ನವದೆಹಲಿ:ನಟಿ-ರಾಜಕಾರಣಿ ಜಯಾ ಬಚ್ಚನ್ ಮತ್ತು ರಾಜ್ಯಸಭಾ ಸ್ಪೀಕರ್ ಜಗದೀಪ್ ಧನಕರ್ ನಡುವೆ ಶುಕ್ರವಾರ ಮತ್ತೊಮ್ಮೆ ಮಾತಿನ ಚಕಮಕಿ ನಡೆದಿದೆ.ಸ್ಪೀಕರ್ ಧನಕರ್ ಅವರು ರಾಜ್ಯಸಭೆಯಲ್ಲಿ ಜಯಾ ಅವರನ್ನು ಚರ್ಚೆಯಲ್ಲಿ ಮಾತನಾಡಲು ಆಹ್ವಾನಿಸಿದಾಗ “ಜಯಾ ಅಮಿತಾಭ್ ಬಚ್ಚನ್” ಎಂದು ಉಲ್ಲೇಖಿಸಿದ್ದಾರೆ.
ಮತ್ತೆ ತಮ್ಮ ಹೆಸರಿನಲ್ಲಿ “ಅಮಿತಾಭ್” ಎಂದು ಉಲ್ಲೇಖಿಸಿದ್ದಕ್ಕೆ ಸಿಟ್ಟಿಗೆದ್ದ ಜಯಾ, ಸ್ಪೀಕರ್ ತಮ್ಮೊಂದಿಗೆ ಸ್ವೀಕಾರಾರ್ಹವಲ್ಲದ ಧ್ವನಿಯಲ್ಲಿ ಮಾತನಾಡುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.ಸಮಾಜವಾದಿ ಪಕ್ಷದ ಸಂಸದೆ ಜಯಾ ಶುಕ್ರವಾರ ಮೇಲ್ಮನೆಯಲ್ಲಿ ಮಾತನಾಡುತ್ತಾ, ನಾನೊಬ್ಬ ಕಲಾವಿದೆ. ನಾನು ದೇಹ ಭಾಷೆ ಮತ್ತು ಅಭಿವ್ಯಕ್ತಿಗಳನ್ನು ಅರ್ಥಮಾಡಿಕೊಳ್ಳುತ್ತೇನೆ.
ಆದರೆ ನೀವು ನನಗೆ ಬಳಸಿದ ಟೋನ್ ಸರಿಯಾಗಿಲ್ಲ. ನಾವು ನಿಮ್ಮ ಸಹೋದ್ಯೋಗಿಗಳು. ಆದರೆ ನಿಮ್ಮ ಧ್ವನಿ ಸ್ವೀಕಾರಾರ್ಹವಲ್ಲ ಎಂದು ಬಚ್ಚನ್ ಹೇಳಿದರು.ಇದಕ್ಕೆ ಸಿಡಿಮಿಡಿಗೊಂಡ ಧನಕರ್, ಜಯಾ ಜೀ, ನೀವು ದೊಡ್ಡ ಖ್ಯಾತಿಯನ್ನು ಗಳಿಸಿದ್ದೀರಿ.ಒಬ್ಬ ನಟ ಡೈರೆಕ್ಟರ್ ನ ನಿರ್ದೇಶನಕ್ಕೆ ಒಳಪಟ್ಟಿರುತ್ತಾರೆ ಎಂಬುದು ನಿಮಗೆ ತಿಳಿದಿದೆ. ಆದರೆ ಪ್ರತಿದಿನ ನಾನು ಈ ವಿಚಾರವನ್ನು ಪುನರಾವರ್ತಿಸಲು ಬಯಸುವುದಿಲ್ಲ. ಪ್ರತಿದಿನ ನಾನು ನಿಮಗೆ ಕ್ಲಾಸ್ ಮಾಡಲು ಬಯಸುವುದಿಲ್ಲ.
Who does Jaya Bachchan think she is? Every day, she throws the same tantrums.
— BALA (@erbmjha) August 9, 2024
Jagdeep Dhankhar Ji put her in her place today. Hopefully, she'll learn from this. pic.twitter.com/f4dDuWy3fl
ನೀವು ನನ್ನ ಟೋನ್ ಬಗ್ಗೆ ಮಾತನಾಡುತ್ತಿದ್ದೀರಿ.ನೀವು ಯಾರೇ ಆಗಿರಲಿ, ನೀವು ಸೆಲೆಬ್ರಿಟಿಯಾಗಿದ್ದರೂ ನಾವು ಇಲ್ಲಿ ಹೇಳುವುದನ್ನು ಸ್ವೀಕರಿಸಬೇಕು ಎಂದು ಜಯಾ ವಿರುದ್ಧ ವಾಗ್ದಾಳಿ ನಡೆಸಿದರು.ಈ ಹಿಂದೆಯೂ ರಾಜ್ಯಸಭೆಯಲ್ಲಿ ಜಯಾ ಹಾಗೂ ಸ್ಪೀಕರ್ ನಡುವೆ ವಾಗ್ವಾದ ಏರ್ಪಟ್ಟಿತ್ತು. ಜುಲೈ 29 ರಂದು ಜಯಾ ಪತಿ ಅಮಿತಾಭ್ ಬಚ್ಚನ್ ಅವರ ಹೆಸರನ್ನು ತಮ್ಮ ಹೆಸರಿನಲ್ಲಿ ಉಲ್ಲೇಖಿಸುವುದನ್ನು ವಿರೋಧಿಸಿ, ಪ್ರತಿಯೊಬ್ಬ ಮಹಿಳೆಯೂ ತನ್ನದೇ ಆದ ಗುರುತನ್ನು ಹೊಂದಿದ್ದಾಳೆ ಎಂದು ಜಯಾ ಹೇಳಿದ್ದರು.