ದೇಹದಲ್ಲಿ ಉಷ್ಣತೆ ಹೆಚ್ಚಾದಾಗ ಸಾಕಷ್ಟು ಆರೋಗ್ಯದಲ್ಲಿ ಏರುಪೇರು ಆಗುವುದು ಸಹಜ. ಅದರಲ್ಲೂ ಡಿ ಹೈಡ್ರೇಶನ್, ಚರ್ಮ ಡ್ರೈಯಾಗುವುದು ,ಕಾನ್ಸ್ಟಿಪೇಶನ್ ಸಮಸ್ಯೆ, ಉರಿಮೂತದ ಮೂತ್ರದ ಸಮಸ್ಯೆ ಇವೆಲ್ಲವೂ ಸಾಮಾನ್ಯವಾಗಿ ಕಾಣಿಸಿಕೊಳ್ಳುತ್ತದೆ.ಇದೆಲ್ಲದರ ಜೊತೆಗೆ ಕೆಲವರಿಗೆ ಬಾಯಲ್ಲಿ ಹುಣ್ಣು ಆಗುತ್ತದೆ..ಆ ನೋವು ಯಾರಿಂದಲೂ ಸಹಿಸಲು ಕಷ್ಟ.ಊಟ ತಿಂಡಿ ಸೇವಿಸಲು ಆಗುವುದಿಲ್ಲ.ಖಾರ ಅಥವಾ ಮಸಾಲಾ ಪದಾರ್ಥವನ್ನು ತಿನ್ನಲು ನೋವು ಉರಿ ಹೆಚ್ಚಿರುತ್ತದೆ… ಬಾಯಲ್ಲಿ ಆಗಿರುವ ಹುಣ್ಣುಗಳನ್ನು ಕಡಿಮೆ ಮಾಡಲು ಈ ಸಿಂಪಲ್ ಹೋಮ್ ರೆಮಿಡೀಸ್ ನ ಬಳಸಿ..
ತೆಂಗಿನ ಎಣ್ಣೆ
ಬಾಯಲ್ಲಿ ಹುಣ್ಣಾದಾಗ ತೆಂಗಿನ ಎಣ್ಣೆಯನ್ನು ಹುಣ್ಣಿನ ಮೇಲೆ ಲೇಪಿಸುವುದರಿಂದ ನೋವು ಹಾಗೂ ಉರಿಯುತವನ್ನು ಕಡಿಮೆ ಮಾಡುತ್ತದೆ. ತಕ್ಷಣ ಅಲ್ಸರ್ ಕೂಡ ನಿವಾರಣೆ ಆಗುತ್ತದೆ.
ಅಲೋವೆರಾ ಜೆಲ್
ಬಾಯಲ್ಲಿ ಹುಣ್ಣಾದಾಗ ಅಲೋವೆರ ಜೆಲ್ ಅನ್ನು ಹಚ್ಚಿ ಕೆಲ ನಿಮಿಷಗಳ ಕಾಲ ಹಾಗೆ ಬಿಟ್ಟು ನೀರಿನಿಂದ ಬಾಯಿಯನ್ನು ತೊಳೆಯಬೇಕು. ಹೀಗೆ ಮಾಡುವುದರಿಂದ ನೋವು ಶಮನಗೊಳ್ಳುತ್ತದೆ. ಅಲ್ಸರ್ ಕೂಡ ಕಡಿಮೆಯಾಗುತ್ತದೆ ಆದರೆ ದಿನಕ್ಕೆ ಎರಡರಿಂದ ಮೂರು ಬಾರಿ ತಪ್ಪದೇ ಅಲೋವೆರ ಜೆಲ್ ಅನ್ನ ಲೇಪಿಸಿ.
ಅರಿಶಿಣ
ಸಾಕಷ್ಟು ಆರೋಗ್ಯ ಸಮಸ್ಯೆಗಳಿಗೆ ಅರಿಶಿಣ ರಾಮಬಾಣವಾಗಿದೆ. ಹಾಗೆ ಬಾಯಲ್ಲಿ ಹುಣ್ಣಾದಾಗ ಅರಿಶಿಣಕ್ಕೆ ಸ್ವಲ್ಪ ನೀರನ್ನ ಬೆರೆಸಿ ಮಿಶ್ರಣವನ್ನು ತಯಾರಿಸಿ. ನಂತರ ಆ ಪೇಸ್ಟ್ ಅನ್ನ ಹುಣ್ಣಾದ ಜಾಗದಲ್ಲಿ ಹಚ್ಚಿ ಹಾಗೆ ಬಿಡುವುದರಿಂದ ಉರಿ ಹಾಗೂ ಹುಣ್ಣು ಬೇಗನೆ ಕಡಿಮೆಯಾಗುತ್ತದೆ.
ನೀರನ್ನು ಹೆಚ್ಚಾಗಿ ಕುಡಿಯಿರಿ, ಇದರಿಂದ ಉಷ್ಣತೆ ಕಡಿಮೆ ಆಗುತ್ತದೆ. ಹಾಗೂ ದೇಹವನ್ನ ತಂಪು ಮಾಡುವಂತಹ ಆಹಾರ ಪದಾರ್ಥಗಳನ್ನ ಸೇವಿಸಿ. ಚಿಯಾ ಸೀಡ್ಸ್, ಸೌತೆಕಾಯಿ, ಕಲ್ಲಂಗಡಿ ಹಣ್ಣು, ಮಸ್ಕ್ ಮೆಲ್ಲನ್ ಇಂತಹ ಹಣ್ಣುಗಳನ್ನು ಹೆಚ್ಚಿನ ಮಟ್ಟದಲ್ಲಿ ಸೇವಿಸಿ.
