ಮೈಸೂರು: ಪ್ರಸ್ತುತ ಜಾತಿ- ಧರ್ಮದ ಹೆಸರಿನಲ್ಲಿ ಗಲಾಟೆಗಳು, ಅಶಾಂತಿ ಸೃಷ್ಟಿಯಾಗುತ್ತಿದೆ. ಧರ್ಮ ಇರುವುದು ನಮಗಾಗಿಯೇ ಹೊರತು ಧರ್ಮಕ್ಕಾಗಿ ನಾವಲ್ಲ ಎಂದು ಹೇಳಿದರು.
ಸುತ್ತೂರು ಜಾತ್ರಾ ಮಹೋತ್ಸವದ ಕಾರ್ಯಕ್ರಮದಲ್ಲಿ ದೇಸಿಯ ಆಟಗಳು ಮತ್ತು ರಂಗೋಲಿ ಕಾರ್ಯಕ್ರಮವನ್ನು ಉದ್ಘಾಟಿಸುವ ಮೂಲಕ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು,
ಎಲ್ಲಾ ಜಾತಿ ಧರ್ಮ ಭಾಷೆಯವರು ಪರಸ್ಪರ ಪ್ರೀತಿಯಿಂದ ಜಾತ್ರೆಯಲ್ಲಿ ಭಾಗವಹಿಸಿ ಸೌಹಾರ್ದಯುತವಾಗಿ ನಡೆಯುವಂತೆ ಮಾಡುತ್ತಾರೆ.
ಎಲ್ಲಾ ಊರಿನಲ್ಲೂ ಜಾತ್ರೆಗಳು ನಡೆಯುತ್ತವೆ ಆದರೆ ಸುತ್ತೂರು ಜಾತ್ರೆ ವಿಶೇಷವಾಗಿದೆ ಎಂದು ಹೇಳಿದರು.
ಶಿಕ್ಷಣ,ಅರೋಗ್ಯ, ಅನ್ನದಾಸೋಹವನ್ನು ಯಾವುದೇ ಜಾತಿ – ಧರ್ಮವನ್ನು ನೋಡದೆ ಲಕ್ಷಾಂತರ ಜನರಿಗೆ ನೀಡುವ ಮೂಲಕ ಸುತ್ತೂರು ಮಠ ರಾಜ್ಯಕ್ಕೆ ಮಾದರಿಯಾಗಿದೆ. ಈ ರೀತಿಯ ಕೆಲಸಗಳು ಮುಂದುವರೆದು ಇನ್ನೂ ಹೆಚ್ಚಿನ ಬಡ ಜನರಿಗೆ ನೇರವಾಗಬೇಕು. ಇದೀಗ ಸುತ್ತೂರು ಮಠ ಮತ್ತು ಕರ್ನಾಟಕ ಬಾಸ್ಕೆಟ್ ಬಾಲ್ ಅಸೋಸಿಯೇಷನ್ ಜಂಟಿಯಾಗಿ ಬಾಸ್ಕೆಟ್ ಬಾಲ್ ಅಕಾಡೆಮಿಯನ್ನು ಪ್ರಾರಂಭಿಸುತ್ತಿರುವುದು ಸುತ್ತೂರು ಮಠದ ಹೆಗ್ಗಳಿಕೆ ಮತ್ತೊಂದು ಸಾಕ್ಷಿ. ಇಂತಹ ಒಳ್ಳೆಯ ಕೆಲಸಗಳಿಗೆ ಎಲ್ಲಾ ರೀತಿಯಿಂದಲೂ ಸಹಾಯ ಮಾಡಲು ನಮ್ಮ ಸರ್ಕಾರ ಸದಾ ಸಿದ್ಧ ಎಂದರು.
![](https://pratidhvani.com/wp-content/uploads/2024/02/IMG-20240207-WA0064-1024x683.webp)
ವಿಶ್ವಗುರು ಬಸವಣ್ಣನವರನ್ನು ನಮ್ಮ ಸರ್ಕಾರ ಸಾಂಸ್ಕೃತಿಕ ನಾಯಕ, ವಿಶ್ವ ನಾಯಕ ಎಂದು ಗುರುತಿಸಿ ಎಲ್ಲಾ ಸರ್ಕಾರಿ ಕಚೇರಿಗಳಲ್ಲೂ ಅವರ ಭಾವ ಚಿತ್ರದ ಮೇಲೆ ಬರೆಸಿ ಇರಿಸಲಾಗುವುದು.
ಸುಮಾರು 800 ವರ್ಷಗಳ ಹಿಂದೆಯೇ ಸಮ ಎಲ್ಲರಿಗೂ ಸಮಾನ ಅವಕಾಶ ಸ್ಥಾನ – ಮಾನ ಸಿಗಬೇಕೆಂದು ಸಮ ಸಮಾಜವನ್ನು ನಿರ್ಮಿಸಲು ಹಲವಾರು ಮಹನೀಯರು ಕೆಲಸ ಮಾಡಿದ್ದಾರೆ. ಹೀಗಿದ್ದಾಗ ನಾವೆಲ್ಲರು ಮನುಷ್ಯರು ಎಲ್ಲರೂ ಪರಸ್ಪರ ಒಬ್ಬರನ್ನೊಬ್ಬರು ಪ್ರೀತಿಸಬೇಕೆ ಹೊರತು ದ್ವೇಷ ಮಾಡಬಾರದು ಹಾಗೆ ಮಾಡಿದರೆ ಪರಸ್ಪರ ಸೌಹಾರ್ದತೆಯಿಂದ ಬದುಕಲು ಸಾಧ್ಯವಿಲ್ಲ ಎಂದರು.
![](https://pratidhvani.com/wp-content/uploads/2024/02/IMG-20240207-WA0064-1-1024x683.webp)
ಜ್ಞಾನ ಯಾರ ಮನೆ ಸ್ವತ್ತಲ್ಲ ಅದನ್ನು ಎಲ್ಲರೂ ವೃದ್ಧಿಸಿಕೊಳ್ಳಬೇಕು. ಹಾಗಾಗಿ ಶಿಕ್ಷಣ ಎಲ್ಲರಿಗೂ ಮುಖ್ಯ. ಯಾವ ಜಾತಿಯಲ್ಲಿ ಹುಟ್ಟಿದ್ದೇವೆ ಎಂಬುದರ ಮೇಲೆ ಶ್ರೇಷ್ಠತೆ ಬರುವುದಿಲ್ಲ ಮನುಷ್ಯರಾಗಿ ಬದುಕಿದಾಗ ಶ್ರೇಷ್ಠತೆ ಬರುತ್ತದೆ. ಇಂದಿಗೂ ಕೂಡ ಮೇಲ್ವರ್ಗದ ಕೆಲವರ್ಗ ಬಡವರು ಶ್ರೀಮಂತು ಎಂಬ ಭೇಧ ಭಾವ ಇದೆ. ಇದನ್ನು ನಿವಾರಣೆ ಮಾಡದೇ ಹೋದಲ್ಲಿ ಸಮಾಜದಲ್ಲಿ ಬದುಕುವುದು ಬಹಳ ಕಷ್ಟ.
ದೇಶದ ಸಂಪತ್ತು ಹಾಗೂ ಅಧಿಕಾರ ಕೆಲವೇ ಜನರ ಕೈಯಲ್ಲಿ ಇರಬಾರದು ಅದು ಎಲ್ಲರಿಗೂ ಹಂಚಿಕೆಯಗಬೇಕು.ಹಾಗಿದ್ದಾಗ ಸಮ ಸಮಾಜ ನಿರ್ಮಾಣವಾಗುತ್ತದೆ ಎಂದರು.
ಎಲ್ಲರಿಗೂ ಶಿಕ್ಷಣ ಸಿಗಬೇಕು: ನಾನು ಮುಖ್ಯಮಂತ್ರಿ ಯಾಗಲು ಸಂವಿಧಾನ ಮತ್ತು ಶಿಕ್ಷಣ ಕಾರಣ. ಇದು ನಮ್ಮೆಲ್ಲರನ್ನೂ ಕಾಯುತ್ತದೆ. ನಮ್ಮ ಸಾಮಾಜಿಕ ವ್ಯವಸ್ಥೆ ನಿಂತ ನೀರಾಗಿದೆ ಇದಕ್ಕೆ ಚಲನೆ ಇಲ್ಲ. ಅದು ಚಲಿಸಿ ಹರಿಯುವ ನೀರಾಗಬೇಕಾದರೆ ಶಿಕ್ಷತಾರಾಗಿ ಲೋಕ ಜ್ಞಾನ ಹೊಂಡಬೇಕು. ಆತ್ಮವಲೋಕನ ಮಾಡಿಕೊಂಡು ನಮ್ಮ ಜೀವನದ ಸಾರ್ಥಕತೆಯನ್ನು ಅರಿಯಬೇಕು ಎಂದರು.
ಕಾರ್ಯಕ್ರಮದಲ್ಲಿ ಸುತ್ತೂರು ಸಂಸ್ಥಾನದ ಶ್ರೀ ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿ, ಸಚಿವರಾದ ಡಾ.ಜಿ. ಪರಮೇಶ್ವರ್, ಡಾ.ಎಚ್.ಸಿ. ಮಹದೇವಪ್ಪ, ಇಂಧನ ಸಚಿವ ಕೆಜೆ ಜಾರ್ಜ್, ಪಶು ಸಂಗೋಪನೆ ಇಲಾಖೆ ಸಚಿವ ವೆಂಕಟೇಶ್, ಉನ್ನತ ಶಿಕ್ಷಣ ಇಲಾಖೆಯ ಸಚಿವ ಸುಧಾಕರ್, ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.
#CMSiddaramaiah #SutturuMutt #Sutturujathre #Mysore #Karnataka