ಜೋಹಾನ್ಸ್ಬರ್ಗ್ ದಕ್ಷಿಣ ಆಫ್ರಿಕಾದ ಈ ನಗರವನ್ನು ವಿಶ್ವದಾದ್ಯಂತ “ವಿಶ್ವದ ಚಿನ್ನದ ರಾಜಧಾನಿ” ಎಂದು ಕರೆಯುತ್ತಾರೆ. ಇದು ಭೂಮಿಯ ಮೇಲಿನ ಅತಿದೊಡ್ಡ ಚಿನ್ನದ ನಿಕ್ಷೇಪಗಳಲ್ಲಿ ಒಂದನ್ನು ಹೊಂದಿದೆ ಎನ್ನಲಾಗಿದೆ. ಈ ನಗರವು ವಿಟ್ವಾಟರ್ಸ್ರಾಂಡ್ ಬೇಸಿನ್ ಎಂಬ ಖನಿಜ-ಸಮೃದ್ಧ ಭೂವೈಜ್ಞಾನಿಕ ರಚನೆಯ ಮೇಲೆ ನೆಲೆಗೊಂಡಿದೆ .
ಈ ಪ್ರದೇಶವು ಸುಮಾರು 2.7 ರಿಂದ 2.9 ಶತಕೋಟಿ ವರ್ಷಗಳಷ್ಟು ಹಳೆಯ ಭೂವೈಜ್ಞಾನಿಕ ರಚನೆ ಹೊಂದಿದೆ ಎಂದು ವಿಜ್ಞಾನಿಗಳು ಅಂದಾಜಿಸಿದ್ದಾರೆ. ಪ್ರಾಚೀನ ನದಿಗಳು ಪರ್ವತಗಳಿಂದ ಚಿನ್ನದ ಅಂಶವನ್ನು ತಂದು ಈ ಪ್ರದೇಶದಲ್ಲಿ ಸಂಗ್ರಹಿಸಿದವು ಎಂದು ನಂಬಲಾಗಿದೆ.
1886ರಲ್ಲಿ ಆಸ್ಟ್ರೇಲಿಯಾದ ಅನ್ವೇಷಕ ಜಾರ್ಜ್ ಹ್ಯಾರಿಸನ್ ಲ್ಯಾಂಗ್ಲಾಗ್ಟೆ ಪ್ರದೇಶದಲ್ಲಿ ಚಿನ್ನ ಹೊಂದಿರುವ ಶಿಲೆಯನ್ನು ಪತ್ತೆಹಚ್ಚಿದರು. ಈ ಆವಿಷ್ಕಾರದಿಂದಾಗಿ ಸಾವಿರಾರು ಗಣಿಗಾರರು, ವ್ಯಾಪಾರಿಗಳು ಚಿನ್ನ ಅಗೆಯಲು ಇಲ್ಲಿಗೆ ಬಂದರು. ತದನಂತರ ಕೆಲವೇ ವರ್ಷಗಳಲ್ಲಿ ಸಣ್ಣ ವಸಾಹತಾಗಿದ್ದ ಜೋಹಾನ್ಸ್ಬರ್ಗ್ ದೊಡ್ಡ ನಗರವಾಗಿ ಬೆಳೆದಿತು.
ಜೋಹಾನ್ಸ್ಬರ್ಗ್ ಪ್ರದೇಶದಲ್ಲಿ ವಿಶ್ವದ ಅತ್ಯಂತ ಆಳವಾದ ಚಿನ್ನದ ಗಣಿಗಳೂ ಇವೆ. ಅವುಗಳಲ್ಲಿ ಪ್ರಸಿದ್ಧವಾದುದು ಎಂಪೋನೆಂಗ್ ಚಿನ್ನದ ಗಣಿ.ಈ ಗಣಿ ಭೂಗರ್ಭದಲ್ಲಿ ಸುಮಾರು 4 ಕಿಲೋಮೀಟರ್ ಆಳದವರೆಗೆ ವಿಸ್ತರಿಸಿದೆ. ಈ ನಗರವನ್ನು ಸ್ಥಳೀಯವಾಗಿ “ಇಗೋಲಿ” ಎಂದು ಕರೆಯುತ್ತಾರೆ. ಇದರ ಅರ್ಥ “ಚಿನ್ನದ ನಗರ”.
