚರ ಮತ್ತು ಕಾನೂನು ಜಾರಿ ಸಂಸ್ಥೆಯಿಂದ ಲಭ್ಯವಿರುವ ತಂತ್ರಜ್ಞಾನಗಳಿಂದಾಗಿ ವಿಶ್ವಾದ್ಯಂತ ಕೋಟ್ಯಾಂತರ ಜನರು ರಾತ್ರಿಗಳಲ್ಲಿ ನೆಮ್ಮದಿಯಿಂದ ನಿದ್ರಿಸುತ್ತಾರೆ ಮತ್ತು ಸುರಕ್ಷಿತವಾಗಿ ಬೀದಿಗಳಲ್ಲಿ ಸಂಚರಿಸುತ್ತಾರೆ ಎಂದು ತನ್ನನ್ನು ಸಮರ್ಥಿಸಿಕೊಂಡಿದೆ.
ತನ್ನ ಗ್ರಾಹಕರಿಗೆ ಸಂಗ್ರಹಿಸಿದ ಡೇಟಾಗಳಿಗೆ ತಾನು ಪ್ರವೇಶವನ್ನು ಹೊಂದಿಲ್ಲ ಎಂದು ಅದು ಹೇಳಿದೆ
Also Read: ಸಂಚಲನ ಸೃಷ್ಟಿಸಿದ ಪೇಗಾಸಸ್ ಲೀಕ್ಸ್: ಮೋದಿ ಆಡಳಿತದ ಟೀಕಾಕಾರರ ಮೊಬೈಲ್ ಗೆ ಕನ್ನ!
ಭಾರತ ಸೇರಿದಂತೆ ಹಲವಾರು ದೇಶಗಳಲ್ಲಿ ಪತ್ರಕರ್ತರು, ಮಾನವ ಹಕ್ಕುಗಳ ರಕ್ಷಕರು, ರಾಜಕಾರಣಿಗಳು ಮತ್ತು ಇತರರ ಮೇಲೆ ಕಣ್ಣಿಡಲು ಪೆಗಾಸಸ್ ಸಾಫ್ಟ್‌ವೇರ್ ಬಳಸಲಾಗಿದೆ ಎಂದು ಹೇಳಲಾಗಿದೆ, ಇದು ಗೌಪ್ಯತೆಗೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಜಾಗತಿಕ ಕಳವಳವನ್ನು ಉಂಟುಮಾಡಿದೆ.
ಅಂತರರಾಷ್ಟ್ರೀಯ ಮಾಧ್ಯಮ ಒಕ್ಕೂಟದ ಪ್ರಕಾರ, ಇಸ್ರೇಲಿ ಸಂಸ್ಥೆಯು ವಿವಿಧ ಸರ್ಕಾರಗಳಿಗೆ ಮಾರಾಟ ಮಾಡಿದ ಫೋನ್ ಸ್ಪೈವೇರ್ ಅನ್ನು ಗುರಿಯಾಗಿಸಿಕೊಂಡವರಲ್ಲಿ ರಾಜಕಾರಣಿಗಳು, ಮಾನವ ಹಕ್ಕುಗಳ ಹೋರಾಟಗಾರರು ಮತ್ತು ಪತ್ರಕರ್ತರು ಸೇರಿದ್ದಾರೆ.
“ಪೆಗಾಸಸ್ ಮತ್ತು ಅಂತಹುದೇ ತಂತ್ರಜ್ಞಾನಗಳಿಗೆ ಧನ್ಯವಾದಗಳು. ಅಂತಹ ತಂತ್ರಜ್ಞಾನಗಳಿಂದಾಗಿ ಪ್ರಪಂಚದಾದ್ಯಂತದ ಕೋಟ್ಯಾಂತರ ಜನರು ರಾತ್ರಿಯಲ್ಲಿ ಚೆನ್ನಾಗಿ ನಿದ್ರಿಸುತ್ತಿದ್ದಾರೆ ಮತ್ತು ಸುರಕ್ಷಿತವಾಗಿ ಬೀದಿಗಳಲ್ಲಿ ಓಡಾಡುತ್ತಿದ್ದಾರೆ. ಇದು ಗುಪ್ತಚರ ಸಂಸ್ಥೆಗಳು ಮತ್ತು ಕಾನೂನು ಜಾರಿ ಸಂಸ್ಥೆಗಳಿಗೆ ಜಗತ್ತಿನಾದ್ಯಂತ ಎಂಡ್-ಟು-ಎಂಡ್ ಎನ್‌ಕ್ರಿಪ್ಶನ್ ಅಪ್ಲಿಕೇಶನ್‌ಗಳ ಅಡಿಯಲ್ಲಿ,ಅಪರಾಧ, ಭಯೋತ್ಪಾದನೆ ಮತ್ತು ಶಿಶುಕಾಮವನ್ನು ತಡೆಗಟ್ಟಲು ಮತ್ತು ತನಿಖೆ ಮಾಡಲು ಸಹಾಯ ಮಾಡುತ್ತದೆ ”ಎಂದು ಎನ್ಎಸ್ಒ ವಕ್ತಾರರು ಹೇಳಿದ್ದಾರೆ.
Also Read: ಇಸ್ರೇಲ್ ಮಾಲ್ವೇರ್ ಬಳಸಿ ರಾಜಕಾರಣಿಗಳು, ಪತ್ರಕರ್ತರ ಚಲನವಲನದ ಮೇಲೆ ಕಣ್ಣಿಟ್ಟಿತ್ತೆ ಸರ್ಕಾರ?
” ವಿಶ್ವದಾದ್ಯಂತ ಕಾನೂನು ಜಾರಿ ಸಂಸ್ಥೆಗಳು ಕತ್ತಲೆಯಲ್ಲಿವೆ ಮತ್ತು ತ್ವರಿತ ಸಂದೇಶ ಮತ್ತು ಸಾಮಾಜಿಕ ಮಾಧ್ಯಮದಲ್ಲಿ ದುರುದ್ದೇಶಪೂರಿತ ಕೃತ್ಯಗಳನ್ನು ಮೇಲ್ವಿಚಾರಣೆ ಮಾಡಲು ಯಾವುದೇ ನಿಯಂತ್ರಕ ಪರಿಹಾರವಿಲ್ಲ. ಹಾಗಾಗಿ, ಎನ್ಎಸ್ಒ, ವಿಶ್ವದ ಇತರ ಅನೇಕ ಸೈಬರ್ ಗುಪ್ತಚರ ಕಂಪನಿಗಳೊಂದಿಗೆ, ಸರ್ಕಾರಗಳಿಗೆ ಸೈಬರ್ ಗುಪ್ತಚರ ಸಾಧನಗಳನ್ನು ಒದಗಿಸುತ್ತದೆ” ಎಂದು ಕಂಪನಿ ಹೇಳಿದೆ.
Also Read: ಪೆಗಾಸಸ್ ದುರುಪಯೋಗದ ಪ್ರತಿ ಆರೋಪಗಳ ಬಗ್ಗೆ ನಾವು ತನಿಖೆ ನಡೆಸುತ್ತಿದ್ದೇವೆ: ಎನ್ಎಸ್ಒ ಸಮೂಹದ ಅಧ್ಯಕ್ಷ
ಜಗತ್ತನ್ನು ಬೆಚ್ಚಿಬೀಳಿಸಿರುವ ಅದರ ಸ್ನೂಪಿಂಗ್ ಸಾಫ್ಟ್‌ವೇರ್ ಸುತ್ತಲಿನ ವಿವಾದದ ಕುರಿತು, ವಕ್ತಾರರು “ಎನ್ಎಸ್ಒ ತಂತ್ರಜ್ಞಾನವನ್ನು ನಿರ್ವಹಿಸುವುದಿಲ್ಲ, ಸಂಗ್ರಹಿಸಿದ ದತ್ತಾಂಶಗಳು ನಮಗೆ ಗೋಚರಿಸುವುದಿಲ್ಲ” ಎಂದು ಪ್ರತಿಪಾದಿಸಿದ್ದಾರೆ.
“ಸುರಕ್ಷಿತ ಜಗತ್ತನ್ನು ರಚಿಸಲು ಸಹಾಯ ಮಾಡಲು ನಾವು ನಮ್ಮ ಕೈಲಾದಷ್ಟು ಪ್ರಯತ್ನಿಸುತ್ತಿದ್ದೇವೆ” ಎಂದು ಅವರು ಹೇಳಿದ್ದಾರೆ.
Also Read: ಪೇಗಾಸಸ್ ಲೀಕ್ಸ್: ಜಾಗತಿಕ ಮಟ್ಟದಲ್ಲಿ ಹೆಚ್ಚುತ್ತಿದೆ ತನಿಖೆಯ ಒತ್ತಡ
ಭಾರತದಲ್ಲಿ ತಂತ್ರಜ್ಞಾನದ ದುರುಪಯೋಗದ ವರದಿಗಳೊಂದಿಗೆ ಈ ವಿಷಯವು ಅಕ್ಟೋಬರ್ 2019 ರಲ್ಲಿ ಮೊದಲ ಬಾರಿಗೆ ಬೆಳಕಿಗೆ ಬಂದಾಗ, ಪಿಟಿಐಗೆ ನೀಡಿದ ಲಿಖಿತ ಪ್ರತಿಕ್ರಿಯೆಯಲ್ಲಿ ಎನ್ಎಸ್ಒ “ಗಂಭೀರ ಅಪರಾಧ ಮತ್ತು ಭಯೋತ್ಪಾದನೆಯನ್ನು ತಡೆಯುವುದನ್ನು ಹೊರತುಪಡಿಸಿ ಬೇರೆ ಉದ್ದೇಶಗಳಿಗೆ ನಮ್ಮ ಉತ್ಪನ್ನಗಳನ್ನು ದುರುಪಯೋಗ ಪಡಿಸಿಕೊಳ್ಳುವುದನ್ನು ಒಪ್ಪಂದದ ಪ್ರಕಾರ ನಿಷೇಧಿಸಲಾಗಿದೆ ” ಎಂದು ಹೇಳಿತ್ತು.
“ಯಾವುದೇ ದುರುಪಯೋಗವನ್ನು ನಾವು ಕಂಡುಕೊಂಡರೆ ಅಗತ್ಯ ಕ್ರಮ ತೆಗೆದುಕೊಳ್ಳುತ್ತೇವೆ. ಜೀವನದ ಹಕ್ಕು, ಸುರಕ್ಷತೆ ಮತ್ತು ದೈಹಿಕ ಸಮಗ್ರತೆಯ ಹಕ್ಕನ್ನು ಒಳಗೊಂಡಂತೆ ಮಾನವ ಹಕ್ಕುಗಳ ರಕ್ಷಣೆಯಲ್ಲಿ ಈ ತಂತ್ರಜ್ಞಾನವು ನಂಬಿಕೆ ಇರಿಸುತ್ತದೆ ಮತ್ತು ಅದಕ್ಕಾಗಿಯೇ ನಮ್ಮ ಉತ್ಪನ್ನಗಳು ಎಲ್ಲವನ್ನು ಗೌರವಿಸುತ್ತಿದೆಯೆ ಎಂದು ಖಚಿತಪಡಿಸಿಕೊಳ್ಳಲು ನಾವು ವ್ಯಾಪಾರ ಮತ್ತು ಮಾನವ ಹಕ್ಕುಗಳ ಕುರಿತ ಯುಎನ್ ಮಾರ್ಗದರ್ಶಿ ಸೂತ್ರಗಳೊಂದಿಗೆ ಪರಿಶೀಲಿಸುತ್ತೇವೆ ” ಎಂದು ಅದು ಹೇಳಿದೆ.
Also Read: ಪೆಗಾಸಸ್ ಲೀಕ್ಸ್ ಹಗರಣ: ತನಿಖೆಗೆ ಶಶಿ ತರೂರ್ ನೇತೃತ್ವದ ಸಂಸದೀಯ ಸಮಿತಿ
ಸಾಫ್ಟ್‌ವೇರ್ ಅನ್ನು ಭಾರತಕ್ಕೆ ಮಾರಾಟ ಮಾಡಿರುವುದನ್ನು ದೃಢೀಕರಿಸದ ಅಥವಾ ನಿರಾಕರಿಸದ ಕಂಪನಿಯು “ಭಯೋತ್ಪಾದನೆ ಮತ್ತು ಗಂಭೀರ ಅಪರಾಧಗಳನ್ನು ತಡೆಗಟ್ಟುವ ಮತ್ತು ತನಿಖೆ ಮಾಡುವ ಏಕೈಕ ಉದ್ದೇಶಕ್ಕಾಗಿ ಸರ್ಕಾರಿ ಗುಪ್ತಚರ ಮತ್ತು ಕಾನೂನು ಜಾರಿ ಸಂಸ್ಥೆಗಳಿಗೆ ನೀಡಿದ್ದೇವೆ ” ಎಂದು ಹೇಳಿದೆ.
Also Read: ಪಶ್ಚಿಮ ಬಂಗಾಳಕ್ಕೂ ಹಬ್ಬಿದ ಪೆಗಾಸಸ್ ಭೂತ: ದೀದಿ ಸೋದರಳಿಯ ಟಾರ್ಗೆಟ್
“ತನ್ನ ಗ್ರಾಹಕರು ಸಾರ್ವಜನಿಕ ಸುರಕ್ಷತಾ ಕಾರ್ಯಗಳನ್ನು ರಕ್ಷಿಸಲು ಮತ್ತು ತಾವು ಮಾಡಿಕೊಂಡಿರುವ ಕಾನೂನು ಮತ್ತು ಒಪ್ಪಂದ ಪ್ರಕಾರ ಎನ್ಎಸ್ಒ ಗ್ರೂಪ್‌ಗೆ ಯಾರು ಕ್ಲೈಂಟ್ ಅಥವಾ ಯಾರು ಕ್ಲೈಂಟ್ ಅಲ್ಲ ಎಂಬುದನ್ನು ಬಹಿರಂಗಪಡಿಸಲು ಅಥವಾ ಅದರ ತಂತ್ರಜ್ಞಾನದ ನಿರ್ದಿಷ್ಟ ಉಪಯೋಗಗಳನ್ನು ಚರ್ಚಿಸಲು ಸಾಧ್ಯವಿಲ್ಲ” ಎಂದು ಲಿಖಿತ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
Also Read: ಪೇಗಾಸಸ್ ಗೂಢಚಾರಿಕೆಯಿಂದ ಮಾಜಿ ಪ್ರಧಾನಿ ದೇವೇಗೌಡರೂ ಬಚಾವಾಗಿಲ್ಲ!
ಇತ್ತೀಚಿನ ವಿವಾದದ ಮಧ್ಯೆ, ಇಸ್ರೇಲ್ ಎನ್ಎಸ್ಒ ಸಮೂಹದ ಕಣ್ಗಾವಲು ಸಾಫ್ಟ್‌ವೇರ್‌ನ ದುರುಪಯೋಗದ ಆರೋಪಗಳನ್ನು ಪರಿಶೀಲಿಸಲು ಒಂದು ಸಮಿತಿಯನ್ನು ಸ್ಥಾಪಿಸಿದೆ ಮತ್ತು “ಪರವಾನಗಿಗಳನ್ನು ನೀಡುವ ಸಂಪೂರ್ಣ ವಿಷಯದ ವಿಮರ್ಶೆ” ಯ ಬಗ್ಗೆ ಸುಳಿವು ನೀಡಿದೆ.
“ರಕ್ಷಣಾ ಸಂಸ್ಥೆಯು ಹಲವಾರು ತಜ್ಞರನ್ನು ಹೊಂದಿರುವ ಪರಿಶೀಲನಾ ಸಮಿತಿಯನ್ನು ಮಾಡಿದೆ” ಎಂದು ಕ್ನೆಸೆಟ್‌ನ ವಿದೇಶಾಂಗ ವ್ಯವಹಾರ ಮತ್ತು ರಕ್ಷಣಾ ಸಮಿತಿಯ ಮುಖ್ಯಸ್ಥ ರಾಮ್ ಬೆನ್-ಬರಾಕ್ ಗುರುವಾರ ಆರ್ಮಿ ರೇಡಿಯೊಗೆ ತಿಳಿಸಿದ್ದಾರೆ.
Also Read: ಪ್ರಧಾನಿ ಮೋದಿಯವರೇ ಪೆಗಾಸಸ್ ಸ್ಪೈವೇರ್ ಪ್ರಕರಣದಲ್ಲಿ ನೇರವಾಗಿ ಭಾಗಿಯಾಗಿದ್ದಾರೆ: ಸಿದ್ದರಾಮಯ್ಯ ಆರೋಪ
“ಅವರು ತಮ್ಮ ಪರಿಶೀಲನೆಯನ್ನು ಪೂರ್ಣಗೊಳಿಸಿದ ನಂತರ ನಾವು ಫಲಿತಾಂಶಗಳನ್ನು ನೋಡಿ ತಿದ್ದುಪಡಿಗಳನ್ನು ಮಾಡಬೇಕೇ ಎಂದು ತೀರ್ಮಾನಿಸುತ್ತೇವೆ” ಎಂದೂ ಇಸ್ರೇಲ್‌ನ ಮೊಸಾದ್ ಪತ್ತೇದಾರಿ ಏಜೆನ್ಸಿಯ ಮಾಜಿ ಉಪ ಮುಖ್ಯಸ್ಥರಾಗಿದ್ದ ಬೆನ್-ಬರಾಕ್ ಹೇಳಿದ್ದಾರೆ.
ಇಸ್ರೇಲ್‌ನ ಆದ್ಯತೆಯು “ಪರವಾನಗಿಗಳನ್ನು ನೀಡುವ ಸಂಪೂರ್ಣ ವಿಷಯವನ್ನು ಪರಿಶೀಲಿಸುವುದಾಗಿದೆ” ಎಂದು ಅವರು ಒತ್ತಿ ಹೇಳಿದ್ದಾರೆ.
ಎನ್ಎಸ್ಒ ಮುಖ್ಯ ಕಾರ್ಯನಿರ್ವಾಹಕ, ಶಲೆವ್ ಹುಲಿಯೊ ಈ ಕ್ರಮವನ್ನು ಸ್ವಾಗತಿಸಿ, ಆರ್ಮಿ ರೇಡಿಯೊಗೆ ನೀಡಿರುವ ಹೇಳಿಕೆಯಲ್ಲಿ “ತನಿಖೆ ನಡೆದರೆ ತುಂಬಾ ಸಂತೋಷವಾಗುತ್ತದೆ, ಇದರಿಂದ ನಾವು ನಮ್ಮ ಹೆಸರನ್ನು ಕಳಂಕ ಮುಕ್ತಗೊಳಿಸಲು ಸಾಧ್ಯವಾಗುತ್ತದೆ” ಎಂದು ತಿಳಿಸಿದ್ದಾರೆ.”ಇಡೀ ಇಸ್ರೇಲಿ ಸೈಬರ್ ಉದ್ಯಮವನ್ನು ಸ್ಮೀಯರ್ ಮಾಡುವ ಪ್ರಯತ್ನವಿದು” ಎಂದೂ ಅವರು ಹೇಳಿದ್ದಾರೆ.
ಪೆಗಾಸಸ್ ಈ ಹಿಂದೆ ‘ಅನೇಕ ಭಯೋತ್ಪಾದಕ ಸಂಸ್ಥೆಗಳ ಪತ್ತೆಗೆ’ ಸಹಾಯ ಮಾಡಿದೆ ಎಂದು ಹೇಳಿದ ಬೆನ್-ಬರಾಕ್ “ಆದರೆ ಇದನ್ನು ದುರುಪಯೋಗಪಡಿಸಿಕೊಂಡರೆ ಅಥವಾ ಬೇಜವಾಬ್ದಾರಿ ಸಂಸ್ಥೆಗಳಿಗೆ ಮಾರಾಟ ಮಾಡಿದ್ದರೆ ಅದು ನಾವು ಪರಿಶೀಲಿಸಲೇಬೇಕಾದ ಗಂಭೀರ ವಿಷಯ” ಎಂದೂ ಹೇಳಿದ್ದಾರೆ.
