ಸೆಂಟ್ರಲ್ ಎಕ್ಯೂಪ್ಮೆಂಟ್ ಐಡೆಂಟಿಟಿ ರಿಜಿಸ್ಟರ್ ( ಸಿಇಐಆರ್) ಪೋರ್ಟ್ ಮೂಲಕ ಕಳವಾದ ಮೊಬೈಲ್ ಗಳ ಪತ್ತೆಹಚ್ಚಿ, ವಾರಸುದಾರರಿಗೆ ಮರಳಿಸುವ ಕಾರ್ಯದಲ್ಲಿ ದೇಶದಲ್ಲೇ ಕರ್ನಾಟಕ ಪ್ರಥಮ ಸ್ಥಾನದಲ್ಲಿದೆ ಎಂದು ವರದಿಯಾಗಿದೆ.
ಕೇಂದ್ರ ದೂರಸಂಪರ್ಕ ಇಲಾಖೆಯಿಂದ ಕಳವಾದ ಮೊಬೈಲ್ ಪೋನ್ಗಳನ್ನು ಪತ್ತೆ ಮಾಡಲು ಸೆಂಟ್ರಲ್ ಎಕ್ಯೂಪ್ಮೆಟ್ ಐಡೆಂಟಿಟಿ ರಿಜಿಸ್ಟರ್ ಪೋರ್ಟಲ್ ಆರಂಭಿಸಲಾಗಿತ್ತು.
ಈ ಪೋರ್ಟಲ್ ಮೂಲಕ ಕರ್ನಾಟಕ ಪೊಲೀಸರು ಕಳವಾದ ಇಲ್ಲವೇ ಕಾಣೆಯಾದ 16,232 ಮೊಬೈಲ್ಗಳನ್ನು ಪತ್ತೆ ಹಚ್ಚಿದ್ದಾರೆ. ಅವುಗಳಲ್ಲಿ 8,878 ಪೋನ್ ಗಳನ್ನು ವಾರಸುದಾರರಿಗೆ ಮರಳಿ ನೀಡಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ದೆಹಲಿ | ಏಮ್ಸ್ ತುರ್ತು ನಿಗಾ ಘಟಕದಲ್ಲಿ ಅಗ್ನಿ ದುರಂತ ; ರೋಗಿಗಳ ಸ್ಥಳಾಂತರ
ಇನ್ನು ದೆಹಲಿ ಪೊಲೀಸರು 2,10,879 ಮೊಬೈಲ್ ಗಳನ್ನು ಪತ್ತೆ ಮಾಡಿದ್ದರೆ, 1,491 ಪೋನ್ಗಳನ್ನು ವಾರಸುದಾರರಿಗೆ ಒಪ್ಪಿಸಲಾಗಿದೆ. ತೆಲಂಗಾಣದಲ್ಲಿ 5,134 ಮತ್ತು ಮಹಾರಾಷ್ಟ್ರ ಪೊಲೀಸರು 4,334 ಮೊಬೈಲ್ಗಳನ್ನು ವಾರಸುದಾರರಿಗೆ ಒಪ್ಪಿಸುವ ಮೂಲಕ ಕರ್ನಾಟಕದ ನಂತರದ ಎರಡು ಮತ್ತು ಮೂರನೇ ಸ್ಥಾನ ಪಡೆದಿವೆ.
ಸಾರ್ವಜನಿಕರು ಸಹ ಸಿಇಐಆರ್ ವೆಬ್ಸೈಟ್ ಗೆ ಹೋಗಿ ದೂರು ಕೊಟ್ಟು ಮೊಬೈಲ್ ಬ್ಲಾಕ್ ಮಾಡಬಹುದಾಗಿದೆ. ಇದಲ್ಲದೇ ಮೊಬೈಲ್ ಕಳವಾದರೇ ಇದೇ ವೆಬ್ಸೈಟ್ ನಲ್ಲಿ ದೂರು ನೀಡಬಹುದಾಗಿದೆ.