ಹೈದ್ರಾಬಾದ್ : 2026ರ ಐಪಿಎಲ್ನ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು 47 ರನ್ಗಳಿಂದ ಸನ್ರೈಸರ್ಸ್ ಹೈದರಾಬಾದ್ ಮಣಿಸಿದೆ. ಇನ್ನೂ ಈ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದ್ರಾಬಾದ್ ತಂಡದ ಓಪನರ್ ಅಭಿಷೇಕ್ ಶರ್ಮಾ ಅಜೇಯ ಶತಕವೇ ಗೆಲುವಿಗೆ ಮುಖ್ಯ ಕಾರಣವಾಯಿರು .ಕೆ.ಎಲ್. ರಾಹುಲ್ ಮಾಡಿದ ತಪ್ಪಿನಿಂದಾಗಿ ಡೆಲ್ಲಿ ಕ್ಯಾಪಿಟಲ್ಸ್ ಈ ಪಂದ್ಯವನ್ನು ಕೈ ಬಿಡುವಂತಾಯಿತು. ಅಭಿಷೇಕ್ ಶರ್ಮಾ 49 ರನ್ ಗಳಿಸಿ ಬ್ಯಾಟಿಂಗ್ ಮಾಡುವಾಗ ರನೌಟ್ ಆಗುವ ಉತ್ತಮ ಅವಕಾಶವಿತ್ತು.
ಮೊದಲು ಬ್ಯಾಟಿಂಗ್ ಮಾಡಿದ ಸನ್ರೈಸರ್ಸ್ ಹೈದರಾಬಾದ್ 243 ರನ್ಗಳ ಟಾರ್ಗೆಟ್ ನೀಡಿತ್ತು. ಈ ಗುರಿಯನ್ನು ಬೆನ್ನಟ್ಟಿದ ಡೆಲ್ಲಿ ಕ್ಯಾಪಿಟಲ್ಸ್ ಕೇವಲ 195 ರನ್ ಗಳಿಸಿಕೊಂಡಿತ್ತು. ನಿತೀಶ್ ರಾಣಾ 57 ರನ್ ಗಳಿಸಿದರೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 47 ರನ್ಗಳಿಂದ ಪಂದ್ಯವನ್ನು ಕೈಚೆಲ್ಲಿದೆ.
ಇಲ್ಲಿನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ನೀಡಿದ್ದ 243 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಪತುನ್ ನಿಸ್ಸಂಕಾ 8 ರನ್ಗಳಿಗೆ ಔಟಾಗಿದ್ದರಿಂದ ತಂಡವು ಕಳಪೆ ಆರಂಭಕ್ಕೆ ಕಾರಣವಾಗಿತ್ತು. ನಿಸ್ಸಂಕಾ ಔಟಾದ ನಂತರ, ನಿತೀಶ್ ರಾಣಾ ಮತ್ತು ಕೆ.ಎಲ್. ರಾಹುಲ್ ಕೆಲ ಸಮಯ ಎದುರಾಳಿ ಬೌಲರ್ಗಳನ್ನು ಕಾಡಿದರು. ಈ ಇಬ್ಬರೂ ಬ್ಯಾಟರ್ಗಳು ಇನ್ನಿಂಗ್ಸ್ ಅಲ್ಲಿ ಬಹುತೇಕ ಚೇತರಿಸಿಕೊಂಡಿದ್ದರು. ಆಗ ಡೆಲ್ಲಿ ತಂಡದಲ್ಲಿ ಇನ್ನು ಗೆಲುವಿನ ಆಸೆ ಇನ್ನು ಜೀವಂತವಾಗಿತ್ತು.
ಇದನ್ನೂ ಓದಿ : ಸಂವಿಧಾನದ ಅಶಯಗಳು -ಬಾಬು ಜಗಜೀವನ್ ರಾಮ್-
ಬ್ಯಾಟಿಂಗ್ನಲ್ಲಿ ಉತ್ತಮ ಲಯದಲ್ಲಿದ್ದ ನಿತೀಶ್ ರಾಣಾ 57 ರನ್ಗಳಿಗೆ ಔಟಾದರು. ಡೇವಿಡ್ ಮಿಲ್ಲರ್ ಮೈದಾನಕ್ಕೆ ಬಂದರು. ಆದರೆ ಅವರು ಶೂನ್ಯಕ್ಕೆ ಹೊರನಡೆದರು. ಸಮೀರ್ ರಿಜ್ವಿ ಮತ್ತು ಟ್ರಿಸ್ಟಾನ್ ಸ್ಟಬ್ಸ್ ಉತ್ತಮವಾಗಿ ಪ್ರದರ್ಶನ ನೀಡುತ್ತಿದ್ದರು. ಆದರೆ ಟ್ರಿಸ್ಟಾನ್ ಸ್ಟಬ್ಸ್ 27 ರನ್ಗಳಿಗೆ ಪೆವಿಲಿಯನ್ಗೆ ಸೇರಿದರು. ಬಳಿಕ, ಸಮೀರ್ ರಿಜ್ವಿ ಕ್ರೀಸ್ ನಾನು ಬಿಡಲ್ಲ ಎನ್ನುವಂತೆ ಕಚ್ಚಿಕೊಂಡಿದ್ದರು. ಏಕಾಂಗಿಯಾಗಿ ಹೋರಾಡುತ್ತಲೇ ಇದ್ದ ಸಮೀರ್ ರಿಜ್ವಿ ಅವರು 41 ರನ್ಗಳಿಗೆ ಔಟಾದರು, ಇಲ್ಲಿಯೇ ಪಂದ್ಯದಲ್ಲಿ ಹೈದ್ರಾಬಾದ್ ಗೆಲುವನ್ನು ಖಚಿತಗೊಳಿಸಿತ್ತು.
ಚೇತರಿಸಿಕೊಂಡ ಹೈದ್ರಾಬಾದ್ ತಂಡ..
