ಗೌತಮ್ ಅದಾನಿ ಒಡೆತನದ ಮುಂದ್ರಾ ಪವರ್ ಸಂಸ್ಥೆಗೆ 2018ರ ಅಕೃೋಬರ್ 15ರಿಂದ 2023ರ ಮಾರ್ಚ್ 31ರ ಅವಧಿಯಲ್ಲಿ 3,900 ಕೋಟಿ ರೂ. ಹೆಚ್ಚುವರಿ ಪಾವತಿಸಲಾಗಿದೆ ಎಂದು ವರದಿಯಾಗಿದೆ.
ವ್ಯಕ್ತಿಯೊಬ್ಬರು ಆರ್ಟಿಐ ಮೂಲಕ ಲಭ್ಯವಾದ ದಾಖಲೆಗಳಲ್ಲಿ ಈ ಮಾಹಿತಿ ಬಹಿರಂಗಗೊಂಡಿದೆ ಎಂದು ಭಾನುವಾರ (ಆಗಸ್ಟ್ 27) ಮಾಧ್ಯಮಗಳು ವರದಿ ಮಾಡಿವೆ.
ಗುಜರಾತ್ ಸರ್ಕಾರ ಮತ್ತು ಮುಂದ್ರಾ ಪವರ್ ನಡುವಿನ ವಿದ್ಯುತ್ ಖರೀದಿ ಒಪ್ಪಂದದ ಪ್ರಕಾರ, ಸರ್ಕಾರವು ಆಮದು ಮಾಡಿಕೊಂಡ ಕಲ್ಲಿದ್ದಲಿನ ಬೆಲೆ ಅಥವಾ ಸಾರ್ವಜನಿಕವಾಗಿ ಲಭ್ಯವಿರುವ ಅಂತಾರಾಷ್ಟ್ರೀಯ ಬೆಲೆಯನ್ನು ಗಣನೆಗೆ ತೆಗೆದುಕೊಂಡ ನಂತರ ಲೆಕ್ಕ ಹಾಕಿ ವಿದ್ಯುತ್ ಖರೀದಿಸಬೇಕಿತ್ತು.
ಮುಂದ್ರಾ ಪವರ್ ಗುಜರಾತ್ ಸರ್ಕಾರಕ್ಕೆ ಕಲ್ಲಿದ್ದಲು ಆಮದು ಬಿಲ್ಗಳನ್ನು ನೀಡಬೇಕಿತ್ತು. ಈ ಅವಧಿಯಲ್ಲಿ ಅದು ಯಾವುದೇ ಕಲ್ಲಿದ್ದಲು ಬಿಲ್ಗಳನ್ನು ನೀಡಿಲ್ಲ ಎಂದು ಆರ್ಟಿಐನಲ್ಲಿ ಉಲ್ಲೇಖಿಸಲಾಗಿದೆ.
9,902 ಕೋಟಿ ರೂ. ಪಾವತಿಸುವ ಬದಲು ಮುಂದ್ರಾ ಪವರ್ 13,802 ಕೋಟಿ ರೂ. ಪಾವತಿಸಿದ್ದಾರೆ ಎಂದು ವಿದ್ಯುತ್ ಇಲಾಖೆ ಈಗ ಪತ್ತೆ ಮಾಡಿದೆ. ಹೀಗಾಗಿ ಅದಾನಿ ಅವರಿಗೆ 3,900 ಕೋಟಿ ರೂ. ಹೆಚ್ಚುವರಿ ಪಾವತಿಸಲಾಗಿದೆ ಎಂದು ಆರ್ಟಿಐ ಹೇಳಿದೆ.
ಅದಾನಿ ಷೇರುಗಳ ಹಠಾತ್ ಪತನ ಮತ್ತು ಪತನದ ತನಿಖೆಗಾಗಿ ಸೆಬಿ ಸಮಿತಿಯನ್ನು ಸ್ಥಾಪಿಸಿದ ಸುಪ್ರೀಂ ಕೋರ್ಟ್ ಮಧ್ಯಸ್ಥಿಕೆಯಿಂದಾಗಿ ಬಹಿರಂಗಗೊಳ್ಳುವ ಭೀತಿಯಿಂದ ಈ ಹೆಚ್ಚುವರಿ 3,900 ಕೋಟಿ ರೂ.ಗಳನ್ನು ಹಿಂದಿರುಗಿಸಲು ವಿದ್ಯುತ್ ಇಲಾಖೆ ಈಗ ಅದಾನಿಗೆ ಪತ್ರ ಬರೆದಿದೆ.
ಹೀಗಾಗಿಯೇ ಗೌತಮ್ ಅದಾನಿ ಅವರಿಗೆ ಪ್ರಧಾನಿ ಮೋದಿ ಸರ್ಕಾರ ಸಾರ್ವಜನಿಕ ಹಣವನ್ನು ನೀಡುತ್ತಿದೆ ಎಂದು ವರದಿಯಾಗಿದೆ.
ಅದಾನಿ ಸಂಸ್ಥೆಗೆ ಪಾವತಿಯಾದ ಈ ಹೆಚ್ಚುವರಿ ಹಣದ ಮೇಲೆ ಶೇ 6 ರಷ್ಟು ಬಡ್ಡಿದರವನ್ನು ಪರಿಗಣಿಸಿದರೂ ಐದು ವರ್ಷಗಳಲ್ಲಿ 3,900 ಕೋಟಿ ರೂ. ಹಣದ ಬಡ್ಡಿ ವೆಚ್ಚ ಅಥವಾ ಹದ ಮೇಲಿನ ನಷ್ಟ ಪ್ರತಿ ವರ್ಷ 50 ಕೋಟಿ ರೂ. ಜಮೆಯಾಗುತ್ತದೆ. ಒಟ್ಟು 250 ಕೋಟಿ ರೂ. ಕೇವಲ ಬಡ್ಡಿ ಹಣವೇ ಆಗಲಿದೆ ಎಂದು ಆರ್ಟಿಐ ವರದಿ ಉಲ್ಲೇಖಿಸಿದೆ.
