ತೆಹ್ರಾನ್/ಮಧ್ಯಪ್ರಾಚ್ಯ:
ಇರಾನ್ನ ಶ್ರೇಷ್ಠ ನಾಯಕ ಖಮೇನಿ ಸಾವಿನ ನಂತರವೂ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧ ನಿಲ್ಲದಿರುವುದು ಜಾಗತಿಕ ಮಟ್ಟದಲ್ಲಿ ಚರ್ಚೆಗೆ ಕಾರಣವಾಗಿದೆ. ಈ ನಡುವೆಯೇ ಪ್ರಮುಖ ರಾಜಕೀಯ ನಾಯಕ ಲಾರಿಜಾನಿ ಹತ್ಯೆಯಾಗಿರುವುದು ಸಂಘರ್ಷವನ್ನು ಮತ್ತಷ್ಟು ಗಂಭೀರಗೊಳಿಸುವ ಸೂಚನೆ ನೀಡುತ್ತಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.
ಖಮೇನಿ ಸಾವಿನಿಂದ ಯುದ್ಧಕ್ಕೆ ಅಂತ್ಯವಾಗಬಹುದು ಎಂಬ ನಿರೀಕ್ಷೆ ಇದ್ದರೂ, ಅದು ನಡೆಯಲಿಲ್ಲ. ಇದಕ್ಕೆ ಪ್ರಮುಖ ಕಾರಣವೆಂದರೆ ಇರಾನ್ನ ರಾಜಕೀಯ ಮತ್ತು ಸೈನಿಕ ವ್ಯವಸ್ಥೆ ಒಬ್ಬ ವ್ಯಕ್ತಿಯ ಮೇಲೆ ಮಾತ್ರ ಅವಲಂಬಿತವಾಗಿಲ್ಲ. ನಾಯಕತ್ವದಲ್ಲಿ ಬದಲಾವಣೆ ನಡೆದರೂ, ನೀತಿಗಳು ಮತ್ತು ತಂತ್ರಗಳು ಮುಂದುವರಿದಿವೆ. ಪರಿಣಾಮವಾಗಿ, ಇರಾನ್ ತನ್ನ ಪ್ರತೀಕಾರದ ದಾಳಿಗಳನ್ನು ಮುಂದುವರಿಸಿದ್ದು, ಸಂಘರ್ಷ ಇನ್ನಷ್ಟು ತೀವ್ರಗೊಂಡಿದೆ.ಇದಾದ ನಂತರ, ಲಾರಿಜಾನಿ ಪ್ರಮುಖ ಪಾತ್ರವಹಿಸುತ್ತಿದ್ದರು. ಅವರು ರಾಜಕೀಯ ಮತ್ತು ಭದ್ರತಾ ತಂತ್ರಗಳಲ್ಲಿ ಮಹತ್ವದ ಪ್ರಭಾವ ಹೊಂದಿದ್ದ ವ್ಯಕ್ತಿಯಾಗಿದ್ದು, ಅಂತರರಾಷ್ಟ್ರೀಯ ಮಟ್ಟದಲ್ಲಿಯೂ ಮಾತುಕತೆ ನಡೆಸುವ ಸಾಮರ್ಥ್ಯ ಹೊಂದಿದ್ದರು. ಆದರೆ ಅವರ ಹತ್ಯೆಯಿಂದ ಇರಾನ್ನ ಒಳರಾಜಕೀಯ ಸಮತೋಲನಕ್ಕೆ ದೊಡ್ಡ ಹೊಡೆತ ಬಿದ್ದಿದೆ. ವಿಶೇಷವಾಗಿ, ಮಧ್ಯಮ ನಿಲುವಿನ ನಾಯಕತ್ವ ದುರ್ಬಲವಾಗಿದ್ದು, ಕಠಿಣ ನಿಲುವಿನ ಗುಂಪುಗಳ ಪ್ರಭಾವ ಹೆಚ್ಚಾಗುವ ಸಾಧ್ಯತೆ ಇದೆ.
ಈ ಬೆಳವಣಿಗೆಗಳು ಶಾಂತಿ ಮಾತುಕತೆಗಳ ಸಾಧ್ಯತೆಯನ್ನು ಮತ್ತಷ್ಟು ಕಡಿಮೆ ಮಾಡುತ್ತಿದ್ದು, ಯುದ್ಧ ಇನ್ನಷ್ಟು ಉಲ್ಬಣಗೊಳ್ಳುವ ಆತಂಕವನ್ನು ಹೆಚ್ಚಿಸಿವೆ. ಈಗಿನ ಪರಿಸ್ಥಿತಿಯಲ್ಲಿ ಪ್ರತೀಕಾರದ ರಾಜಕೀಯ, ನಿರಂತರ ದಾಳಿಗಳು ಮತ್ತು ಪ್ರಾದೇಶಿಕ ಪ್ರಭಾವಕ್ಕಾಗಿ ನಡೆಯುತ್ತಿರುವ ಹೋರಾಟಗಳು ಸಂಘರ್ಷವನ್ನು ಮುಂದುವರಿಸುವ ಪ್ರಮುಖ ಕಾರಣಗಳಾಗಿವೆ. ಖಮೇನಿ ಸಾವಿನಿಂದ ಯುದ್ಧ ನಿಲ್ಲದೇ, ಲಾರಿಜಾನಿ ಹತ್ಯೆಯಿಂದ ಮಧ್ಯಪ್ರಾಚ್ಯದಲ್ಲಿ ಸ್ಥಿತಿ ಇನ್ನಷ್ಟು ಸ್ಥಿತಿ ಗಂಭೀರವಾದ ಲಕ್ಷಣಗಳು ಕಂಡುಬರುತ್ತಿದೆ.
