ರಾಜ್ಯದಲ್ಲಿ ಅಪರಾಧ ಹೆಚ್ಚಳವಾಗಿದೆ. ಕಾನೂನು ಸುವ್ಯವಸಸ್ಥೆ ಕಾಪಾಡುವಲ್ಲಿ ಕಾಂಗ್ರೆಸ್ ಸರ್ಕಾರ ವಿಫಲವಾಗಿದೆ ಎಂದು ಬಿಜೆಪಿ ನಾಯಕರು ವಿಧಾನಸಭೆಯಲ್ಲಿ ವಾಗ್ದಾಳಿ ಮಾಡಿದ್ದಾರೆ. ಈ ಮಾತಿಗೆ ಉತ್ತರ ಕೊಟ್ಟಿರುವ ಗೃಹ ಸಚಿವ ಪರಮೇಶ್ವರ್, ನಮ್ಮ ಆಡಳಿತದಲ್ಲಿ ಅಪರಾಧಗಳ ಸಂಖ್ಯೆ ಕಡಿಮೆ ಆಗಿದೆ. ಮಂಗಳೂರಿನಲ್ಲಿ 75 ಕೋಟಿ ಮೌಲ್ಯದ ಡ್ರಗ್ಸ್ ಹಿಡಿದಿದ್ದಾರೆ.. ನೀವೇ ಪೊಲೀಸರಿಗೆ ಅಭಿನಂದನೆಗಳನ್ನು ಹೇಳಿದ್ದೀರಿ.. ಎಷ್ಟು ಸಾಧ್ಯವೋ ಅಷ್ಟು ಕಡಿಮೆ ಮಾಡಲು ಪ್ರಯತ್ನ ಮಾಡಿದ್ದೇವೆ ಎಂದಿದ್ದಾರೆ.
ಪೊಲೀಸರು 75 ಕೋಟಿ ಮೌಲ್ಯದ ಡ್ರಗ್ಸ್ ಹಿಡಿದಿದ್ದಾರೆ ಅಂತ ತೃಪ್ತಿ ಇದೆ ಎಂದಲ್ಲ.. ಅಪರಾಧಗಳನ್ನು ಮಾಡೋರೆ ನೀವು. RSS ನವರೇ ಅಪರಾಧ ಮಾಡೋರು. ದ್ವೇಷ ಭಾಷಣ ಮಾಡುತ್ತೀರ ಎಂದಿದ್ದಾರೆ ಸಿಎಂ ಸಿದ್ದರಾಮಯ್ಯ. ಈ ವೇಳೆ ಬಿಜೆಪಿ ಸದಸ್ಯರಿಂದ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. PFI ಕಾರ್ಯಕರ್ತರ ಮೇಲಿನ ಕೇಸ್ ವಾಪಸ್ ತೆಗೆದುಕೊಂಡಿದ್ದೀರಾ ಎಂದಿದ್ದಾರೆ ಬಿಜೆಪಿ ಸದಸ್ಯರು. ನಾನು ಕೇಸ್ ವಾಪಸ್ ಪಡೆದಿಲ್ಲ ಎಂದಿದ್ದಾರೆ ಸಿಎಂ ಸಿದ್ದರಾಮಯ್ಯ. ಸಿಎಂ ಮಾತಿಗೆ ಕೆರಳಿದ ವಿಪಕ್ಷ ನಾಯಕ ಆಶೋಕ್, RSSನವರು ಅಪರಾಧ ಮಾಡೋರು ಎಂಬ ಪದವನ್ನು ಕಡತದಿಂದ ತೆಗೆಯಬೇಕು ಎಂದು ಒತ್ತಾಯ ಮಾಡಿದ್ದಾರೆ.
ಕಾನೂನು ಸುವ್ಯವಸ್ಥೆ ಹದಗೆಟ್ಟಿರೋ ಬಗ್ಗೆ ಗೃಹಸಚಿವ ಪರಮೇಶ್ವರ್ ಉತ್ತರ. ಕೊಟ್ಟಿದ್ದು, ರಾಜ್ಯದಲ್ಲಿ ಕೊಲೆಯಾಗಿದೆ, ಆಗ್ತಿದೆ, ದರೋಡೆಯಾಗ್ತಿದೆ. ಅನೇಕ ಚಟುವಟಿಕೆ ಹೆಚ್ಚಾಗಿದೆ, ಸವಾಲಾಗಿದೆ. ಅನೇಕ ಘಟನೆ ಹತ್ತಿಕ್ಕುವಲ್ಲಿ ಗೃಹ ಇಲಾಖೆ ವಿಫಲವಾಗಿದೆ ಅಂತ ಚರ್ಚೆ ತೆಗೆದಿದ್ದಾರೆ. 11 ಜನ ಚರ್ಚೆ ಮಾಡಿದ್ದಾರೆ. ನನ್ನನ್ನೂ ಸೇರಿದಂತೆ ಅನೇಕರು ಗೃಹಸಚಿವರಾಗಿ ಕೆಲಸ ಮಾಡಿದ್ದಾರೆ. ಇವರು ಸಚಿವರಾಗಿದ್ದಾಗ ಕರ್ನಾಟಕ ಮರ್ಡರ್, ಡ್ರಗ್ಸ್ ಮುಕ್ತ ಆಗಿರಲಿಲ್ಲ. ಇದು ನಿರಂತರವಾಗಿ ಆಗ್ತಿದೆ. ಹಾಗಂತ ಸಮರ್ಥನೆ ಮಾಡಿಕೊಳ್ತಿಲ್ಲ. 2020-25ರ ವರೆಗೆ ಕ್ರೈಮ್ ನಡೆದಿದೆ, ಅದರ ಲೆಕ್ಕಾಚಾರ ಹೀಗಿದೆ ನೋಡಿ ಎಂದು ಅಂಕಿಅಂಶ ಬಿಚ್ಚಿಟ್ಟಿದ್ದಾರೆ.
ಮರ್ಡರ್ ಸಂಖ್ಯೆ
2020 ರಲ್ಲಿ 1,035
2021 ರಲ್ಲಿ 1,340
2022 ರಲ್ಲಿ 1,366
2023 ರಲ್ಲಿ 1,294
2024 ರಲ್ಲಿ 1,208
ಅಪರಾಧ ಪ್ರಕರಣ ಹೆಚ್ಚಾದಂತೆ ಪತ್ತೆ ಹಚ್ಚಲು ಲ್ಯಾಬ್ರೇಟರಿ ಮಾಡಲಾಯ್ತು. ಇನ್ಫೋಸಿಸ್ನವರು ನಮಗೆ ಸಾಕಷ್ಟು ಸಹಾಯ ಮಾಡಿದ್ದಾರೆ. ಕ್ರೈಮ್ಗಳನ್ನ ಹತ್ತಿಕ್ಕಲು ಅನುಕೂಲ ಆಗಿದೆ ಎಂದಿದ್ದಾರೆ.
ಸೈಬರ್ ಕ್ರೈಮ್ ಸಂಖ್ಯೆ
2020 ರಲ್ಲಿ 10,575
2021 ರಲ್ಲಿ 8,144
2022 ರಲ್ಲಿ 11,547
2023 ರಲ್ಲಿ 2,149
2024ರಲ್ಲಿ 21,984
NDPS ಆಕ್ಟ್ ಅಡಿ ಡ್ರಗ್ ಕೇಸ್ ಸಂಖ್ಯೆ
2020 ರಲ್ಲಿ 4,065
2021 ರಲ್ಲಿ 5,789
2022 ರಲ್ಲಿ 6,400
2023 ರಲ್ಲಿ 6,767
2024 ರಲ್ಲಿ 4,188
ಮಹಿಳೆಯರ ಮೇಲಿನ ದೌರ್ಜನ್ಯ ಕೇಸ್ ಹಾಗು ಪೋಕ್ಸೋ ಕೇಸ್ ಸಂಖ್ಯೆ
2020 ರಲ್ಲಿ 2,165
2021 ರಲ್ಲಿ 2,884
2023 ರಲ್ಲಿ 3,897
2024 ರಲ್ಲಿ 4,000
ಇತರೆ ರಾಜ್ಯಗಳಲ್ಲಿ ಕ್ರೈಮ್
ಉತ್ತರ ಪ್ರದೇಶದಲ್ಲಿ ಕ್ರೈಮ್
ಮಹಿಳೆಯರ ಮೇಲೆ ದೌರ್ಜನ್ಯ- 49,385
ಮಕ್ಕಳ ಮೇಲಿನ ದೌರ್ಜನ್ಯ- 15,271
ಗುಜರಾತ್ ನಲ್ಲಿ ಪ್ರಕರಣ
ಮಹಿಳೆಯರ ಮೇಲೆ 8,028
ಮಕ್ಕಳ ಮೇಲೆ 4,075
ಇತರೆ ರಾಜ್ಯಗಳಲ್ಲಿ ದಾಖಲಾಗಿರೋ ಪ್ರಕರಣ ಹೋಲಿಸಿದ್ರೆ, ನಮ್ಮಲ್ಲಿ ಕಡಿಮೆ ಇದೆ. ಲಾ ಆಂಡ್ ಆರ್ಡರ್ ಸಮಸ್ಯೆಗಳು
2018 ರಲ್ಲಿ 04
2019 ರಲ್ಲಿ 11
2020ರಲ್ಲಿ 10
2021ರಲ್ಲಿ 10
2022 ರಲ್ಲಿ 27
2023 ರಲ್ಲಿ 17
2024 ರಲ್ಲಿ 11
ಕಮ್ಯೂನಲ್ ಕೇಸ್
2018 ರಲ್ಲಿ 11
2019ರಲ್ಲಿ 06
2020 ರಲ್ಲಿ 07
2021 ರಲ್ಲಿ 19
2022 ರಲ್ಲಿ 39
2023ರಲ್ಲಿ 12
2024 ರಲ್ಲಿ 08
ಗ್ಯಾಂಗ್ ರೇಪ್
2019 ರಲ್ಲಿ 05
2021 ರಲ್ಲಿ 17
2022 ರಲ್ಲಿ 10
2023 ರಲ್ಲಿ 10
2024 ರಲ್ಲಿ 05
ಗಲಭೆ
2018- 06
2019- 34
2020- 06
2021- 12
2022- 13
2023- 07
2024- 05
ಇದು ಕ್ರೈಮ್ ಆಗಿರೋ ಬಗ್ಗೆ ದಾಖಲಾಗಿರೋ ಪ್ರಕರಣಗಳು. ಇದ್ರ ಆಧಾರದಲ್ಲಿ ಚರ್ಚೆ ಮಾಡಿ ಎಂದು ಬಿಜೆಪಿ ನಾಯಕರು ತಿರುಗೇಟು ನೀಡಿದ್ದಾರೆ.
