ಬೈಕ್‌ ಮೇಲೆ ಬಂಡೆ ಉರುಳಿ ಬದರಿನಾಥ ಯಾತ್ರಾರ್ಥಿ ಇಬ್ಬರು ಯುವಕರ ಮರಣ

ADVERTISEMENT

ಚಮೋಲಿ (ಉತ್ತರಾಖಂಡ) : ಉತ್ತರಾಖಂಡದ ಗೌಚಾರ್ ಬಳಿಯ ಚಟ್ವಾ ಪಿಪಾಲ್ ಬಳಿ ಕಲ್ಲುಬಂಡೆ ಉರುಳಿ ಬಿದ್ದ ಪರಿಣಾಮ ಮೋಟಾರ್ ಸೈಕಲ್ ಜಖಂಗೊಂಡು ಬೈಕ್ ಚಲಾಯಿಸುತ್ತಿದ್ದ ಇಬ್ಬರು ಯುವಕರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಕಳೆದ ಹಲವು ದಿನಗಳಿಂದ ಸುರಿಯುತ್ತಿರುವ ಭಾರೀ ಮಳೆಯಿಂದಾಗಿ ಇಲ್ಲಿನ ಹಲವೆಡೆ ಭೂಕುಸಿತ ಸಂಭವಿಸುತ್ತಿದೆ.

ಪೊಲೀಸ್ ಕಂಟ್ರೋಲ್ ರೂಂ ಪ್ರಕಾರ, ಇಬ್ಬರು ಸಂತ್ರಸ್ಥರು ಬದರಿನಾಥ್ ಧಾಮ ಯಾತ್ರೆಯಿಂದ ಹಿಂತಿರುಗುತ್ತಿದ್ದಾಗ ಕರ್ಣಪ್ರಯಾಗ ಗೌಚಾರ್ ಮಧ್ಯದಲ್ಲಿರುವ ಚಟ್ವಾ ಪಿಪಾಲ್ ಬಳಿಯ ಬೆಟ್ಟದಿಂದ ಅವರ ಬೈಕ್ ಮೇಲೆ ಬಂಡೆಯೊಂದು ಉರುಳಿ ಬಿದ್ದಿತು. ದ್ವಿಚಕ್ರವಾಹನ ಸವಾರರು ಬಂಡೆಯ ತುಂಡಾಗಿ ಅವಶೇಷಗಳಡಿ ಸಿಲುಕಿದ್ದಾರೆ.

ಮೃತರಲ್ಲಿ ಹೈದರಾಬಾದ್ ನಿವಾಸಿ ರಾಮಕೃಷ್ಣ ಎಂಬುವರ ಮಗ ನಿರ್ಮಲ್ ಶಾಹಿ, ಪ್ರಾಯ-36 ವರ್ಷ, ಇನ್ನೊಬ್ಬ ವ್ಯಕ್ತಿಯನ್ನು 50 ವರ್ಷದ ಸತ್ಯನಾರಾಯಣ ಎಂದು ಗುರುತಿಸಲಾಗಿದೆ, ಇವರು ಪದ್ಮರಾವ್ ಪೋಲೀಸ್‌ ಠಾಣಾ ವ್ಯಾಪ್ತಿಯ ನಿವಾಸಿ ಆಗಿದ್ದು ಹೈದರಾಬಾದ್ (ತೆಲಂಗಾಣ) ನಿವಾಸಿ. ಬಂಡೆಯ ಕೆಳಗೆ ಹೂತು ಹೋಗಿದ್ದ ಅವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಮಾಹಿತಿ ಪಡೆದ ಪೊಲೀಸರು ಮತ್ತು ಎಸ್‌ಡಿಆರ್‌ಎಫ್ ತಂಡ ಸ್ಥಳಕ್ಕೆ ಧಾವಿಸಿದೆ. ಎರಡೂ ಶವಗಳನ್ನು ಹೊರತೆಗೆದು ಪಂಚನಾಮಕ್ಕಾಗಿ ಕರ್ಣಪ್ರಯಾಗದಲ್ಲಿರುವ ಶವಾಗಾರಕ್ಕೆ ತರಲಾಗಿದೆ

.

ಮೃತರಿಬ್ಬರೂ ಬದರಿನಾಥ ಧಾಮಕ್ಕೆ ಭೇಟಿ ನೀಡಿ ರಿಷಿಕೇಶಕ್ಕೆ ಹಿಂತಿರುಗುತ್ತಿದ್ದರು ಎಂದು ಕರ್ಣಪ್ರಯಾಗದ ಪ್ರಭಾರಿ ಇನ್ಸ್‌ಪೆಕ್ಟರ್ ದೇವೇಂದ್ರ ಸಿಂಗ್ ರಾವತ್ ತಿಳಿಸಿದ್ದಾರೆ. ಚಟ್ವಾ ಪಿಪಾಲ್ ಬಳಿ ಇದ್ದಕ್ಕಿದ್ದಂತೆ ಬೆಟ್ಟದ ದೊಡ್ಡ ಭಾಗವು ಕುಸಿದು ಅವರ ಬೈಕ್ ಮೇಲೆ ಬಿದ್ದಿತು. ಇದರಲ್ಲಿ ಒಬ್ಬರ ದೇಹ ಸಂಪೂರ್ಣ ಛಿದ್ರವಾಗಿತ್ತು. ಇಬ್ಬರೂ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಪೊಲೀಸರು ಜೆಸಿಬಿ ಯಂತ್ರದ ಮೂಲಕ ಕಲ್ಲು ತೆಗೆದು ಎರಡೂ ಶವಗಳನ್ನು ವಶಕ್ಕೆ ಪಡೆದಿದ್ದಾರೆ.

ಮಳೆಗಾಲದಲ್ಲಿ ಅಗತ್ಯ ಬಿದ್ದಾಗ ಮಾತ್ರ ಸಂಚರಿಸುವುದು ಸೂಕ್ತ ಎಂದು ಪ್ರಭಾರಿ ನಿರೀಕ್ಷಕರು ತಿಳಿಸಿದ್ದಾರೆ. ದ್ವಿಚಕ್ರ ವಾಹನಗಳಲ್ಲಿ ಸಂಚರಿಸುವವರು ಕಡ್ಡಾಯವಾಗಿ ಹೆಲ್ಮೆಟ್ ಧರಿಸಬೇಕು. ಮಳೆಯಿಂದಾಗಿ ಹಲವೆಡೆ ಭೂಕುಸಿತದ ಭೀತಿ ಎದುರಾಗಿದೆ. ಇಂತಹ ಸಂದರ್ಭದಲ್ಲಿ ಪಾದಚಾರಿಗಳು ಜಾಗರೂಕತೆಯಿಂದ ಸಂಚರಿಸಬೇಕು.