ಕರೋನ ಲಸಿಕೆ ಬಗ್ಗೆ ದೆಹಲಿಯಲ್ಲಿ ದೊಡ್ಡ ಘೋಷಣೆ ಮಾಡಲಾಗಿದೆ. ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಕರೋನ ವ್ಯಾಕ್ಸಿನೇಷನ್ ಬಗ್ಗೆ ಹೊಸ ಅಭಿಯಾನವನ್ನು ಘೋಷಿಸಿದ್ದು ಚುನಾವಣೆಯ ಪ್ರತಿ ಮತಗಟ್ಟೆಯಲ್ಲಿ ಮತ ಚಲಾಯಿಸಿದಂತೆಯೇ, ಪ್ರತಿ ಮತದಾನ ಕೇಂದ್ರದಲ್ಲೂ ಲಸಿಕೆ ಅಳವಡಿಸಲಾಗುವುದು ಎಂದು ಹೇಳಿದ್ದಾರೆ.
ಅರವಿಂದ್ ಕೇಜ್ರಿವಾಲ್ ಇಂದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, “ದೆಹಲಿಯಲ್ಲಿ ಬೂತ್ ಮಟ್ಟದಲ್ಲಿ ಲಸಿಕೆ ಪರಿಚಯಿಸುವ ಯೋಜನೆ ಇದೆ. “ವೇರ್ ವೋಟ್, ದೇರ್ ವ್ಯಾಕ್ಸಿನೇಷನ್” ಅಭಿಯಾನವು ಇಂದಿನಿಂದ ಪ್ರಾರಂಭವಾಗುತ್ತಿದೆ. ನೀವು ಎಲ್ಲಿ ಮತ ಚಲಾಯಿಸಿದಿರೊ ಅಲ್ಲಿಗೆ ಹೋಗಿ ಲಸಿಕೆ ಪಡೆಯಿರಿ ಎಂದು ಜನರಿಗೆ ಕರೆ ಕೊಟ್ಟಿದ್ದಾರೆ.”
ಜೂನ್ 7 ರಿಂದ ದೆಹಲಿಯ 70 ವಾರ್ಡ್ಗಳಲ್ಲಿವೂ ಈ ಅಭಿಯಾನವನ್ನು ಪ್ರಾರಂಭಿಸಲಾಗಿದೆ ಎಂದು ಕೇಜ್ರಿವಾಲ್ ಹೇಳಿದ್ದಾರೆ.
ಪತ್ರಿಕಾಗೋಷ್ಠಿಯಲ್ಲಿ ಸಿಎಂ ಕೇಜ್ರಿವಾಲ್ ಅವರು ಲಸಿಕೆ ಕೊರತೆ ಇಲ್ಲದಿದ್ದರೆ, ಈ ಅಭಿಯಾನದಡಿಯಲ್ಲಿ ದೆಹಲಿಯ 45+ ವಯಸ್ಸಿನ ಎಲ್ಲ ಜನರಿಗೆ 4 ವಾರಗಳಲ್ಲಿ ಲಸಿಕೆ ನೀಡಲಾಗುವುದು ಎಂದು ಇದೆ ಸಂದರ್ಭದಲ್ಲಿ ಹೇಳಿದ್ದಾರೆ.
45 ವರ್ಷಕ್ಕಿಂತ ಮೇಲ್ಪಟ್ಟ 27 ಲಕ್ಷ ಜನರಿಗೆ ಲಸಿಕೆ ಸಿಕ್ಕಿದೆ
27 ಲಕ್ಷ ಜನರಿಗೆ ಮೊದಲ ಡೋಸ್ ಪಡೆದಿದ್ದಾರೆ ಮತ್ತು ಅದೇ ವಯಸ್ಸಿನ 30 ಲಕ್ಷ ಜನರಿಗೆ ಲಸಿಕೆ ನೀಡಬೇಕಾಗಿದೆ. ಹಾಗಾಗಿ ಮತ ಚಲಾಯಿಸಲು ನೀವು ಎಲ್ಲಿಗೆ ಹೋಗಿದ್ದೀರಿ ಅಲ್ಲಿಗೆ ಹೋಗಿ ಲಸಿಕೆ ಪಡೆಯಿರಿ ಎಂದು ಕೇಜ್ರಿವಾಲ್ ಹೇಳಿದ್ದಾರೆ.
ಮನೆ ಮನೆಗೆ ತೆರಳಿ ಜನರಿಗೆ ಅರಿವು ಮೂಡಿಸಿ, ಲಸಿಕೆ ಹಾಕುವ ಅಭಿಯಾನ
ಯೋಜನೆಯನ್ನು ವಿವರಿಸಿದ ಸಿಎಂ ಅರವಿಂದ್ ಕೇಜ್ರಿವಾಲ್ ಅವರು, ದೆಹಲಿಯಲ್ಲಿ 280 ವಾರ್ಡ್ಗಳಿವೆ ಎಂದು ಭಾವಿಸೋಣ, ಈ ಅಭಿಯಾನವನ್ನು ಪ್ರತಿ ವಾರ 70-70 ವಾರ್ಡ್ಗಳಲ್ಲಿ ನಡೆಸಲಾಗುವುದು. ಬೂತ್ ಮಟ್ಟದ ತಂಡವು ನಿಮ್ಮ ಮನೆಗೆ ತಲುಪುತ್ತದೆ ಮತ್ತು ಜನರನ್ನು ಲಸಿಕೆ ಪಡೆದಿದ್ದೀರ ಎಂದು ಕೇಳುತ್ತದೆ ಮತ್ತು ಆ ಸಮಯದಲ್ಲಿ ಲಸಿಕೆಯನ್ನು ಪಡೆಯಲು ಅವರಿಗೆ ಸ್ಲಾಟ್ಗಳನ್ನು ನೀಡುತ್ತದೆ. ಈ ತಂಡ ನಿಮ್ಮ ಮನೆಗೆ ಬಂದರೆ ಅವರನ್ನು ಸ್ವಾಗತಿಸಿ ಎಂದು ಸಿಎಂ ಕೇಜ್ರಿವಾಲ್ ಹೇಳಿದರು. ಕರೋನಾವನ್ನು ತೊಡೆದುಹಾಕಲು, ಲಸಿಕೆಯನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಮಾಡಿ ಎಂದು ಕರೆಕೊಟ್ಟಿದ್ದಾರೆ.
