ಕೊನೆಗೂ ಕನ್ನಡಿಗರ (Kannadigas) ಆಕ್ರೋಶಕ್ಕೆ ಫೋನ್ ಪೇ (Phone pe) ಸಿ ಇ ಓ ಸಮೀರ್ ನಿಗಮ್ (Sameer nigam) ಮಣಿದಿದ್ದಾರೆ .ಬೆಂಗಳೂರಿನಲ್ಲಿ (Bangalore) ಕನ್ನಡಿಗರಿಗೆ ಖಾಸಗಿ ವಲಯದಲ್ಲಿ ಉದ್ಯೋಗ ಮೀಸಲಾತಿ ಸಂಬಂಧಪಟ್ಟಂತೆ ತಾವು ನೀಡಿದ್ದ ಹೇಳಿಕೆಯನ್ನು ಹಿಂಪಡೆದಿದ್ದಾರೆ. ಆ ಮೂಲಕ ಕನ್ನಡಿಗರ ಕ್ಷಮೆ ಕೋರಿದ್ದಾರೆ.
![](https://pratidhvani.com/wp-content/uploads/2024/07/IMG_8899.jpeg)
ಕರ್ನಾಟಕದಲ್ಲಿ (Karnataka) ಖಾಸಗಿ ವಲಯದಲ್ಲಿ ಕನ್ನಡಿಗರಿಗೆ ಶೇಕಡ 70ರಷ್ಟು ಉದ್ಯೋಗ ಮೀಸಲಾತಿ ನಿರ್ಧಾರವನ್ನು ಸರ್ಕಾರ ಪ್ರಕಟ ಮಾಡುತ್ತಿದ್ದಂತೆ ಹಲವು ಉದ್ಯಮಿಗಳು ಈ ಬಗ್ಗೆ ವಿರೋಧ ವ್ಯಕ್ತಪಡಿಸಿದ್ದರು.ಆ ಪೈಕಿ ಸಿಇಒ ಸಮೀರ್ ನಿಗಮ್ (CEO Sameer nigam) ಕೂಡ ಇದೇ ರೀತಿ ವಿರೋಧದ ಮಾತುಗಳನ್ನಾಡಿದ್ದರು.
![](https://pratidhvani.com/wp-content/uploads/2024/07/IMG_8902-1.jpeg)
ತಾವು ಕರ್ನಾಟಕ ಮತ್ತು ಬೆಂಗಳೂರು ಹಾಗೂ ಕನ್ನಡಿಗರನ್ನು ಅಪಾರವಾಗಿ ಗೌರವಿಸುತ್ತೇವೆ. ನಮ್ಮ ಹೇಳಿಕೆಯ ಅರ್ಥ ಬೇರೆಯೇ ಆಗಿತ್ತು. ಆದರೆ ಒಂದು ವೇಳೆ ನನ್ನ ಹೇಳಿಕೆಯಿಂದ ಕನ್ನಡಿಗರಿಗೆ ನೋವಾಗಿದ್ದರೆ ಆ ಹೇಳಿಕೆಯನ್ನು ಹಿಂಪಡೆಯುತ್ತೇನೆ ಎಂದು ತಮ್ಮ ಎಕ್ಸ್ ಪೋಸ್ಟ್ ನಲ್ಲಿ ಬರೆದುಕೊಂಡಿದ್ದಾರೆ.
ಫೋನ್ ಪೇ ಆಪ್ ಅನ್ ಇನ್ಸ್ಟಾಲ್ (Uninstall) ಮಾಡುವ ಅಭಿಯಾನ ಕರ್ನಾಟಕದಲ್ಲಿ ಆರಂಭವಾಗಿತ್ತು ಈ ಮೂಲಕ ಫೋನ್ ಪೇ ಸಿ ಇ ಓ ಹೇಳಿಕೆಗೆ ಕನ್ನಡಿಗರು ಆಕ್ರೋಶ ವ್ಯಕ್ತಪಡಿಸಲು ಮುಂದಾಗಿದ್ದರು ಇದರಿಂದ ಎಚ್ಚೆತ್ತುಕೊಂಡ ಕಂಪನಿ ಇದೀಗ ಕನ್ನಡಿಗರ ಕ್ಷಮೆ ಯಾಚಿಸಿದೆ.