Fact Check
ಬೆಂಗಳೂರು : ಜನರಲ್ ಕೋಚ್ ರೈಲು ಹೆಚ್ಚು ಜನನಿಬಿಡ ಆಗಿರುತ್ತದೆ. ರಿಜರ್ವೇಶನ್ ಇಲ್ಲದಿರುವ ಟ್ರೈನ್ ಕಾಯ್ದಿರಿಸದ ಸೀಟ್ಗಳಿರುತ್ತವೆ. ಈ ಕೋಚ್ನಲ್ಲಿ ಪ್ರಯಾಣಿಸಲು ಒಂದೇ ಅವಶ್ಯಕತೆಯೆಂದರೆ ನೀವು ಟಿಕೆಟ್ ಹೊಂದಿರಬೇಕು ಮತ್ತು ಸ್ಥಳದಲ್ಲೇ ಆಸನವನ್ನು ಪಡೆದುಕೊಂಡಿರಬೇಕು.
ಏಕೆಂದರೆ, ದೀರ್ಘ ಪ್ರಯಾಣದ ರೈಲುಗಳಲ್ಲಿ ಸೀಟ್ಗಳಿಗಾಗಿಯೇ ಬಹುತೇಕ ಗಲಾಟೆಗಳು ಈ ಆಸನಗಳಿಗಾಗಿಯೇ ಇರುತ್ತದೆ. ಅದೇ ರೀತಿ ಸೋಷಿಯಲ್ ಮೀಡಿಯಾದಲ್ಲಿ ಪ್ರಸ್ತುತ ವೈರಲ್ ಆಗುತ್ತಿರುವ ವೀಡಿಯೋವೊಂದು ಪರ – ವಿರೋಧದ ಚರ್ಚೆಯನ್ನು ಹುಟ್ಟು ಹಾಕಿದೆ.
ಚಲಿಸುತ್ತಿರುವ ಜನರಲ್ ಟ್ರೈನ್ ಒಂದರಲ್ಲಿ ಯುವಕ ಹಾಗೂ ಮಹಿಳೆಯ ನಡುವೆ ಆಸನಕ್ಕಾಗಿ ಜಗಳವಾಗಿರುವ ವಿಡಿಯೋ ಈಗಾಗಲೇ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಆದರೆ ಇದರ ಬಗ್ಗೆ ನಿಖರವಾದ ಮಾಹಿತಿ ಲಭ್ಯವಾಗಿಲ್ಲವಾದರೂ ಬಿಹಾರದ ಮೂಲದ ವೀಡಿಯೋ ಇದಾಗಿದೆ ಎಂದು ವರದಿಯಾಗಿದೆ.
ಯುವಕ ಹಾಗೂ ಮಹಿಳೆಯ ಮಧ್ಯೆ ಗಲಾಟೆ ನಡೆಯುತ್ತಿರುವ ವೀಡಿಯೋದಲ್ಲಿ ಮಹಿಳೆಯನ್ನು ತನ್ನ ಚಪ್ಪಲಿಯನ್ನು ಕೈಯಲ್ಲಿ ಹಿಡಿದು ಆ ಯುವಕನ ಮೇಲೆ ಹಲ್ಲೆ ಮಾಡುತ್ತಾಳೆ. ತನ್ನ ಹೆಂಡತಿಯ ಮುಂದೆ ಈ ಅವಮಾನವನ್ನು ಸಹಿಸಿಕೊಂಡಾಗಲೂ ಆ ವ್ಯಕ್ತಿ ಶಾಂತನಾಗಿದ್ದನು. ಆದರೂ ಇಬ್ಬರನ್ನೂ ನೋಡಿ ಕೋಪಗೊಂಡ ಆ ಮಹಿಳೆ, ಯುವಕನ ಹೆಂಡತಿಯನ್ನು ನಿಂದಿಸಿ, ಅವಮಾನಿಸಲು ಪ್ರಾರಂಭಿಸುತ್ತಾಳೆ. ಆಗ ಅವನು ಕೋಪಗೊಂಡು ಅವಳ ಮೇಲೆ ಕೈ ಎತ್ತಿದನು. ಈ ನಡೆಯು ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಯನ್ನು ಹುಟ್ಟುಹಾಕಿದೆ ಮತ್ತು ಬಳಕೆದಾರರು ಇದಕ್ಕೆ ತಮ್ಮದೇ ಆದ ಅಭಿಪ್ರಾಯಗಳನ್ನು ನೀಡುತ್ತಿದ್ದಾರೆ.
ಇದನ್ನೂ ಓದಿ : ಗ್ಯಾರಂಟಿ ಯೋಜನೆ ಹಿಂಪಡೆಯುವಂತೆ ಬಿಜೆಪಿಯಿಂದ ಅಧಿಕೃತ ನಿರ್ಣಯ ಮಂಡಿಸಿ : ಡಿ.ಕೆ. ಶಿವಕುಮಾರ್ ಸವಾಲು..!
ರೈಲಿನ ಜನರಲ್ ಕೋಚ್ನಲ್ಲಿ ನಡೆದ ಘಟನೆಯಲ್ಲಿ, ಒಬ್ಬರನ್ನು ತಪ್ಪಿತಸ್ಥರೆಂದು ಮತ್ತು ಇನ್ನೊಬ್ಬರದ್ದು ಅವರ ಹಕ್ಕು ಎಂದು ಹೇಳಲಾಗುವುದಿಲ್ಲ. ಆದರೆ ರೈಲಿನಲ್ಲಿ ಎಲ್ಲರ ಮುಂದೆ ವಿವಾಹಿತ ದಂಪತಿಗಳ ಮೇಲೆ ಮಹಿಳೆ ಪದೇ ಪದೇ ದೌರ್ಜನ್ಯ ಎಸಗಿದ್ದು ಮತ್ತು ಆಕೆಯ ಕುಟುಂಬ ಸದಸ್ಯರೊಂದಿಗೆ ನಿರಂತರವಾಗಿ ಹೋಲಿಸಿದ್ದನ್ನು ನೋಡಿದಾಗ ಆ ಮಹಿಳೆಯು ತನ್ನ ಮಿತಿಗಳನ್ನು ಮೀರಿದ್ದಳು.
ಆದರೆ ಆ ಮಹಿಳೆಯು ಯುವಕನ ಸೌಂದರ್ಯ ಮತ್ತು ಅವನ ಹೆಂಡತಿಯ ಸೌಂದರ್ಯ, ಬಣ್ಣ ಜಾತಿ ಸೇರಿದಂತೆ ಇತರ ವಿಷಯಗಳ ಬಗ್ಗೆ ಕಾಮೆಂಟ್ ಮಾಡಿದ್ದಾಳೆ. ಇಷ್ಟೆಲ್ಲಾ ನಡೆದರೂ ಶಾಂತವಾಗಿದ್ದ ಆ ಯುವಕ ನಂತರ ಮಹಿಳೆಗೆ ಹಲವು ಕಪಾಳಮೋಕ್ಷ ಮಾಡಿದ್ದಾನೆ.
ಆದರೆ ಕಾನೂನಿನಲ್ಲಿ ದೈಹಿಕ ಹಿಂಸೆಯನ್ನು ಬೆಂಬಲಿಸುವುದಿಲ್ಲ. ಆ ಯುವಕ ವಿಚಾರದಲ್ಲಿ ಆ ಮಹಿಳೆಯೆ ತಕರಾರು ಇದ್ದರೆ ರೈಲಿನ ಅಧಿಕಾರಿಗಳಿಗೆ ದೂರು ನೀಡಬಹುದಿತ್ತು, ಅಥವಾ ರೈಲ್ವೆ ಇಲಾಖೆಯ ಆನ್ಲೈನ್ನಲ್ಲಿ ಕಂಪ್ಲೇಂಟ್ ನೀಡಬಹುದಿತ್ತು.
ಆದರೆ ಒಬ್ಬ ಮಹಿಳೆಯಾಗಿ ಅವರು ಮಾತನಾಡಿದ್ದು ಎಷ್ಟು ಸರಿ ಎಂಬ ಪ್ರಶ್ನೆ ನೆಟ್ಟಿಗರದ್ದಾಗಿದೆ. “ನೀನು ಏನು? ನನ್ನ ಮಗ ನಿನಗಿಂತ ಸುಂದರವಾಗಿದ್ದಾನೆ, ಅವನು ಎಂಜಿನಿಯರ್. ನನ್ನ ಗಂಡ ಒಬ್ಬ ಸೂಪರ್ವೈಸರ್. ನನ್ನ ಮಗಳು ನಿನ್ನ ಹೆಂಡತಿಗಿಂತ ಸುಂದರಿಯಾಗಿದ್ದಾಳೆ ಅದು ಹೊಳೆಯುವ ಚಂದ್ರನಂತೆ ಎಂದು ಟೀಕಿಸಿದ್ದಾಳೆ. ಆ ಮಹಿಳೆ ನಿರಂತರವಾಗಿ ಕೈಯಲ್ಲಿ ಚಪ್ಪಲಿ ಹಿಡಿದು ಆ ವ್ಯಕ್ತಿಗೆ ಬೆದರಿಕೆಯನ್ನು ಹಾಕಿದ್ದಾಳೆ. ಅಲ್ಲದೆ ಆ ಯುವಕನನ್ನು ಅಸಭ್ಯವಾಗಿ ನಿಂದಿಸಿದ್ದಾಳೆ.
ಇದನ್ನು ಕೇಳಿದ ಆ ಯುವಕ ಕೋಪಗೊಂಡು ಹಲ್ಲೆ ಮಾಡಿದ್ದಾನೆ. ಈ ವಿಚಾರವು ಸಮರ್ಥನೆ ಮಾಡಿಕೊಳ್ಳುವಂಥದ್ದಲ್ಲ. ಸಾರ್ವಜನಿಕ ಸ್ಥಳದಲ್ಲಿ ಅಶಿಸ್ತಿನ ವರ್ತನೆಗಾಗಿ ರೈಲ್ವೆ ಇಲಾಖೆಯು ಇಬ್ಬರೂ ಪ್ರಯಾಣಿಕರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು. ಅಲ್ಲದೆ ಸ್ಥಳದಲ್ಲಿದ್ದ ಇತರ ಪ್ರಯಾಣಿಕರು ಸ್ವಲ್ಪ ಪರಿಸ್ಥಿತಿಯನ್ನು ನಿಯಂತ್ರಿಸಿದ್ದರೆ ಈ ರೀತಿಯ ಸನ್ನಿವೇಶ ನಿರ್ಮಾಣವೇ ಆಗುತ್ತಿರಲಿಲ್ಲ ಎನ್ನುವುದು ಕೂಡಾ ಅಷ್ಟೇ ಸತ್ಯವಾಗಿದೆ. ಈ ಬಗ್ಗೆ ರೈಲೈ ಪೊಲೀಸರು ಪ್ರಕರಣ ದಾಖಲಿಸಿದ್ದಾರಾ ಇಲ್ಲವಾ ಎಂಬ ಮಾಹಿತಿ ಲಭ್ಯವಾಗಿಲ್ಲ.
