ಬಾಹ್ಯಾಕಾಶದಲ್ಲಿ ಸಿಲುಕಿದ್ರೂ ಹಬ್ಬ ಮರೆತಿಲ್ಲ – ದೀಪಾವಳಿಯ ಶುಭ ಕೋರಿದ ಸುನಿತಾ ವಿಲಿಯಮ್ಸ್ !

ಭಾರತೀಯ (India) ಮೂಲದ ಗಗನಯಾನಿ ಸುನಿತಾ ವಿಲಿಯಮ್ಸ್ (Sunitha Williams) ಕಳೆದ 4 ತಿಂಗಳಿಂದ ಬಾಹ್ಯಾಕಾಶದಲ್ಲೇ ಸಿಲುಕಿದ್ದು, ಇದೀಗ ಭಾರತೀಯರಿಗೆ ಸಂತಸದ ಸಂದೇಶ ಒಂದನ್ನು ಕಳುಹಿಸಿದ್ದಾರೆ. ಈ ಬಾರಿಯ ದೀಪಾವಳಿಯನ್ನು ಬಾಹ್ಯಾಕಾಶದಿಂದ ನೋಡುವ ಅವಕಾಶ ಸಿಕ್ಕಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ.

ADVERTISEMENT

ಬಾಹ್ಯಾಕಾಶದಲ್ಲಿ ಸಿಲುಕಿ ಬಹುತೇಕ 125 ದಿನಗಳ ಬಳಿಕ ಇದೀಗ ಸುನೀತಾ ವಿಲಿಯಮ್ಸ್ ವಿಡಿಯೋ ಸಂದೇಶ ಕಳುಹಿಸಿದ್ದು, ಈ ವಿಡಿಯೋದಲ್ಲಿ ಭಾರತೀಯರಿಗೆ ದೀಪಾವಳಿ ಹಬ್ಬದ ಶುಭಾಶಯವನ್ನು (Deepavali wishes) ತಿಳಿಸಿದ್ದಾರೆ.

ಇದೇವೇಳೆ ಭಾರತೀಯ ಸಂಸ್ಕೃತಿ (Indian culture) ಹಾಗೂ ಹಬ್ಬದ ಮಹತ್ವದ ಬಗ್ಗೆ ನೆನಪಿಸಿಕೊಂಡಿರುವ ಸುನೀತಾ ವಿಲಿಯಮ್ಸ್, ವೈಟ್ ಹೌಸ್ (White house) ಹಾಗೂ ಭಾರತೀಯರು ಮತ್ತು ವಿಶ್ವದಾದ್ಯಂತ ದೀಪಾವಳಿ ಆಚರಿಸುವ ಸರ್ವರಿಗೂ ಹಬ್ಬ ಶುಭಾಶಯ ಎಂದು ಕೋರಿದ್ದಾರೆ. 2025ರ ಫೆಬ್ರವರಿಯಲ್ಲಿ ಸುನೀತಾ ಭೂಮಿಗೆ ಮರಳುವ ನಿರೀಕ್ಷೆಯಿದೆ.