ಬಿಗ್ ಬಾಸ್ ಕನ್ನಡ ಸೀಸನ್ 1 ರಿಂದ ಬಿಗ್‌ಬಾಸ್ ಸೀಸನ್ 11ಕ್ಕೆ (Bigboss season 11) ಕಾಲಿಟ್ಟಿದೆ. ಬಿಗ್‌ಬಾಸ್ ಸೀಸನ್ 11 ಗೆ ಮಾತ್ರ ಈ ಹಿಂದಿನ ಎಲ್ಲಾ ಸೀಸನ್ ಗಳಿಗಿಂತಲೂ ಆರಂಭದಲ್ಲೆ ಭರ್ಜರಿ ರೆಸ್ಪಾನ್ಸ್ ಸಿಗ್ತಿದೆ. ಆದ್ರೆ ಈ ಮಧ್ಯೆ ಕಿಚ್ಚ ಅಭಿಮಾನಿಗಳಿಗೆ ಧಿಡೀರ್ ಶಾಕ್ ಕೊಟ್ಟಿದ್ದಾರೆ. ಈ ಮಧ್ಯೆ ಇದು ಸುದೀಪ್ (Kichha sudeep) ಸ್ವ ಇಚ್ಛೆಯ ನಿರ್ಧಾರನಾ ಅಥವಾ ಹೇಗೆ ಡಂಬ ಚರ್ಚೆಗಳು ಗರಿಗೆದರಿವೆ.
ಕಿಚ್ಚ ಸುದೀಪ್ 10 ವರ್ಷಗಳನ್ನ ಸತತವಾಗಿ ಪೂರೈಸಿ ಬಿಗ್‌ಬಾಸ್ 11ಕ್ಕೂ ತಮ್ಮ ಅದ್ಭುತ ನಿರೂಪಣೆಯನ್ನು ಮುಂದುವರೆಸಿದ್ರು. ಈ ಬಾರಿ ಕಿಚ್ಚನ ಬದಲು ಬೇರೆಯವರು ಶೋ ಹೋಸ್ಟ್ ಮಾಡಲಿದ್ದಾರೆ ಎಂಬ ವದಂತಿಗಳತ್ತಾದ್ರೂ, ಅದೆಲ್ಲವೂ ಸುಳ್ಳಾಗಿತ್ತು. ಹೀಗಾಗಿ ಈ ಸೀಸನ್ ಗೆ ಕೊನೆ ಮಾಡಬೇಕು ಎಂಬ ಯೋಚನೆ ಕಿಚ್ಚನ ತಲೆಯಲ್ಲಿ ಬಂತಾ ? ಗೊತ್ತಿಲ್ಲ. ಬಟ್ ಈಗ ಖುದ್ದು ಕಿಚ್ಚ ಈ ಬಗ್ಗೆ ಕ್ಲಾರಿಟಿ ಕೊಟ್ಟಿದ್ದಾರೆ.
ಈ ಮುಂದಿನ ಯಾವುದೇ ಬಿಗ್ ಬಾಸ್ ಸೀಸನ್ ಗಳನ್ನ (Bigboss season) ಕಿಚ್ಚ ಸುದೀಪ್ ನಿರೂಪಣೆ ಮಾಡಲ್ಲ. ಸ್ವತಃ ತಮ್ಮ ಎಕ್ಸ್ ಖಾತೆಯಲ್ಲಿ ಬಿಗ್‌ಬಾಸ್ 11ನೇ ಸೀಸನ್ ನನ್ನ ಕೊನೆಯ ಸೀಸನ್ ಆಗಿರುತ್ತೆ ಅಂತಾ ಅಂತ ಟ್ವಿಟ್ ಮಾಡಿದ್ದಾರೆ. ನನ್ನ ನಿರ್ಧಾರವನ್ನ ಚಾನಲ್ ಮತ್ತು ಇಷ್ಟು ವರ್ಷ ಬಿಗ್ ಬಾಸ್ ವೀಕ್ಷಿಸಿದ ಜನರು ಗೌರವಿಸುತ್ತಾರೆ ಎಂದು ಭಾವಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
