ನ್ಯೂಯಾರ್ಕ್: ಏನೋ ಮಾಡಲು ಹೋಗಿ ಏನು ಮಾಡಿದೆ ನೀನು ಎನ್ನುತ್ತರಲ್ಲಾ ಹಾಗಾಯ್ತು ಇಲ್ಲೋಬ್ಬ ಪ್ರೇಮಿಯ ಕಥೆ.. ಪ್ರಿಯತಮೆಗೆ ವಿಭಿನ್ನವಾಗಿ ಪ್ರೇಮ ನಿವೇದನೆ ಮಾಡಿಕೊಳ್ಳಬೇಕು ಎಂದು ಡಿಫರೆಂಟ್ ಪ್ಲಾನ್ ಮಾಡಿದ್ದ ವ್ಯಕ್ತಿ ಈಗ ಆಕೆಯ ಜೊತೆಗೆ ಜೈಲು ಸೇರುವಂತಾಗಿದೆ. ಮದುವೆಗೆ ಸಿದ್ಧವಾಗಬೇಕಿದ್ದ ಜೋಡಿ ಈಗ ಜೈಲಿನಿಂದ ಹೊರಬರಲು ಒದ್ದಾಡುವಂತಾಗಿದೆ.
ಹೌದು ಈ ಘಟನೆ ನಡೆದಿರುವುದು ನ್ಯೂಯಾರ್ಕ್ನಲ್ಲಿ. ನಗರದ ಪ್ರತಿಷ್ಠಿತ ಎಂಪೈರ್ ಸ್ಟೇಟ್ ಕಟ್ಟಡದ ಶಿಖರವನ್ನು ಯಾವುದೇ ಸುರಕ್ಷತಾ ಸಾಧನಗಳಿಲ್ಲದೆ ಏರಿ ಸಾಹಸ ಪ್ರದರ್ಶಿಸಿದ ಪ್ರೇಮಿಗಳನ್ನು ನ್ಯೂಯಾರ್ಕ್ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರನ್ನು 32 ವರ್ಷದ ಇವಾನ್ ಕುಜ್ನೆಟ್ಸೊವ್ (ಇವಾನ್ ಬೀರ್ಕಸ್) ಹಾಗೂ 33 ವರ್ಷದ ಏಂಜಲೀನಾ ನಿಕೋಲೌ ಎಂದು ಗುರುತಿಸಲಾಗಿದೆ.
🚨 न्यूयॉर्क की Empire State Building की एंटेना पर चढ़कर एक रूसी कपल ने ‘World Peace’ का बैनर लहराया। इसके बाद वहीं प्रपोज़ भी किया।
स्टंट के बाद दोनों को पुलिस ने गिरफ्तार कर लिया।दुनियाँ में नमूनों की कमी नही!#NewYork #EmpireStateBuilding #WorldPeace #ViralVideo #Breaking pic.twitter.com/TxDC3PpWFi
— Nation with Anu (@NationwithAnu) July 2, 2026
ನ್ಯೂಜೆರ್ಸಿಯ ಈಸ್ಟ್ ಆರೆಂಜ್ ನಿವಾಸಿಗಳಾದ ಈ ಜೋಡಿ ಮೊದಲಿನಿಂದಲೂ ಗನಚುಂಬಿ ಕಟ್ಟಡಗಳನ್ನು ಯಾವುದೇ ಸುರಕ್ಷತಾ ಸಾಧನವಿಲ್ಲದೆ ಏರುವ ಸಾಹಸಗಳಿಂದಲೇ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಿದ್ಧರಾಗಿದ್ದರು. ಅದರಂತೆ ಈ ಜೋಡಿ ಇತ್ತೀಚಿಗೆ ಸುಮಾರು 1,454 ಅಡಿ ಎತ್ತರದ ಎಂಪೈರ್ ಸ್ಟೇಟ್ ಕಟ್ಟಡದ ಶಿಖರವನ್ನು ಏರಿ ʼWhen the power of love beats the love of power, the world knows peaceʼ ಎನ್ನುವ ಸಂದೇಶವಿದ್ದ ಬ್ಯಾನರ್ಅನ್ನು ಪ್ರದರ್ಶಿಸಿದ್ದಾರೆ. ಅಷ್ಟೇ ಅಲ್ಲದೇ ಇವಾನ್ ಬೀರ್ಕಸ್ ತಮ್ಮ ಪ್ರೇಯಸಿ ಏಂಜಲೀನಾ ನಿಕೋಲೌ ಅವರಿಗೆ ಮೊಣಕಾಲೂರಿ ಪ್ರೇಮ ನಿವೇದನೆ ಕೂಡ ಮಾಡಿಕೊಂಡಿದ್ದಾರೆ.
ಈ ಕ್ಷಣವನ್ನು ಸ್ವತಃ ಅವರೇ ಚಿತ್ರೀಕರಿಸಿ ಸಾಮಾಜಿಕ ಜಾಲತಾಣಗಳಲ್ಲೂ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಸ್ಥಳೀಯ ಕಾನೂನು ಉಲ್ಲಂಘನೆ ಸೇರಿದಂತೆ ಹಲವು ಆರೋಪಗಳ ಮೇಲೆ ಪ್ರೇಮಿಗಳನ್ನು ನ್ಯೂಯಾರ್ಕ್ ಪೊಲೀಸರು ಬಂಧಿಸಿದ್ದಾರೆ. ಘಟನೆ ಕುರಿತು ಕಟ್ಟಡದ ಸಿಸಿಟಿವಿ ದೃಶ್ಯಗಳನ್ನು ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದು, ತನಿಖೆ ಮುಂದುವರಿಸಿದ್ದಾರೆ.
