ರಾಜಧಾನಿ ದೆಹಲಿ ಬಳಿಯ ನೋಯ್ಡಾದ ವಿವಾದಿತ ಸೂಪರ್ ಟೆಕ್ ಅವಳಿ ಕಟ್ಟಡ ಭಾನುವಾರ ಧ್ವಂಸಗೊಳಿಸಲು ಅಧಿಕಾರಿಗಳು ಸರ್ವ ಸಿದ್ಧತೆ ನಡೆಸಿದೆ.
100 ಅಡಿ ಎತ್ತರದ ಈ ಬೃಹತ್ ಐಷಾರಾಮಿ ಕಟ್ಟಡದಲ್ಲಿ ದುಬಾರಿ ಟಿವಿ, ಹಾಸಿಗೆ, ಕಪ್ ಬೋರ್ಡ್, ಬಟ್ಟೆ.. ಹೀಗೆ ಹಲವು ಸವಲತ್ತುಗಳನ್ನು ಈಗಾಗಲೇ ಅಳವಡಿಸಲಾಗಿದ್ದು, ಭಾನುವಾರ ಎಲ್ಲವೂ ಮಣ್ಣುಪಾಲಾಗಲಿದೆ. ಜನರು ಸೇರಿದಂತೆ ಇಲ್ಲಿದ್ದ ಬಹುತೇಕ ವಸ್ತುಗಳನ್ನು ತೆರವುಗೊಳಿಸಲಾಗುತ್ತಿದೆ.
ಸೂಪರ್ ಟೆಕ್ ಅವಳಿ ಕಟ್ಟಡದಲ್ಲಿ 39 ಅಂತಸ್ತಿನ ಅಪೆಕ್ಸ್ ಮತ್ತು 29 ಅಂತಸ್ತಿನ ಸಿಯಾನೆ ಎಂಬ ಹೆಸರಿನ ಎರಡು ಕಟ್ಟಡಗಳಿದ್ದು, 9 ಮೀಟರ್ ಅಂತರ ಹೊಂದಿದೆ. ಸುಪ್ರೀಂಕೋರ್ಟ್ ಆದೇಶದ ಮೇರೆಗೆ ಇಲ್ಲಿ ಯಾರಿಗೂ ವಸತಿ ನೀಡಲಾಗಿಲ್ಲ. ಆದರೂ ಇಲ್ಲಿ ಕಾರ್ಮಿಕರು ಸೇರಿದಂತೆ ಸುಮಾರು ೭೦೦೦ ಜನರು ವಾಸಿಸುತ್ತಿದ್ದಾರೆ.
ಈ ಕಟ್ಟಡ 40 ಅಂತಸ್ತುಗಳನ್ನು ಹೊಂದಿದ್ದು ಮೇಲಿನ ಕೆಲವು ಅಂತಸ್ತುಗಳನ್ನು ಕಾರ್ಮಿಕರನ್ನು ಬಳಸಿ ಕೆಡವಲಾಗಿದೆ.
ಆಗಸ್ಟ್ 28 ಭಾನುವಾರ ಬೆಳಿಗ್ಗೆ 7 ಗಂಟೆಯ ಒಳಗಾಗಿ ಇಲ್ಲಿ ವಾಸವಾಗಿರುವ ಪ್ರತಿಯೊಬ್ಬರು ಜಾಗ ತೆರವುಗೊಳಿಸಬೇಕಾಗಿದೆ. ಅಂದು ಮಧ್ಯಾಹ್ನ 2.30ರ ಸುಮಾರಿಗೆ ಈ ಕಟ್ಟಡ ನೆಲಕ್ಕುರುಳಲಿದೆ.
ಭಾರೀ ಚರ್ಚೆಗೀಡಾದ ಸೂಪರ್ ಟೆಕ್ ಕಟ್ಟಡ ಧ್ವಂಸಗೊಳಿಸಲು 3700 ಕೆಜಿ ಸ್ಫೋಟಕ ಬಳಸಲಾಗುತ್ತಿದೆ. ಸ್ಫೋಟದ ವೇಳೆ ಸುಮಾರು 20 ಸಾವಿರ ಸಂಪರ್ಕಗಳು ಮಾಡಲಾಗಿರುತ್ತದೆ.
ರಿಕ್ಟರ್ ಮಾಪಕದಲ್ಲಿ ೪ರಷ್ಟು ಪ್ರಮಾಣದಲ್ಲಿ ಭೂಕಂಪನ ಸಂಭವಿಸಿದರೆ ಆಗುವ ಪ್ರಭಾವಕ್ಕಿಂತ ಶೇ.1ರಷ್ಟು ಪ್ರಮಾಣದಲ್ಲಿ ಕಂಪಿಸಿದ ಅನುಭವ ಆಗಲಿದೆ. ಅಲ್ಲದೇ ಇದು 30 ಮೀಟರ್ ವರೆಗೂ ಮಾತ್ರ ಪ್ರಭಾವ ಬೀರಲಿದೆ.
ಕಟ್ಟಡ ನೆಲಕ್ಕುರುಳಿಸಲು ಅಮೆರಿಕ ಮೂಲದ ವಿಬ್ರೊಟೆಕ್ ಸಂಸ್ಥೆಗೆ ಗುತ್ತಿಗೆ ನೀಡಲಾಗಿದೆ. ಪ್ರತಿ ಸ್ಫೋಟ ಪ್ರತಿ ಸೆಕೆಂಡ್ ಗೆ 22ರಿಂದ 24 ಮಿ.ಮೀ. ಆಗಿರುತ್ತದೆ.
ನೀರಿನ ಸ್ಫೋಟದ ಮಾದರಿ ಈ ಕಟ್ಟಡ ಉರುಳಲಿದೆ. ಅಂದರೆ ಮೊದಲಿಗೆ ನೆಲಮಹಡಿ ಸ್ಫೋಟಗೊಳ್ಳಲಿದೆ. ಅದು ಕುಸಿದ ನಂತರ ಒಂದರ ಹಿಂದೆ ಒಂದು ಸ್ಫೋಟಗೊಂಡು ಅದೇ ಜಾಗದಲ್ಲಿ ಉರುಳಲಿದೆ. ಈ ಕಟ್ಟಡ ಧ್ವಂಸ ಅತ್ಯಂತ ಯಶಸ್ವಿಯಾಗಿ ನಡೆಯಲಿದ್ದು, ಎಲ್ಲರ ಹಾರೈಕೆ ಅಗತ್ಯ ಎಂದು ಸ್ಫೋಟದ ಉಸ್ತುವಾರಿ ಹೊತ್ತಿರುವ ಇಂಜಿನಿಯರ್ ತಿಳಿಸಿದ್ದಾರೆ.