ದೆಹಲಿಯಲ್ಲಿಂದು (Delhi) ನೂತನವಾಗಿ ನಿರ್ಮಾಣವಾಗಿರುವ ಕರ್ತವ್ಯ ಭವನ (Karthavya bhavan) ಉದ್ಘಾಟನೆಗೆ ಕ್ಷಣಗಣನೆ ಆರಂಭವಾಗಿದ್ದು, ಪ್ರಧಾನಿ ನರೇಂದ್ರ ಮೋದಿ ಕರ್ತವ್ಯ ಭವನ- 3 ಉದ್ಘಾಟನೆ ಮಾಡಲಿದ್ದಾರೆ. ಸೆಂಟ್ರಲ್ ವಿಸ್ಟಾ (Central vista) ಯೋಜನೆಯಡಿ ಈ ಕಟ್ಟಡ ನಿರ್ಮಾಣವಾಗಿದೆ. ಈ ಕರ್ತವ್ಯ ಭವನದ ಮೂರನೆ ಕಟ್ಟಡ ಇಂದು ಲೋಕಾರ್ಪಣೆ ಆಗಲಿದೆ.
ಇಂದು ಉದ್ಘಾಟನೆಯಾಗಲಿರೋ ಕಟ್ಟಡದಲ್ಲಿ ಹಲವು ಇಲಾಖೆಗಳು ಇರಲಿವೆ. ಕೇಂದ್ರದ ಪೆಟ್ರೋಲಿಯಂ, ಗ್ರಾಮೀಣಾಭಿವೃದ್ಧಿ, ಸೇರಿ ಕೆಲ ಇಲಾಖೆಗಳು ಈ ಕರ್ತ್ಯವ್ಯ ಭವನಕ್ಕೆ ಶಿಫ್ಟ್ ಆಗಲಿವೆ. ಕೇಂದ್ರ ಸಚಿವಾಲಯಗಳಿಗೆ ಒಟ್ಟು 10 ಕಟ್ಟಡಗಳು ನಿರ್ಮಾಣ ಹಂತದಲ್ಲಿವೆ.ಇನ್ನು ಮುಂದಿನ ಹಂತದಲ್ಲಿ ಕೃಷಿ ಭವನ, ಉದ್ಯೋಗ ಭವನ, ಶಾಸ್ತ್ರಿ ಭವನ, ನಿರ್ಮಾಣ ಭವನಗಳು ಬೇರೆಕಡೆಗೆ ಶಿಫ್ಟ್ ಆಗಲಿದೆ. ಈ ಹೊಸ ಕಟ್ಟಡದಲ್ಲಿ ಫುಲ್ ಹೈಟೆಕ್ ವ್ಯವಸ್ಥೆ ಕಲ್ಪಿಸಲಾಗಿದೆ. ಜೊತೆಗೆ ಭದ್ರತೆಗೆ ಹೆಚ್ಚಿನ ಒತ್ತು ನೀಡಲಾಗಿದ್ದು, ಸೆನ್ಸಾರ್ ಮಾದರಿಯ ಗೇಟ್ ಗಳನ್ನು ಅಳವಡಿಸಲಾಗಿದೆ.
ಈ ಹೊಸ ಕಟ್ಟಡ ನಿರ್ಮಾಣದಿಂದ ಪ್ರತಿ ವರ್ಷ ಕೇಂದ್ರಕ್ಕೆ ಸಾವಿರ ಕೋಟಿ ಉಳಿತಾಯವಾಗಲಿದ್ದು, ಇದುವರೆಗೆ ಹಲವು ಕೇಂದ್ರ ಸರ್ಕಾರದ ಇಲಾಖೆ ಕಚೇರಿಗಳು ಖಾಸಗಿಯವರ ಬಿಲ್ಡಿಂಗ್ ನಲ್ಲಿ ಬಾಡಿಗೆಗೆ ಕಾರ್ಯನಿವಹಿಡುತ್ತಿದ್ದವು. ಇನ್ನು ಪ್ರತಿವರ್ಷ ಸೋಲಾರ್ ನಿಂದ 5.34 ಲಕ್ಷ ಯುನಿಟ್ ವಿದ್ಯುತ್ ಉತ್ಪಾದನೆಯಾಗಲಿದೆ. ಸ್ಮಾರ್ಟ್ ಕಾನ್ಫರೆನ್ಸ್ ಹಾಲ್ ಗಳು, ಮಲ್ಟಿಪಲ್ ಮಿನಿಸ್ಟರ್ ಮೀಟಿಂಗ್ ರೂಂ ಗಳು, ಇಂಟರ್ ಮಿನಿಸ್ಟರ್ ಕೊ-ಆರ್ಡಿನೇಟರ್ ವ್ಯವಸ್ಥೆ ಜೊತೆಗೆ ಅತ್ಯಾಧುನಿಕ ಕ್ಯಾಂಟಿನ್ ವ್ಯವಸ್ಥೆ ಮತ್ತು ಎಲ್ಲಾಕಡೆ ಸಿಸಿಟಿವಿ ಅಳವಡಿಸಲಾಗಿದೆ.
