ಚಂದನವನದ ನಟಿ ರಮ್ಯಾ (Actress ramya) ರೇಣುಕಸ್ವಾಮಿ ಪ್ರಕರಣಕ್ಕೆ (Renukaswamy murder case) ಸಂಬಂಧಪಟ್ಟಂತೆ ಪೋಸ್ಟ್ ಮಾಡಿ ನಟ ದರ್ಶನ್ (Actor darshan) ಅವರ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು. ಹೀಗಾಗಿ ಕೆಲವು ದರ್ಶನ್ ಅಭಿಮಾನಿಗಳು ಸೋಶಿಯಲ್ ಮೀಡಿಯಾದಲ್ಲಿ ನಟಿ ರಮ್ಯಾ ಅವರಿಗೆ ಅಶ್ಲೀಲ ಸಂದೇಶ ಕಳುಹಿಸಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಮತ್ತೋರ್ವ ಆರೋಪಿಯನ್ನ ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.
ಹೀಗಾಗಿ ಈ ಪ್ರಕರಣದಲ್ಲಿ ಇದುವರೆಗೂ ಅಶ್ಲೀಲವಾಗಿ ಮೆಸೇಜ್ ಮಾಡಿದ್ದ ಮೂವರು ಆರೋಪಿಗಳನ್ನ ಪತ್ತೆ ಮಾಡಿ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಇನ್ನು ನಾಳೆ (ಆ.5) ಇನ್ಸ್ಟಾಗ್ರಾಂನಿಂದ ನಲವತ್ತಕ್ಕೂ ಹೆಚ್ಚು ಅಕೌಂಟ್ಗಳ ಐಪಿ ಅಡ್ರೆಸ್ ಪೊಲೀಸರ ಕೈಗೆ ಸೇರಲಿದ್ದು, ಐಪಿ ಅಡ್ರೆಸ್ ಪತ್ತೆಯಾಗ್ತಿದ್ದಂತೆ ಇನ್ನಷ್ಟು ಆರೋಪಿಗಳ ಬಂಧನವಾಗುದ ಸಾಧ್ಯತೆ ಇದೆ.
ಈ ನಡುವೆ ಕೆಲ ದರ್ಶನ್ ಫ್ಯಾನ್ ಪೇಜ್ಗಳಲ್ಲೂ ನಟಿ ರಮ್ಯಾ ಅವರಿಗೆ ಅವಹೇಳನಕಾರಿ ಪದಬಳಕೆ ಮಾಡಿರುವ ಹಿನ್ನಲೆ , ಈ ಪೇಜ್ ಗಳ ಅಡ್ಮಿನ್ಗಳನ್ನು ಕೂಡ ಬಂಧಿಸಲು ಸಿಸಿಬಿ ಪೊಲೀಸರು ಸಿದ್ಧತೆ ನಡೆಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
