ಅಮೆರಿಕದ ಲೈಂಗಿಕ ಅಪರಾಧಿ ಜೆಫ್ರಿ ಎಪ್ಸ್ಟೀನ್ ಜೊತೆ ರಿಲಯನ್ಸ್ ಗ್ರೂಪ್ ಅಧ್ಯಕ್ಷ ಅನಿಲ್ ಅಂಬಾನಿ ವ್ಯವಹಾರ ಮಾತುಕತೆಗಳು ಇತ್ತು ಎಂದು ಎಪ್ಸ್ಟೀನ್ ಫೈಲ್ ಹೇಳುತ್ತಿದೆ! ರಕ್ಷಣಾ ವಲಯದಲ್ಲಿ ವ್ಯಾಪಾರದವರೆಗೆ ಹಲವಾರು ವಿಷಯಗಳ ಕುರಿತು ಇಬ್ಬರೂ ಚರ್ಚಿಸಿದ್ದರು ಎನ್ನುವುದನ್ನು ಅಮೆರಿಕದ ನ್ಯಾಯ ಇಲಾಖೆಯು (ಡಿಒಜೆ) ಬಿಡುಗಡೆಗೊಳಿಸಿರುವ ಎಪ್ಸ್ಟೀನ್ ಫೈಲ್ ಉಲ್ಲೇಖಿಸಿದೆ.
2019ರ ಎಪ್ರಿಲ್.20ರಂದು ಎಪ್ಸ್ಟೀನ್ ಜೊತೆ ಮೆಸೇಜ್ ಚಾಟ್ನಲ್ಲಿ ಅಂಬಾನಿ, ಕಾರ್ಪೊರೇಟ್ ಮಟ್ಟದಲ್ಲಿ ಸಾಲದ ವ್ಯವಸ್ಥೆ ಮಾಡಲು ನೀವು ಹೇಗೆ ಸಹಾಯಮಾಡುವಿರಿ ಎಂದು ಪ್ರಶ್ನಿಸಿದ್ದರು. ಹಾಗೂ ಎಪ್ಸ್ಟೀನ್ ಮತ್ತು ಅಂಬಾನಿ ನಡುಗೆ ಹಲವಾರು ವಿಷಯ ಕುರಿತು ಚಾಟ್ಗಳು ನಡೆದಿವೆ. ಅವರಿಬ್ಬರೂ ಎಪ್ಸ್ಟೀನ್ನ ನಿವಾಸದಲ್ಲಿ ಭೇಟಿಯಾಗಿದ್ದರು. ಒಟ್ಟಿಗೆ ಊಟ ಮಾಡಿದ್ದರು. ಆಗ ವ್ಯವಹಾರದ ಬಗ್ಗೆ ಮಾತನಾಡಿದ್ದರು ಎನ್ನುವುದನ್ನು ಫೈಲ್ ಮೂಲಕ ತಿಳಿದು ಬರುತ್ತಿವೆ.ಎಪ್ಸ್ಟೀನ್ ಫೈಲ್ಸ್ ವೆಬ್ಸೈಟ್ನಲ್ಲಿ ಅನಿಲ್ ಅಂಬಾನಿ ಹೆಸರು 87 ಸಲ ಉಲ್ಲೇಖಿಸಲ್ಪಟ್ಟಿದೆ.
ಭೇಟಿಯ ಸಮಯದಲ್ಲಿ ಅಂಬಾನಿ ಸಂತೋಷಕ್ಕಾಗಿ ಎತ್ತರದ ಬಂಗಾರಬಣ್ಣದ ಸ್ವೀಡಿಷ್ ಮಹಿಳೆಯನ್ನು ವ್ಯವಸ್ಥೆ ಮಾಡುವುದಾಗಿ ಚಾಟ್ವೊಂದರಲ್ಲಿ ಎಪ್ಸ್ಟೀನ್ ಹೇಳಿದಾಗ ಅಂಬಾನಿ ಅದಕ್ಕೆ ಒಪ್ಪಿಕೊಂಡಿದ್ದರು ಎನ್ನುವುದನ್ನು ಇಬ್ಬರ ನಡುವಿನ ಚಾಟ್ ಗಳು ತೋರಿಸಿವೆ.!
ಎಪ್ಸ್ಟೀನ್ ಕಡತಗಳಲ್ಲಿ ಅಂಬಾನಿ ಹೆಸರು ಪ್ರಮುಖವಾಗಿ ಕಾಣಿಸಿಕೊಂಡಿದ್ದರೂ ಅವರೇಕೆ ಇನ್ನೂ ಜೈಲು ಸೇರಿಲ್ಲ ಎಂದು ಪ್ರತಿಪಕ್ಷ ಕಾಂಗ್ರೆಸ್ ಪ್ರಶ್ನಿಸಿದೆ. ಇತರ ದೇಶಗಳು ಎಪ್ಸ್ಟೀನ್ ಕಡತಗಳಲ್ಲಿ ಹೆಸರು ಕಾಣಿಸಿಕೊಂಡಿರುವ ನಾಯಕರ ಕುರಿತು ಈಗಾಗಲೇ ಪರಿಶೀಲನೆಯನ್ನು ಆರಂಭಿಸಿವೆ.
