5G ತರಂಗಾಂತರದ ಹರಾಜು ಪ್ರಕ್ರಿಯೆ ನಾಳೆ ನಡೆಯಲಿದ್ದು, ಇದು ದೇಶದ ಅತೀ ದೊಡ್ಡ ಹರಾಜು ಪ್ರಕ್ರಿಯೆ ಇದಾಗಲಿದ್ದು, ಭಾರೀ ಆದಾಯದ ನಿರೀಕ್ಷೆ ಹೊಂದಲಾಗಿದೆ.
ಮಂಗಳವಾರ ನಡೆಯಲಿರುವ ಹರಾಜು ಪ್ರಕ್ರಿಯೆಯಲ್ಲಿ 4 ಕಂಪನಿಗಳು ಪ್ರಮುಖವಾಗಿ ಅಖಾಡದಲ್ಲಿ ಇದ್ದು, ಈ ಹರಾಜಿನಲ್ಲಿ ಪಾಲ್ಗೊಳ್ಳುವ ಮೂಲಕ ಗೌತಮ್ ಅದಾನಿ ಗ್ರೂಪ್ ಇದೇ ಮೊದಲ ಬಾರಿ ಟೆಲಿಕಾಂ ಉದ್ಯಮಕ್ಕೆ ಕಾಲಿಡುತ್ತಿದೆ.
5 ಜಿ ತರಂಗಾಂತರ 4ಜಿಗಿಂತ 10 ಪಟ್ಟು ಹಾಗೂ 3ಜಿಗಿಂತ 30 ಪಟ್ಟು ವೇಗ ಹೊಂದಿದ್ದು, ಇದು ಮೊಬೈಲ್ ಇಂಟರ್ ನೆಟ್ ಬಳಕೆಯ ವೇಗದಲ್ಲಿ ಯಾವುದೇ ಅಡಚಣೆ ಅಥವಾ ನಿಧಾನ ಆಗುವುದಿಲ್ಲ ಎಂದು ಹೇಳಲಾಗಿದೆ.
5ಜಿ ತರಂಗಾಂತರ ಸುರಕ್ಷಿತ ಎಂದು ಹೇಳಲಾಗಿದ್ದು, 20 ವರ್ಷಗಳಿಗೆ ಹರಾಜು ಕರೆಯಲಾಗಿದೆ. ಈ ತಂತ್ರಜ್ಞಾನ ಅತ್ಯಂತ ವೇಗವಾಗಿದ್ದು, ಹೊಸ ತಂತ್ರಜ್ಞಾನಗಳಿಗೆ ತೆರೆದುಕೊಳ್ಳಲಿದೆ ಎಂದು ಅಂದಾಜಿಸಲಾಗಿದೆ.
2ಜಿ ಮೊಬೈಲ್ ನಲ್ಲಿ ಯಾವುದೇ ವೀಡಿಯೊ ಡೌನ್ ಲೋಡ್ ಮಾಡಬೇಕಾದರೆ 2.8 ದಿನ ಬೇಕಾಗಿತ್ತು. 3ಜಿಯಲ್ಲಿ 4 ಗಂಟೆ, 4ಜಿಯಲ್ಲಿ 40 ನಿಮಿಷಗಳಾದರೆ 5ಜಿಯಲ್ಲಿ 35 ಸೆಕೆಂಡ್ ಗಳಲ್ಲಿ ವೀಡಿಯೊ ಡೌನ್ ಲೋಡ್ ಆಗುತ್ತದೆ. 100 ಎಂಬಿಪಿಎಸ್ ವೇಗ ಹೊಂದಿರುತ್ತದೆ ಎನ್ನಲಾಗಿದೆ.