ಮುಂಬೈನಲ್ಲಿರುವ ಟಾಟಾ ಇನ್ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರಿಸರ್ಚ್ ಸಂಸ್ಥೆಯು (Tata Institute of Fundamental Research) ತನ್ನ ಸಿಬ್ಬಂದಿ ಮತ್ತು ಅವರ ಕುಟುಂಬ ಸದಸ್ಯರಿಗೆ ಯಾವುದೇ ರೀತಿಯ “ಸರ್ಕಾರಿ ವಿರೋಧಿ ವಿಷಯ” ಅಥವಾ ಇನ್‌ಸ್ಟಿಟ್ಯೂಟ್‌ನ ಫೋಟೋಗಳು ಹಾಗೂ ವೀಡಿಯೊಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ಮಾ ಡದಂತೆ ಕೇಳಿಕೊಂಡಿದೆ.
ಏಪ್ರಿಲ್ 13 ರಂದು ಇನ್ಸ್ಟಿಟ್ಯೂಟ್ ನ ರಿಜಿಸ್ಟ್ರಾರ್, ನಿವೃತ್ತ ವಿಂಗ್ ಕಮಾಂಡರ್ ಜಾರ್ಜ್ ಆಂಟೋನಿ ಅವರು ಈ ಬಗ್ಗೆ ಪತ್ರ ಬರೆದಿದ್ದು, ʼಕೆಲವು ಅತೃಪ್ತ ಉದ್ಯೋಗಿಗಳುʼ ಸಾಮಾಜಿಕ ಮಾಧ್ಯಮದಲ್ಲಿ ʼಸರ್ಕಾರಿ ವಿರೋಧಿ ವಿಷಯವನ್ನುʼ ಹಂಚಿಕೊಳ್ಳುತ್ತಿರುವುದನ್ನು ಕೇಂದ್ರ ಏಜೆನ್ಸಿಗಳು ಮತ್ತು ಅಣುಶಕ್ತಿ ಇಲಾಖೆ ಗಮನಿಸಿದೆ ಎಂದು ಬರೆದಿದ್ದಾರೆ.
ಉದ್ಯೋಗಿಗಳು ಮತ್ತು ಅವರ ಕುಟುಂಬ ಸದಸ್ಯರು ಅಣುಶಕ್ತಿ ಇಲಾಖೆ ಕಚೇರಿಗಳು ಮತ್ತು ಸೌಲಭ್ಯಗಳ ಫೋಟೋಗಳು ಹಾಗೂ ವೀಡಿಯೊಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡುತ್ತಿದ್ದಾರೆ ಎಂದು ಅದು ಗಮನಿಸಿದೆ. ʼಈ ಚಟುವಟಿಕೆಗಳನ್ನು ಏಜೆನ್ಸಿಗಳು ಮತ್ತು ಇಲಾಖೆಯು ಎಚ್ಚರಿಸಿವೆʼ ಎಂದು ಪತ್ರದಲ್ಲಿ ಹೇಳಲಾಗಿದೆ.
ಇನ್ಸ್ಟಿಟ್ಯೂಟ್, ಅದರ ಕೇಂದ್ರಗಳು, ಫೀಲ್ಡ್ ಸ್ಟೇಷನ್‌ಗಳು, ವಸತಿ ಕಾಲೊನಿ ʼಅಥವಾ ಯಾವುದೇ ಇತರ ಸರ್ಕಾರಿ ಆಸ್ತಿʼಯ ಫೋಟೋಗಳು ಅಥವಾ ವೀಡಿಯೊಗಳನ್ನು ಹಂಚಿಕೊಳ್ಳದಂತೆ ಸಿಬ್ಬಂದಿ ಮತ್ತು ಕುಟುಂಬ ಸದಸ್ಯರನ್ನು ಸಂಸ್ಥೆ ಕೇಳಿದೆ, ಇದು ʼಗಂಭೀರ ಭದ್ರತಾ ಲೋಪಗಳಿಗೆʼ ಕಾರಣವಾಗಬಹುದು ಎಂದು ಪತ್ರ ಹೇಳಿದೆ.
ಇದಲ್ಲದೆ, ʼಸರ್ಕಾರಿ-ವಿರೋಧಿʼ ವಿಷಯವನ್ನು ಹಂಚಿಕೊಳ್ಳುವುದನ್ನು ಪತ್ರವು ನಿಷೇಧಿಸಿದ್ದು: ʼಸಿಬ್ಬಂದಿ ಸದಸ್ಯರಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಯಾವುದೇ ಸರ್ಕಾರಿ ವಿರೋಧಿ ವಿಷಯವನ್ನು ಅಪ್‌ಲೋಡ್ ಮಾಡುವುದನ್ನು ತಡೆಯಲು ಮತ್ತಷ್ಟು ತಿಳಿಸಲಾಗಿದೆ.ʼ ಎಂದು ಪತ್ರದಲ್ಲಿ ಹೇಳಲಾಗಿದೆ.
ಈ ನಿರ್ಬಂಧಗಳು ಸಿಬ್ಬಂದಿಯ ಕುಟುಂಬ ಸದಸ್ಯರಿಗೂ ಅನ್ವಯಿಸುತ್ತವೆ. ʼಕುಟುಂಬದ ಸದಸ್ಯರು ಕೂಡ ಅದೇ ಬಗ್ಗೆ ಮೌಲ್ಯಮಾಪನ ಮಾಡಬೇಕುʼ ಎಂದು ಪತ್ರದಲ್ಲಿ ತಿಳಿಸಲಾಗಿದೆ.
ಟಾಟಾ ಇನ್ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರಿಸರ್ಚ್ ಸಂಸ್ಥೆಯು ನೈಸರ್ಗಿಕ ವಿಜ್ಞಾನ, ಕಂಪ್ಯೂಟರ್ವಿ ಜ್ಞಾನ, ಜೀವಶಾಸ್ತ್ರ ಮತ್ತು ಗಣಿತಶಾಸ್ತ್ರದಲ್ಲಿ ಸಂಶೋಧನೆಗೆ ಮೀಸಲಾಗಿರುವ ದೇಶದ ಉನ್ನತ ವಿಶ್ವವಿದ್ಯಾಲಯಗಳಲ್ಲಿ ಒಂದಾಗಿದೆ. ಇದು ಕೇಂದ್ರ ಸರ್ಕಾರದ ಪರಮಾಣು ಶಕ್ತಿ ಇಲಾಖೆಯ ಅಡಿಯಲ್ಲಿ ಕಾರ್ಯ ನಿರ್ವಹಿಸುತ್ತದೆ. ಇದನ್ನು ಸರ್ ದೊರಾಬ್ಜಿ ಟಾಟಾ ಟ್ರಸ್ಟ್‌ನ ಬೆಂಬಲದೊಂದಿಗೆ 1945 ರಲ್ಲಿ ಹೋಮಿ ಭಾಭಾ ಅಡಿಯಲ್ಲಿ ಸ್ಥಾಪಿಸಲಾಯಿತು.
