ಜಗತ್ತಿನಾದ್ಯಂತ ಕೆಜಿಎಫ್-೨ ಬಿಡುಗಡೆ ಬೆನ್ನಲ್ಲೇ ಒಂದೊಂದಾಗಿ ದಾಖಲೆಗಳು ಉಡೀಸ್ ಆಗುತ್ತಿವೆ. ಅದರಲ್ಲೂ ಮೊದಲ ದಿನವೇ ಬಾಹುಬಲಿ ದಾಖಲೆಯನ್ನು ಕೆಜಿಎಫ್-೨ ಮುರಿದಿದೆ.
ಕೆಜಿಎಫ್-೨ಗೆ ಜಗತ್ತಿನಾದ್ಯಂತ ಕ್ರೇಜ್ ಇದ್ದು, ಮೊದಲ ದಿನವೇ ಹಿಂದಿಯಲ್ಲಿ ದಾಖಲೆ ಬುಕ್ಕಿಂಗ್ ಆಗಿದ್ದು, ಚಿತ್ರ ಬಿಡುಗಡೆ ಮುನ್ನವೇ ಬುಕ್ಕಿಂಗ್ ನಲ್ಲಿ ೩೮ ಕೋಟಿ ರೂ. ಬಾಚಿಕೊಂಡಿದೆ.
ಕೆಜಿಎಫ್-2 ಉತ್ತರ ಭಾರತದಲ್ಲೇ ಸುಮಾರು 3500 ಥಿಯೇಟರ್ ಗಳಲ್ಲಿ ಬಿಡುಗಡೆ ಆಗಿದೆ. ಹಿಂದಿ ಭಾಷೆಯಲ್ಲಿ ಮುಂಗಡ ಬುಕ್ಕಿಂಗ್ ನಲ್ಲಿ ೩೮.೩೯ ಕೋಟಿ ರೂ. ಆದಾಯ ಬಂದಿರುವುದು ದಾಖಲೆಯಾಗಿದೆ. ಅತೀ ಹೆಚ್ಚು ಬುಕ್ಕಿಂಗ್ ಮಾಡಿದೆ. ಆದರೆ ಬಾಹುಬಲಿ ದಿ ಬಿಗಿನಿಂಗ್ ಚಿತ್ರ ಮೊದಲ ದಿನವೇ 5.10 ಲಕ್ಷ ಟಿಕೆಟ್ ನಿಂದ 37.53 ಕೋಟಿ ರೂ. ಸಂಗ್ರಹ ಮಾಡಿ ದಾಖಲೆ ಬರೆದಿತ್ತು.
![](https://pratidhvani.com/wp-content/uploads/2022/04/kgf-2.jpg)
ಹೃತಿಕ್ ರೋಷನ್ ನಟಿಸಿದ್ದ ವಾರ್ ಚಿತ್ರದ ಮೊದಲ ದಿನದ ಗಳಿಕೆ 29.53 ಕೋಟಿ ರೂ. ಹಾಗೂ ಅಮಿರ್ ಖಾನ್ ನಟಿಸಿದ್ದ ಥಗ್ಸ್ ಆಫ್ ಹಿಂದೂಸ್ತಾನಿ ಚಿತ್ರ 26.72 ಕೋಟಿ ರೂ. ಸಂಗ್ರಹಿಸಿತ್ತು.
ರಾಜಮೌಳಿ ನಿರ್ದೇಶನದ ಆರ್ ಆರ್ ಆರ್ ಚಿತ್ರದ ಮೊದಲ ದಿನ ಒಟ್ಟಾರೆ ಗಳಿಕೆ 228 ಕೋಟಿ ರೂ. ಆಗಿದ್ದು ಭಾರತೀಯ ಚಿತ್ರರಂಗದಲ್ಲಿ ಇದುವರೆಗಿನ ದಾಖಲೆಯಾಗಿದೆ.