ಭಾರತದ ವಿದ್ಯುತ್ ಸ್ಥಾವರಗಳ ಮೇಲೆ ನಿಗಾ ವಹಿಸಲು ಚೀನಾ ಅತ್ಯಾಧುನಿಕ ಕ್ಯಾಮರಾಗಳ ಮೂಲಕ ಗುಪ್ತಚಾರಿಕೆ ನಡೆಸುತ್ತಿದೆ ಎಂದು ಅಮೆರಿಕದ ಸೈಬರ್ ಕ್ರೈಂ ತನಿಖಾ ಸಂಸ್ಥೆ ಬಹಿರಂಗಪಡಿಸಿದೆ.
ಚೀನಾದ ಜೊತೆಗೆ ಸಂಪರ್ಕ ಹೊಂದಿರುವ ಖಾಸಗಿ ಗುಪ್ತಚರ ಸಂಸ್ಥೆಗಳು ಉತ್ತರ ಭಾರತದ ಕನಿಷ್ಠ ೭ ರಾಜ್ಯಗಳ ವಿದ್ಯುತ್ ಸ್ಥಾವರಗಳ ಮೇಲೆ ಕಣ್ಣಟ್ಟಿವೆ ಎಂದು ಅಮೆರಿಕದ ಸಂಸ್ಥೆ ಹೇಳಿದೆ.
![](https://pratidhvani.com/wp-content/uploads/2021/10/swarajya_2021-08_aa615695-c459-4585-b8a0-11d9a6602da8_India_china.jpg)
ಈ ಗೌಪ್ಯ ಕ್ಯಾಮರಾಗಳು ವಿದ್ಯುತ್ ಘಟಕಗಳು ಹೇಗೆ ಕಾರ್ಯ ನಿರ್ವಹಿಸುತ್ತಿವೆ. ಹೇಗೆ ಸಮಯ ಪರಿಪಾಲನೆ ಮಾಡಲಾಗುತ್ತದೆ ಮುಂತಾದ ವಿಷಯಗಳ ಮಾಹಿತಿ ಸಂಗ್ರಹಿಸಲಾಗುತ್ತಿದೆ ಎಂದು ಸಂಸ್ಥೆ ತನ್ನ ವರದಿಯಲ್ಲಿ ತಿಳಿಸಿದೆ.
ಉತ್ತರ ಭಾರತದ ಅದರಲ್ಲೂ ಚೀನಾಗೆ ಹೊಂದಿಕೊಂಡಿರುವ ಭಾರತದ ಗಡಿ ಪ್ರದೇಶವಾದ ಲಡಾಖ್ ಮುಂತಾದೆಡೆ ವಿದ್ಯುತ್ ಸರಬರಾಜು ಕುರಿತು ಚೀನಾ ಹೆಚ್ಚು ಗಮನ ಹರಿಸಿದೆ ಎಂದು ಹೇಳಲಾಗಿದೆ.