ಅತ್ತೆಯೊಂದಿಗೆ ದೈಹಿಕ ಸಂಬಂಧ ಹೊಂದಲು ಒತ್ತಾಯಿಸಿದ ಆರೋಪ ; ಐವರ ಬಂಧನ

ಆಗ್ರಾ ;ಉತ್ತರ ಪ್ರದೇಶದ ಆಗ್ರಾದಲ್ಲಿ ಮಹಿಳೆಯೊಬ್ಬಳು ತನ್ನ ಪತಿ ಮತ್ತು ಅತ್ತೆ-ಮಾವಂದಿರ ಮೇಲೆ ಚಿತ್ರಹಿಂಸೆ ಮತ್ತು ಕಿರುಕುಳದ ಆರೋಪ ಮಾಡಿದ್ದಾಳೆ, ಇದರಲ್ಲಿ ತನ್ನ ಅತ್ತೆ-ಮಾವನೊಂದಿಗೆ ದೈಹಿಕ ಸಂಬಂಧವನ್ನು ಹೊಂದಲು ಒತ್ತಾಯಿಸಲಾಗಿದೆ. ಈ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ಐವರನ್ನು ಬಂದಿಸಿದ್ದಾರೆ.

ಎಫ್ಐಆರ್ ಪ್ರಕಾರ, ಮಹಿಳೆ 2022 ರಲ್ಲಿ ಘಾಜಿಪುರ ಜಿಲ್ಲೆಯಲ್ಲಿ ಅಲೋಕ್ ಉಪಾಧ್ಯಾಯ ಅವರನ್ನು ವಿವಾಹವಾದರು. ಮದುವೆಯಾದ ಸ್ವಲ್ಪ ಸಮಯದ ನಂತರ ಮನೆಯವರಿಂದ ಕಿರುಕುಳ ಮತ್ತು ನಿಂದನೆ ಪ್ರಾರಂಭವಾಯಿತು.
ತನ್ನ ಅತ್ತೆ “ದೈಹಿಕ ಸಂಬಂಧ” ಕ್ಕಾಗಿ ತನ್ನ ಮೇಲೆ ಒತ್ತಡ ಹೇರಿದ್ದಾಳೆ ಎಂದು ಮಹಿಳೆ ಆರೋಪಿಸಿದ್ದಾಳೆ. ಆಕೆ ನಿರಾಕರಿಸಿದಾಗ, ಆಕೆಯ ಅತ್ತೆ ತನ್ನ ಮೇಲೆ ಬ್ಲೇಡ್ನಿಂದ ದಾಳಿ ಮಾಡಿ, ಆಕೆಯ ತೋಳಿನ ಮೇಲೆ ಗಾಯ ಮಾಡಿದ್ದಾಳೆ ಅದಕ್ಕೆ ಐದು ಹೊಲಿಗೆ ಹಾಕಿಸಲಾಯಿತು ಎಂದು ಆಕೆ ಹೇಳಿಕೊಂಡಿದ್ದಾಳೆ.
ಅತ್ತೆಯು ಆಕೆಯ ಬಟ್ಟೆಗಳನ್ನು ಕೂಡ ತೆಗೆದು ಇರಿಸಿದ್ದು , ಆಕೆಯನ್ನು ಒಂದು ಕೋಣೆಯಲ್ಲಿ ಬಂಧಿಸಿ ಒಂದು ತಿಂಗಳ ಕಾಲ ಅದೇ ಬಟ್ಟೆಗಳನ್ನು ಧರಿಸುವಂತೆ ಒತ್ತಾಯಿಸಿದ್ದಳು. ಅಲ್ಲದೆ ವರದಕ್ಷಿಣೆ ಮತ್ತು ದೈಹಿಕ ಕಿರುಕುಳಕ್ಕಾಗಿ ತಾನು ನಿರಂತರವಾಗಿ ಬೇಡಿಕೆಗಳನ್ನು ಎದುರಿಸುತ್ತಿದ್ದೆ ಎಂದು ಸಂತ್ರಸ್ಥೆ ಹೇಳಿಕೊಂಡಿದ್ದಾಳೆ.

2023ರಲ್ಲಿ ಮಹಿಳೆ ಗಂಡು ಮಗುವಿಗೆ ಜನ್ಮ ನೀಡಿದ ನಂತರ ಕಿರುಕುಳ ಹೆಚ್ಚಾಯಿತು ಎಂದು ವರದಿಯಾಗಿದೆ. ಪತಿ ಮಗುವಿನ ಹುಟ್ಟಿನ ಬಗ್ಗೆಯೇ ಪ್ರಶ್ನಿಸಿ ಆಕೆಯ ಮೇಲೆ ದೈಹಿಕವಾಗಿ ಹಲ್ಲೆ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ. ಥಳಿಸಿದ ನಂತರ, ಆಕೆಯನ್ನು ಮನೆಯಿಂದ ಹೊರಹಾಕಲಾಯಿತು. ನೆರೆಹೊರೆಯವರು ಮಧ್ಯಪ್ರವೇಶಿಸಿ ಆಕೆಗೆ ಮನೆಯೊಳಗೆ ಮರಳಲು ಅವಕಾಶ ಮಾಡಿಕೊಟ್ಟರು. ಕೆಲವು ದಿನಗಳ ನಂತರ, ಮಹಿಳೆಯ ತಂದೆ ಆಕೆಯನ್ನು ಭೇಟಿಯಾದರು ಮತ್ತು ಸಂತ್ರಸ್ಥೆ ಆಗ್ರಾದಲ್ಲಿರುವ ತನ್ನ ತಾಯಿಯ ಮನೆಗೆ ಮರಳಿದರು.
ಈ ತಿಂಗಳ ಆರಂಭದಲ್ಲಿ, ಮಹಿಳೆಯ ಅತ್ತೆ-ಮಾವ ಅವಳನ್ನು ಮತ್ತು ಅವಳ ತಂದೆಯನ್ನು ಸಂಪರ್ಕಿಸಿ ರಾಜಿ ಮಾಡಿಸಲು ಕೋರಿದರು. ಮಹಿಳೆ ಮತ್ತು ಆಕೆಯ ತಂದೆ ಮಾತುಕತೆಗಾಗಿ ಅತ್ತೆ-ಮಾವನ ಮನೆಗೆ ಮರಳಿದರು, ಆದರೆ ಭೇಟಿಯು ಜಗಳದಲ್ಲಿ ಕೊನೆಗೊಂಡಿತು, ಈ ಘಟನೆ ಜೂನ್ 7ರಂದು ಈ ಘಟನೆ ನಡೆದಿತ್ತು. ಮಹಿಳೆಯ ದೂರಿನ ಆಧಾರದ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.