500 ರೂಪಾಯಿ (500/-) ಹೂಡಿಕೆ ಮಾಡಿ 5000 (5000/-) ಲಾಭ ಬಂದ್ರೆ ಖುಷಿಯಾಗುತ್ತೆ.. ಅದೇ ಐನೂರು ರೂಪಾಯಿ ಹೂಡಿಕೆ ಮಾಡಿ 50,000 (50000/-) ಬಂದ್ರೆ ಅದು ಜಾಕ್ಪಾಟ್ ಹೊಡೆದಂಗೆ . ಇನ್ನು 500 ರೂಪಾಯಿಗೆ 3,75,000 (3.5 lakh) ಲಾಭ ಬಂದ್ರೆ ?! ಅಯ್ಯೋ ದೇವ್ರೆ , ಇದಪ್ಪಾ ಅದೃಷ್ಟ ಅಂದ್ರೆ ಅಂತ ಅನ್ಸುತ್ತೋ ಇಲ್ವೋ ?! ಅಂಥದ್ದೇ ಒಂದು ಘಟನೆ ಚಂಡೀಗಢದಲ್ಲಿ ನಡೆದಿದೆ.
![](https://pratidhvani.com/wp-content/uploads/2024/04/IMG_6554-693x1024.jpeg)
ವೈದ್ಯರೊಬ್ಬರಿಗೆ ಈ ಅದೃಷ್ಟ ಒಲಿದು ಬಂದಿದೆ . ಇದನ್ನ ಅವರೇ ತಮ್ಮ X ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.1994ರಲ್ಲಿ ಈ ವೈದ್ಯರ ತಾತ 500 ರೂಪಾಯಿಯನ್ನ ಎಸ್ಬಿಐ ಷೇರ್ (SBI) ಮೇಲೆ ಹೂಡಿಕೆ ಮಾಡಿದ್ರು . ಆಮೇಲೆ ಅದನ್ನ ಸಂಪೂರ್ಣ ಮರೆತು ಆ ಡಾಕ್ಯುಮೆಂಟ್ ನ ಮನೆಯ ಲಾಕರ್ ನಲ್ಲಿ ಇರಿಸಿದ್ದರು . ಹೀಗೆ ಬರೋಬ್ಬರಿ ೩೦ ವರ್ಷ ಕಳೆದ ಮೇಲೆ ಮನೆಯವರಿಗೆ ಈ ಬಾಂಡ್ ಸಿಕ್ಕಿದೆ. ಏನಿದು ಎಂದು ನೋಡಿದ ಮನೆಯವರು ಖುಷಿಗೆ ಶಾಕ್ ಆಗಿದ್ದಾರೆ.
![](https://pratidhvani.com/wp-content/uploads/2024/04/IMG_6553-1024x956.jpeg)
1994ರಲ್ಲಿ ಎಸ್ಬಿಐ ಸ್ಟಾಕ್ಸ್ ನ ಮೇಲೆ ಹೂಡಿಕೆ ಮಾಡಿದ್ದ 500 ರೂಪಾಯಿ ಇವತ್ತಿಗೆ ಬರೋಬ್ಬರಿ 3,75,000 ಯಾಗಿ ಬೆಳೆದು ನಿಂತಿದೆ . ಬಹುಶಃ ಇದನ್ನ ಈ ಹೂಡಿಕೆ ಮಾಡಿದ ಪೂರ್ವಜರಾಗಲಿ ಅಥವಾ ಈಗ ಅವರ ಮೊಮ್ಮಗ ಚಂಡಿಗಡ ಮೂಲದ ಈ ವೈದ್ಯರಾಗಲಿ ಇಷ್ಟು ಲಾಭ ಸಿಗಲಿದೆ ಅಂತ ಊಹೆಯೂ ಮಾಡಿರಲಿಲ್ಲ ಅನ್ನಿಸುತ್ತದೆ . ಈಗ ಅನಿರೀಕ್ಷಿತವಾಗಿ ಈ ಡಾಕ್ಯುಮೆಂಟ್ ವೈದ್ಯರ ಕೈಗೆ ಸಿಕ್ಕಿದೆ. ಕುತೂಹಲಕ್ಕೆ ಅಂತ ಅವರು ಇದನ್ನ ಪರೀಕ್ಷಿಸಿದಾಗ ಅದರ ಮೌಲ್ಯ ಬರೋಬ್ಬರಿ ಮೂರು ಮುಕ್ಕಾಲು ಲಕ್ಷ ರೂಪಾಯಿ ಅನ್ನೋದು ತಿಳಿದಿದೆ . ಖುಷಿಗೊಂಡ ವೈದ್ಯರು ಈ ಡಾಕ್ಯುಮೆಂಟ್ನ ಫೋಟೋ ಸಮೇತ ತಮ್ಮ X ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ .