ಟಾಲಿವುಡ್‌ನ ಸ್ಟಾರ್ ನಟರಾದ ರಾಮ್‌ಚರಣ್‌ ಹಾಗೂ ಜ್ಯೂನಿಯರ್‌ ಎನ್‌ಟಿಆರ್‌ ನಟನೆಯ ʻಆರ್‌ಆರ್‌ಆರ್‌ʼ ಸಿನಿಮಾದ ಬಗ್ಗೆ ಎಲ್ಲರೂ ಮಾತ್ನಾಡ್ತಿದ್ದಾರೆ. ರಾಜಮೌಳಿ ನಿರ್ದೇಶನದ ಈ ಸಿನಿಮಾ, ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡ್ತಿದೆ. ಸೌತ್‌ ಇಂಡಿಯಾ ಸಿನಿಮಾಗಳತ್ತ ಹಾಲಿವುಡ್‌ ಮಂದಿ ತಿರುಗಿ ನೋಡುವಂತಾಗಿದೆ. ಇದಕ್ಕೆಲ್ಲ ಕಾರಣ ಆಗಿರೋದು ʻಆರ್‌ಆರ್‌ಆರ್‌ʼ ಸಿನಿಮಾದ ʻನಾಟು ನಾಟುʼ ಸಾಂಗ್‌ಮೊನ್ನೆಯಷ್ಟೇ ನಡೆದ ಅಕಾಡೆಮಿ ಅವಾರ್ಡ್ಸ್‌ ಕಾರ್ಯಕ್ರಮದಲ್ಲಿ ಈ ಹಾಡಿಗೆ ʻಬೆಸ್ಟ್‌ ಒರಿಜಿನಲ್‌ ಸಾಂಗ್ʼ ವಿಭಾಗದಲ್ಲಿ ಆಸ್ಕರ್‌ ಪ್ರಶಸ್ತಿ ಒಲಿದು ಬಂದಿದೆ. ಈ ಹಿನ್ನೆಲೆ, ಚಿತ್ರರಂಗದ ಅನೇಕ ಕಲಾವಿದರು ʻಆರ್‌ಆರ್‌ಆರ್‌ʼ ಚಿತ್ರತಂಡಕ್ಕೆ ಶುಭಕೋರಿದ್ದಾರೆ. `ಆರ್‌ಆರ್‌ಆರ್‌’ ಸಿನಿಮಾ ಬಿಡುಗಡೆಯಾದಾಗ, ತೆಲಂಗಾಣದ ಬಿಜೆಪಿ ಅಧಕ್ಷ್ಯ ಬಂಡಿ ಸಂಜಯ್ ಕುಮಾರ್‌, ಚಿತ್ರವನ್ನ ಬ್ಯಾನ್‌ ಮಾಡ್ಬೇಕು, ಇಲ್ಲವಾದ್ರೆ ಥಿಯೇಟರ್‌ಗಳನ್ನ ಧ್ವಂಸ ಮಾಡ್ತೀವಿ ಅಂತ ಹೇಳಿದ್ರು. ಆದ್ರೀಗ ʻಆರ್‌ಆರ್‌ಆರ್‌ʼ ಸಿನಿಮಾದ ಹಾಡಿಗೆ ಆಸ್ಕರ್‌ ಪ್ರಶಸ್ತಿ ಬಂದಿದಕ್ಕೆ ಸಂಜಯ್ ಕುಮಾರ್‌ ಚಿತ್ರತಂಡಕ್ಕೆ ಶುಭಕೋರಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಬಹುಭಾಷಾ ನಟ ಪ್ರಕಾಶ್‌ರಾಜ್‌, ʻವಿಶ್ವಗುರುವಿನ ಶಿಷ್ಯರು ಆರ್‌ಆರ್‌ಆರ್‌ ಸಿನಿಮಾನ ಬ್ಯಾನ್‌ ಮಾಡಿ.. ಇಲ್ಲದಿದ್ರೆ ಚಿತ್ರಮಂದಿರಗಳನ್ನ ಕೆಡುವುತೀವಿ ಅಂದಿದ್ರು. ಎಲ್‌ ಮಕಾಡೆ ಮಲ್ಕೊಂಡವ್ರೆ ನೋಡ್ರಪ್ಪಾʼ ಅಂತ ಟ್ವೀಟ್‌ ಮೂಲಕ ಟಾಂಗ್ ಕೊಟ್ಟಿದ್ದಾರೆ
