ಬೆಂಗಳೂರು: ನಗರದ ಲ್ಯಾಂಗ್ಫೋರ್ಡ್ ರಸ್ತೆಯಲ್ಲಿರುವ ನಟಿ ಶಿಲ್ಪಾ ಶೆಟ್ಟಿ ಒಡೆತನದ ‘ಬ್ಯಾಸ್ಟಿಯನ್’ ಪಬ್ನಲ್ಲಿ ಪಬ್ ಮುಚ್ಚುವ ಸಮಯದಲ್ಲಿ ಗಲಾಟೆಯಾಗಿದೆ.
ಸದ್ಯ ಗಲಾಟೆ ಸಂಬಂಧ ಯಾವುದೇ ದೂರು ದಾಖಲಾಗಿಲ್ಲ. ಆದರೆ ಗಲಾಟೆ ಸಂಬಂಧ ಮಾಹಿತಿ ಕಲೆ ಹಾಕಿರುವ ಕಬ್ಬನ್ ಪಾರ್ಕ್ ಪೊಲೀಸರು ವಿಡಿಯೋ ಆಧರಿಸಿ ತನಿಖೆ ನಡೆಸುತ್ತಿದ್ದಾರೆ.
ಪ್ರಾಥಮಿಕ ತನಿಖೆಯಲ್ಲಿ ಸತ್ಯ ನಾಡ್ಡು ಎನ್ನುವಾತ ತನಗೆ ಮಗು ಹುಟ್ಟಿದ ಸಂಭ್ರಮಕ್ಕಾಗಿ ಗೆಳೆಯರನ್ನ ಪಾರ್ಟಿಗೆ ಕರೆದಿದ್ದ. ಈ ಪಾರ್ಟಿ ಮುಗಿದ ನಂತರ ಸತ್ಯನ ಬದಲು ವಿಶಾಲ್ ಎಂಬಾತ ಬಿಲ್ ನೀಡಿದ್ದ. ಈ ವೇಳೆ ಪಾರ್ಟಿಗೆ ಕರೆದಿದ್ದು ನಾನು ನೀನ್ಯಾಕೆ ಬಿಲ್ ಕೊಟ್ಟಿದ್ದು ಎಂದು ಸತ್ಯ ಪ್ರಶ್ನಿಸಿದ್ದ. ಇದೇ ವೇಳೆ ಸ್ವಲ್ಪ ತಳ್ಳಾಟ ನೂಕಾಟವಾಗಿದೆ. ಈ ಸಂಬಂಧದ ಸತ್ಯನ ಜೊತೆ ಹೋಟೆಲ್ನ ನಾಲ್ಕು ಜನ ಸಿಬ್ಬಂದಿ ಮತ್ತು ಗೆಳೆಯರನ್ನು ವಿಚಾರಣೆ ಮಾಡಲಾಗಿದೆ.
ಆರೋಪ ಸಂಬಂಧ ನಿನ್ನೆ ರಾತ್ರಿ ಸತ್ಯ ನಾಯ್ಡುರನ್ನ ಕಬ್ಬನ್ ಪಾರ್ಕ್ ಪೊಲೀಸರು ಠಾಣೆಗೆ ಕರೆಸಿದ್ದರು. ಈ ವೇಳೆ ನಾನು ಅಲ್ಲಿ ಯಾರ ಮೇಲೂ ಹಲ್ಲೆ ಮಾಡಿಲ್ಲ. ನನ್ನ ಫ್ರೆಂಡ್ಸ್ ಜೊತೆ ನಾನು ಊಟಕ್ಕೆ ಹೋಗಿದ್ದೆ. ಬಿಲ್ ಕೊಡೋ ವೇಳೆ ನನ್ನ ಪರ್ಸ್ ಬಚ್ಚಿಟ್ಟಿದ್ರು. ಈ ವಿಚಾರವಾಗಿ ನಾವು ಮಾತನಾಡಿಕೊಂಡಿದ್ದೇವು ಅಷ್ಟೆ ಹೊರತು ಯಾರ ಮೇಲೂ ಹಲ್ಲೆ ಮತ್ತು ಗಲಾಟೆ ಮಾಡಿಲ್ಲ ಎಂದು ಹೇಳಿಕೆ ನೀಡಿದ್ದಾರೆ ಎನ್ನಲಾಗಿದೆ.
