ಬಿಜೆಪಿ ರಾಜ್ಯಾಧ್ಯಕ್ಷ ಆಯ್ಕೆಯಾದ ದಿನದಿಂದ ಬಿಜೆಪಿ ಮನೆಯೊಂದು ನೂರು ಬಾಗಿಲು ಆಗಿರುವುದು ಬಹಿರಂಗ ವಿಷಯ. ಆದರೆ ಎಲ್ಲವೂ ಸರಿಯಾಗುತ್ತಿದೆ ಎಂದುಕೊಳ್ಳುವ ಸಮಯದಲ್ಲೇ ಬಿಜೆಪಿ ಶಾಸಕ ಯತ್ನಾಳ್, ನನಗೆ ವಿಜಯೇಂದ್ರನ ಆಟಗಳೆಲ್ಲಾ ಗೊತ್ತು. ನನ್ನ ಬಳಿ ಬರಬೇಡ ಎಂದು ಹೇಳಿದ್ದೇನೆ ” ಎಂದು ಹೇಳುವ ಮೂಲಕ ಮತ್ತೆ ಚರ್ಚೆಗೆ ಗ್ರಾಸವಾಗಿದೆ.
ವಿಜಯಪುರದಲ್ಲಿ ಮಾಧ್ಯಮಗಳಿಗೆ ಮಾತನಾಡಿದ ಅವರು, ನಾನು ಮತ್ತು ಶಾಸಕ ಸುನೀಲಕುಮಾರ, ರಮೇಶ್ ಜಾರಕಿಹೊಳಿ, ಅರವಿಂದ ಬೆಲ್ಲದ, ಮಾಜಿ ಸಚಿವ ವಿ. ಸೋಮಣ್ಣ ಸೇರಿದಂತೆ ಇನ್ನಿತರರೂ ತನು- ಮನದಿಂದ ಬಿಜೆಪಿಗಾಗಿ ದುಡಿದಿದ್ದೇವೆ.
ಭಾರತ ಮತ್ತೊಂದು ಇಸ್ರೇಲ್ ಆಗಬಾರದು. ಭಯೋತ್ಪಾದಕ ರಾಷ್ಟ್ರ ಆಗಬಾರದು. ನನಗೆ ದೇವರು ಸ್ವಾರ್ಥವನ್ನು ಕೊಟ್ಟಿಲ್ಲ. ತಾಯಿ ಸಾಕ್ಷಿಯಾಗಿ, ದೇವರ ಸಾಕ್ಷಿಯಾಗಿ ನಾವು ಬಿಜೆಪಿ ಪರ ಚುನಾವಣೆ ಕೆಲಸ ಮಾಡುತ್ತೇವೆ. ನರೇಂದ್ರ ಮೋದಿ ಅವರನ್ನು 2024ಕ್ಕೆ ಮತ್ತೆ ಪ್ರಧಾನಿ ಮಾಡಲು ನಾವೆಲ್ಲರೂ ಶ್ರಮಿಸುತ್ತೇವೆ ಎಂದು ಹೇಳಿದ್ದಾರೆ.
![](https://pratidhvani.com/wp-content/uploads/2023/01/Basanagouda-patil-Yathnal-1024x576.png)
ಸೋಮಣ್ಣ ಕಾಂಗ್ರೆಸ್ ಪಕ್ಷಕ್ಕೆ ಹೋಗುತ್ತಾರೆ ಎನ್ನುವುದು ಸುಳ್ಳು. ಅವರ ಜೊತೆ ಶೀಘ್ರದಲ್ಲೇ ಹೈಕಮಾಂಡ್ ಮಾತನಾಡಲಿದ್ದಾರೆ.