ಅಫ್ಘಾನಿಸ್ತಾನದ ರಾಜಧಾನಿಯಲ್ಲಿ ಸ್ಫೋಟದ ಸದ್ದು ಕೇಳಿ ಬಂದ ನಂತರ, ಕಾಬೂಲ್ ವಿಮಾನ ನಿಲ್ದಾಣದ ಬಳಿ ಇರುವ ಖವಾಜ ಬುಗ್ರ ಪ್ರದೇಶ ಮನೆಯೊಂದಕ್ಕೆ ರಾಕೆಟ್ ಅಪ್ಪಳಿಸಿದೆ ಎಂದು ವರದಿಯಾಗಿದೆ. ಭಯೋತ್ಪಾದಕ ದಾಳಿಯ ಸಾಧ್ಯತೆಯ ಬಗ್ಗೆ ಯುಎಸ್ ಅಧಿಕಾರಿಗಳು ಎಚ್ಚರಿಕೆ ನೀಡಿದ ಕೆಲವು ಗಂಟೆಗಳ ನಂತರ ಈ ದಾಳಿ ನಡೆದಿದೆ.
ಮೂಲಗಳ ಪ್ರಕಾರ, ISIS-K ಈ ರಾಕೆಟ್ ದಾಳಿಯ ಹಿಂದೆ ಇರಬಹುದು ಎಂದು ಶಂಕಿಸಲಾಗಿದೆ. ಅವರು ಬಹುಶಃ ಉಳಿದ ಅಮೆರಿಕನ್ ಸಿಬ್ಬಂದಿ ಮೇಲೆ ದಾಳಿ ಮಾಡಲು ಪ್ರಯತ್ನಿಸುತ್ತಿದ್ದಾರೆ ಎನ್ನಲಾಗಿದೆ.
ಸ್ಫೋಟದಲ್ಲಿ ಒಂದು ಮಗು ಸೇರಿ ಇಬ್ಬರು ಸಾವನ್ನಪ್ಪಿದ್ದರೆ, ಮೂವರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಅಫ್ಘಾನ್ ಪೊಲೀಸ್ ಮುಖ್ಯಸ್ಥರು ಅಸೋಸಿಯೇಟೆಡ್ ಪ್ರೆಸ್‌ಗೆ ತಿಳಿಸಿದ್ದಾರೆ.
ಬೇರೆ ಯಾವುದೇ ಸಾವುನೋವುಗಳಾಗಿವೆ ಎಂಬುದು ಪ್ರಸ್ತುತ ತಿಳಿದು ಬಂದಿಲ್ಲ. ಸ್ಫೋಟದ ಹೊಣೆಯನ್ನು ಯಾವುದೇ ಗುಂಪು ಹೊತ್ತುಕೊಂಡಿಲ್ಲವಾದರಿಂದ ಇದನ್ನು ಯಾರು ಮಾಡಿದ್ದಾರೆ ಎಂಬುದು ಇನ್ನು ತಿಳಿದುಬಂದಿಲ್ಲ. ವಿಮಾನ ನಿಲ್ದಾಣದ ವಾಯುವ್ಯದಲ್ಲಿ ವರದಿಯಾದ ಸ್ಫೋಟಕ್ಕೂ ಇದಕ್ಕು ಸಂಬಂಧವಿದೆಯೇ ಎಂಬುದು ಸ್ಪಷ್ಟವಾಗಿಲ್ಲ.
ಅನಾಮಧೇಯ ಸ್ಥಿತಿಯ ಕುರಿತು ಮಾತನಾಡಿದ ಅಧಿಕಾರಿಗಳು, ಶಂಕಿತ ISKP ಉಗ್ರರನ್ನು ಗುರಿಯಾಗಿಸಿಕೊಂಡು ಈ ದಾಳಿ ನಡೆಸಲಾಗಿದೆ ಎಂದು ರಾಯಿಟರ್ಸ್‌ಗೆ ತಿಳಿಸಿದ್ದಾರೆ.ಇದು ಆರಂಭಿಕ ಮಾಹಿತಿಯನ್ನು ಉಲ್ಲೇಖಿಸಿದ್ದು ಮತ್ತಿದು ಬದಲಾಗಬಹುದು ಎಂದು ರಾಯಿಟರ್ಸ್‌ ಹೇಳಿದ್ದಾರೆ.
ಸ್ಫೋಟದ ದೃಶ್ಯಾವಳಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಜನರು ಹಂಚಿಕೊಂಡಿದ್ದು, ನಿವಾಸಿಗಳು ತಮ್ಮ ಜೀವ ಉಳಿಸಿಕೊಳ್ಳಲು ಕಿರುಚುತ್ತಾ ಓಡುತ್ತಿರುವುದನ್ನು ತೋರಿಸಿದೆ. ಸ್ಫೋಟಗೊಂಡ ಮನೆಯಿಂದ ಬೆಂಕಿಯನ್ನು ನಂದಿಸಲು ಕೆಲವು ಜನರು ತಮ್ಮ ಮನೆಗಳ ಮೇಲ್ಛಾವಣಿಯಿಂದ ನೀರನ್ನು ಎಸೆಯುತ್ತಿರುವುದು ಕಂಡುಬಂತು.
ಶನಿವಾರದಂದು, ಯುನೈಟೆಡ್ ಸ್ಟೇಟ್ಸ್ ಅಧ್ಯಕ್ಷ ಜೋ ಬಿಡೆನ್ ಅಫ್ಘಾನಿಸ್ತಾನದ ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಎರಡು ದಿನಗಳೊಳಗೆ ಹೊಸ ಭಯೋತ್ಪಾದಕ ದಾಳಿಯ ಸಾಧ್ಯತೆಯಿದೆ ಎಂದು ಎಚ್ಚರಿಸಿದ್ದರು. ಮುಂದಿನ 24 ರಿಂದ 36 ಗಂಟೆಗಳಲ್ಲಿ “ಮುನ್ಸೂಚನೆಯ ದಾಳಿಯ ಸಮಯವನ್ನು ನಿಗದಿಪಡಿಸಿದ್ದಾರೆ. “ನಿರ್ದಿಷ್ಟ, ವಿಶ್ವಾಸಾರ್ಹ ಬೆದರಿಕೆ” ಯ ಕಾರಣದಿಂದಾಗಿ ಎಲ್ಲಾ ಯುಎಸ್ ನಾಗರಿಕರು ವಿಮಾನ ನಿಲ್ದಾಣದ ಸಮೀಪವಿರುವ ಪ್ರದೇಶವನ್ನು ತೊರೆಯುವಂತೆ ವಿದೇಶಾಂಗ ಇಲಾಖೆಯು ಒತ್ತಾಯಿಸಿತು.
“ನಿರ್ದಿಷ್ಟ, ವಿಶ್ವಾಸಾರ್ಹ ಬೆದರಿಕೆ” ಯ ಕಾರಣದಿಂದಾಗಿ ಯುಎಸ್ ಸ್ಟೇಟ್ ಡಿಪಾರ್ಟ್ಮೆಂಟ್ ಎಲ್ಲಾ ಯುಎಸ್ ನಾಗರಿಕರನ್ನು ವಿಮಾನ ನಿಲ್ದಾಣದ ಬಳಿ ಇರುವ ಪ್ರದೇಶವನ್ನು ತೊರೆಯುವಂತೆ ಒತ್ತಾಯಿಸಿತ್ತು. “ನೆಲದ ಮೇಲಿನ ಪರಿಸ್ಥಿತಿ ಅತ್ಯಂತ ಅಪಾಯಕಾರಿಯಾಗಿ ಮುಂದುವರಿದಿದೆ ಮತ್ತು ವಿಮಾನ ನಿಲ್ದಾಣದ ಮೇಲೆ ಭಯೋತ್ಪಾದಕ ದಾಳಿಯ ಬೆದರಿಕೆ ಹೆಚ್ಚಾಗಿದೆ. ಮುಂದಿನ 24-36 ಗಂಟೆಗಳಲ್ಲಿ ದಾಳಿ ನಡೆಯುವ ಸಾಧ್ಯತೆ ಇದೆ ಎಂದು ನಮ್ಮ ಕಮಾಂಡರ್‌ಗಳು ನನಗೆ ಮಾಹಿತಿ ನೀಡಿದರು, ”ಎಂದು ಬಿಡೆನ್ ಶನಿವಾರ ಹೇಳಿದ್ದಾರೆ.
ವಿಮಾನ ನಿಲ್ದಾಣದಲ್ಲಿ ಗುರುವಾರ ನಡೆದ ಆತ್ಮಾಹುತಿ ಬಾಂಬ್ ದಾಳಿಗೆ ಕಾರಣರಾದ ಭಯೋತ್ಪಾದಕರ ವಿರುದ್ಧ ಪ್ರತೀಕಾರದ ದಾಳಿಯನ್ನು ಮುಂದುವರಿಸಲು ಬಿಡೆನ್ ವಾಗ್ದಾಳಿ ನಡೆಸಿದ್ದರು. ಈ ದಾಳಿ 13 ಯುಎಸ್ ಸೇವಾ ಸದಸ್ಯರು ಮತ್ತು ಕನಿಷ್ಠ 170 ಅಫ್ಘಾನ್ ಜನರನ್ನು ಕೊಂದಿತು. ಇಸ್ಲಾಮಿಕ್ ಸ್ಟೇಟ್ ಗುಂಪಿನ ಸ್ಥಳೀಯ ಶಾಖೆ – ಖೊರಾಸನ್ ಪ್ರಾಂತ್ಯದ ಇಸ್ಲಾಮಿಕ್ ಸ್ಟೇಟ್ ISIS-K ದಾಳಿ ಮಾಡಿರುವುದಾಗಿ ಹೇಳಿಕೊಂಡಿದೆ.
ಅಫ್ಘಾನಿಸ್ತಾನವನ್ನು ತಾಲಿಬಾನಿಗಳು ವಸಪಡಿಸಿಕೊಂಡ ದಿನದಿಂದಲು ಅಲ್ಲಿಯ ನಿವಾಸಿಗಳಿಗೆ ಬಾರಿ ಆತಂಕ, ಭಯ ಶುರುವಾಗಿದ್ದು ಅನೇಕ ನಾಗರೀಕರು ತಮ್ಮ ದೇಶವನ್ನೇ ತೊರೆದಿದ್ದಾರೆ. ಅದರಲ್ಲಿ ಕೆಲವರು ದೇಶವನ್ನು ತೊರೆಯುವ ಆತುರದಲ್ಲಿ ವಿಮಾನದ ಮೇಲೆ ಕುಳಿತು ಮೇಲಿಂದ ಬಿದ್ದು ಸಾವನಪ್ಪಿದ್ದಾರೆ. ಈ ಎಲ್ಲಾ ಘಟನೆಗಳನ್ನು ನೋಡಿದರೆ ಅಫ್ಘಾನಿಸ್ತಾನದ ಭೀಕರತೆಯ ಬಗ್ಗೆ ಒಂದಷ್ಟು ಚಿತ್ರಣ ನಿಮ್ಮ ಕಣ್‌ ಮುಂದೆ ಬರುತ್ತದೆ. ವಿಮಾನ ನಿಲ್ದಾಣದ ಬಳಿ ಎರಡು ಬಾಂಬ್ ಸ್ಟೋಟಕೊಂಡ ಬೆನ್ನಲ್ಲೇ ಈಗ ರಾಕೇಟ್‌ ದಾಳಿ ನಡೆದಿದೆ.
