ಇನ್ಮೇಲೆ ವೀಕೆಂಡ್‌ ಟೈಮ್‌ನಲ್ಲಿ ಯಾವುದೇ ಪ್ಲ್ಯಾನ್‌ ಇಟ್ಟುಕೊಳ್ಬೇಡಿ.. ಜಸ್ಟ್‌ ವೀಕೆಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮ ನೋಡಿ.. ಎಂಜಾಯ್‌ ಮಾಡಿ.. ಹೌದು.. ಕನ್ನಡ ಕಿರುತೆರೆಯ ನಂಬರ್‌ ಒನ್‌ ರಿಯಾಲಿಟಿ ಶೋ, ವೀಕೆಂಡ್‌ ವಿತ್‌ ರಮೇಶ್‌ನ 5ನೇ ಸೀಸನ್‌ ಯಾವಾಗ ಆರಂಭವಾಗುತ್ತೆ ಅಂತ ಪ್ರೇಕ್ಷಕರು ಕಾದುಕುಳಿತ್ತಿದ್ದಾರೆ. ಇತ್ತೀಚೆಗೆ ಕಾರ್ಯಕ್ರಮದ ಪ್ರೋಮೋ ಹಂಚಿಕೊಂಡಿದ್ದ ಜೀ ಕನ್ನಡ ವಾಹಿನಿ, ಇದೀಗ ಕಾರ್ಯಕ್ರಮದ ಪ್ರಸಾರದ ದಿನಾಂಕವನ್ನ ಘೋಷಣೆ ಮಾಡಿದೆ. ಇದೇ ಮಾರ್ಚ್‌ 25ರಿಂದ ಶನಿವಾರ ಮತ್ತು ಭಾನುವಾರ ರಾತ್ರಿ 9ಕ್ಕೆ ವೀಕೆಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮ ಪ್ರಸಾರವಾಗಲಿದೆ. ಈ ಕಾರ್ಯಕ್ರಮವನ್ನ ಎಂದಿನಂತೆ ಸ್ಯಾಂಡಲ್‌ವುಡ್‌ ನಟ ರಮೇಶ್‌ ಅರವಿಂದ್‌ ನಡೆಸಿಕೊಡಲಿದ್ದಾರೆ.
ಸಾಧಕರ ಸಾಧನೆಯನ್ನು ಗುರುತಿಸಿ ಗೌರವಿಸುವ ವೀಕೆಂಡ್‌ ವಿತ್‌ ರಮೇಶ್‌ ಶೋನಲ್ಲಿ ಈ ಬಾರಿ ಸಿನಿಮಾ ಮಾತ್ರವಲ್ಲದೇ, ಸಾಮಾನ್ಯರಾಗಿದ್ದು ಜನಸೇವೆ ಮಾಡಿದವರು ಸಹ ಅತಿಥಿಗಳಾಗಿ ಬರಲಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ. ಇನ್ನು ನಟ ರಿಷಬ್‌ ಶೆಟ್ಟಿ, ಡಾಲಿ ಧನಂಜಯ್, ನಟಿ ರಮ್ಯಾ, ರಚಿತಾ ರಾಮ್‌, ಮಾಲಾಶ್ರೀ ಸೇರಿ ಇನ್ನೂ ಕೆಲವರನ್ನ ಈ ಬಾರಿ ವೀಕೆಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮಕ್ಕೆ ಕರೆತರಬೇಕೆಂಬ ಒತ್ತಾಯ, ಸೋಶಿಯಲ್‌ ಮೀಡಿಯಾದಲ್ಲಿ ಕೇಳಿಬರ್ತಿದೆ. ಇವರಲ್ಲಿ ಎಷ್ಟು ಮಂದಿ, ಸಾಧಕರ ಕುರ್ಚಿ ಏರ್ತಾರೆ ಅಂತ ಕಾದು ನೋಡ್ಬೇಕಿದೆ.
