80 ವಂದೇಭಾರತ್​ ರೈಲುಗಳ ಪೂರೈಕೆಗೆ 24 ಸಾವಿರ ಕೋಟಿ ರೂ. ಮೌಲ್ಯದ ಒಡಂಬಡಿಕೆಗೆ ಸಹಿ ಹಾಕಿದ ಟಿಟಾಗಢ್ ವ್ಯಾಗನ್ + BHEL

ಈ ಹಿಂದೆ ಟಿಟಾಗಢ್​ ವ್ಯಾಗನ್ಸ್​ ಎಂದು ಕರೆಯಲ್ಪಡುವ ಟಿಟಾಗಢ್​​ ರೈಲ್​ ಸಿಸ್ಟಮ್ಸ್​ ಲಿಮಿಟೆಡ್​​ ಹಾಗೂ ಭಾರತ್​ ಹೆವಿ ಎಲೆಕ್ಟ್ರಿಕಲ್ಸ್​​ ಲಿಮಿಟೆಡ್​​  ಒಕ್ಕೂಟವು ಭಾರತೀಯ ರೈಲ್ವೆಗೆ 80 ವಂದೇ ಭಾರತ್​ ಸ್ಲೀಪರ್​​ ರೈಲುಗಳನ್ನು ತಯಾರಿಸುವ 24 ಸಾವಿರ ಕೋಟಿ ರೂಪಾಯಿ ಮೌಲ್ಯದ ಆರ್ಡರ್​ನ್ನು ಪಡೆದುಕೊಂಡಿದೆ . 


ಆರ್ಡರ್​ ಪಡೆದ ಎರಡೂ ಕಂಪನಿಗಳು 2029ರ ವೇಳೆಗೆ ಸಂಪೂರ್ಣವಾಗಿ ಜೋಡಿಸಲಾದ ರೈಲುಗಳನ್ನು ತಯಾರಿಸಿ ಕೊಡಬೇಕು ಹಾಗೂ ಮುಂದಿನ 35 ವರ್ಷಗಳ ಕಾಲ ಅವುಗಳ ನಿರ್ವಹಣೆಯ ಜವಾಬ್ದಾರಿಯನ್ನು ಆಯಾ ಕಂಪನಿಗಳೇ ಹೊರಬೇಕು ಎಂದು ತಿಳಿಸಲಾಗಿದೆ. 

ವಂದೇ ಭಾರತ್​ ಸ್ಲೀಪರ್​ ರೈಲುಗಳ ಅಂತಿಮ ಜೋಡಣೆ, ಪರೀಕ್ಷೆ ಮತ್ತು ಕಾರ್ಯಾರಂಭಕ್ಕೆ ಭಾರತೀಯ ರೈಲ್ವೆಯ ಸೌಲಭ್ಯಗಳನ್ನು ಬಳಕೆ ಮಾಡಿಕೊಳ್ಳಲಾಗುತ್ತೆ. ಪ್ರತಿ ರೈಲು 16 ಕೋಚ್​ಗಳನ್ನು ಹೊಂದಿರುತ್ತದೆ. ಈ ರೈಲಿನಲ್ಲಿ ಒಟ್ಟು 880 ಪ್ರಯಾಣಿಕರು ಏಕ ಕಾಲದಲ್ಲಿ ಪ್ರಯಾಣಿಸಬಹುದಾಗಿದೆ. ಈ ರೈಲುಗಳು ಗಂಟೆಗೆ 160 ಕಿಲೋ ಮೀಟರ್ ವೇಗದಲ್ಲಿ ಸಾಗುತ್ತವೆ. 

ADVERTISEMENT