ಕಲೆಗೆ ಯಾವುದೇ ಸೀಮೆಯಿಲ್ಲ ಅನ್ನೋದು ಎಲ್ಲರಿಗೂ ತಿಳಿದಿರುವ ವಿಚಾರ. ವಿಶ್ವದ ದಿಗ್ಗಜರನ್ನು ಮಗುವಿನಂತೆ ಚಿತ್ರಿಸಿ ಮಜಾ ನೋಡುವುದರಿಂದ ಹಿಡಿದು ಪುರುಷ ಕ್ರಿಕೆಟಿಗರನ್ನು ಮಹಿಳೆಯರಂತೆ ಚಿತ್ರಿಸಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಮಾಡಿದ್ದನ್ನೂ ಕಂಡಿದ್ದೇವೆ.
![](https://pratidhvani.com/wp-content/uploads/2023/06/Virat-Kohli-as-Police-Officer.jpg)
ಇದೀಗ ಸಾಹೀದ್ ಎಂಬ ಕಲಾವಿದ ಭಾರತೀಯ ಕ್ರಿಕೆಟಿಗ ವಿರಾಟ್ ಕೊಹ್ಲಿಯನ್ನು ವಿಭಿನ್ನ ಅವತಾರದಲ್ಲಿ ಪ್ರದರ್ಶಿಸುವ ಪ್ರಯತ್ನ ಮಾಡಿದ್ದು ನೆಟ್ಟಿಗರು ಭಲೇ ಎಂದಿದ್ದಾರೆ. ಸಾಹೀದ್ ವಿರಾಟ್ ಕೊಹ್ಲಿಯನ್ನು ರಾಜನಾಗಿ, ಫುಟ್ಬಾಲ್ ಆಟಗಾರನಾಗಿ, ಗಿಟಾರ್ ವಾದಕನಾಗಿ, ಅಷ್ಟೇ ಏಕೆ ವೈದ್ಯ, ಸೈನಿಕ, ಹಣ್ಣು ಮಾರಾಟಗಾರ, ಗಗನಯಾತ್ರಿ ಹೀಗೆ ನಾನಾ ರೂಪದಲ್ಲಿ ಬಿಂಬಿಸಿದ್ದಾರೆ.
ಈ ಚಿತ್ರಗಳ ಸರಣಿಗೆ ವಿರಾಟ್ ಕೊಹ್ಲಿ ಅಕ್ರಾಸ್ ಮಲ್ಟಿವರ್ಸ್ ಎಂದು ಹೆಸರಿಡಲಾಗಿದೆ. ಈ ಫೋಟೋಗಳು ಇದೀಗ ವೈರಲ್ ಆಗಿದ್ದು ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆಯುತ್ತಿದೆ.